ԲՀԿ-Ը ՓԱՍՏԵՐ ՉՈՒՆԻ, ՈՐ ԻՇԽԱՆՈՒԹՅՈՒՆԸ ՉԻ ԳՈՐԾԵԼ ԱՆՕՐԻՆԱԿԱՆՈՒԹՅԱՆ ՇՐՋԱՆՈՒՄ, ԲԱՅՑ…
Արխիվ 12-16ԲՀԿ-Ը ՓԱՍՏԵՐ ՉՈՒՆԻ, ՈՐ ԻՇԽԱՆՈՒԹՅՈՒՆԸ ՉԻ ԳՈՐԾԵԼ
ԱՆՕՐԻՆԱԿԱՆՈՒԹՅԱՆ ՇՐՋԱՆՈՒՄ, ԲԱՅՑ…
ԲՀԿ առաջնորդ Նաիրա Զոհրաբյանը armlur.am-ի հետ զրույցում հայտարարել է, որ երբ քննչական կոմիտեն եւ ԱԱԾ-ը «Հիմնադիր խորհրդարան» նախաձեռնության անդամներից մի քանիսի ձերբայկալության մասին հայտարարություն տարածեց, ԲՀԿ-ը հայտարարեց` ներկայացված փաստերը բավարար չեն եւ այն ինչ առգրավվել է եւ ներկայացվել որպես ապացույց` հեղաշրջում կատարելու, լրացուցիչ պարզաբանման կարիք ուներ:
«Իրավունքը» ԲՀԿ խմբակցության քարտուղար Վահե Էնֆիաջյանից պարզեց` եթե իրավապահ երկու համակարգի ներկայացված փաստերը բավարար չեն, արդյոք ԲՀԿ-ն ունի փաստեր այն մասին, որ իշխանությունը չի գործել օրենքի եւ օրինականության շրջանակներում «Հիմնադիր խորհրդարան»-ի անդամների հանդեպ: «Նման փաստեր բնականաբար, չկան, բայց այն, ինչ հայտարարել է Նաիրա Զոհրաբյանը, հաստատում եմ եւ վերահաստատում: Սա քաղաքական միավորի ու քաղաքական կուսակցության ղեկավարի հետ կապ չունի: Յուրաքանչյուր գործողություն պետք է տեղի ունենա իրավական հարթությունում գրագետ ու ճիշտ, օրենքի տառին համահունչ»,- եզրափակեց խմբակցության քարտուղարը:
ՍՈՆԱ ԴԱՎԹՅԱՆ
