«ՈՐՏԵՂԻՑ ԿՄՏՆԻ, ՈՐՏԵՂԻՑ ԴՈՒՐՍ ԿԳԱ, ԿԱՐԵՎՈՐ ՉԷ...» ԱԳ ՓՈԽՆԱԽԱՐԱՐԸ` ԹՈՒՐՔԻԱՅԻ ԿԱՌԱՎԱՐՈՒԹՅԱՆԸ
Արխիվ 12-16«ՈՐՏԵՂԻՑ ԿՄՏՆԻ, ՈՐՏԵՂԻՑ ԴՈՒՐՍ ԿԳԱ, ԿԱՐԵՎՈՐ
ՉԷ...» ԱԳ ՓՈԽՆԱԽԱՐԱՐԸ` ԹՈՒՐՔԻԱՅԻ
ԿԱՌԱՎԱՐՈՒԹՅԱՆԸ
Կարտասանի՞ արդյոք Օբաման ցեղասպանություն բառը, թե ոչ հատկապես Հռոմի պապի ապրիլի 15-ին Սուրբ Պետրոս եկեղեցում մատուցած պատարագից հետո, որտեղ կաթոլիկ աշխարհի առաջնորդը երկու անգամ արտասանեց ցեղասպանություն բառը, ՀՀ ԱԳ փոխնախարար ԿԱՐԵՆ ՆԱԶԱՐՅԱՆԸ մեզ հետ զրույցում նշեց, որ նա չի կարող կանխատեսել այս կամ այն պետության ղեկավարի արվելիք հայտարարությունները. «Բայց, ինչ վերաբերում է Հռոմի պապի հայտարարության ուժգնությանը, ապա դրա հետ կապված ԱԳ նախարարությունը տվել է իր պատասխանը, այդ շրջանակից ավել, ես ոչինչ չեմ կարող ասել: Անշուշտ ողջոնում ենք, շատ կարեւոր քայլ էր, վատ ժխտողականության դեմ պայքարին: Հուսանք, որ նմանօրինակ հայտարարություններից, ընդունվող բանաձեվերից ու տարբեր երկրնեի կողմից ստացած պատգամներից թուրքական կառավարությունը համապատասխան հետեւություններ կանի»,- ասաց Կ. Նազարյանը:
Էրդողանի այն հայտարարությունը, թե հայերի ամեն մի ասած իրենց մի ականջից մտնում է մյուսից դուրս գալիս, կարելի է ասել, որ նույնիսկ Հռոմի պապի մակարդակով իրականացված իրողությունը եւս նման վերաբերմունքի կարժանանա, ԱԳ փոխնախարարն այսպես արձագանքեց. «Ես չգիտեմ, թե դրանից հետո անգամ, որտեղից կմտնի, որտեղից դուրս կգա թուրքական կառավարությունում այդ ամենը, բայց Հռոմի պապը խոսել է մեկ միլիարդից ավել կաթոլիկ հավատացյալ ժողովրդի անունից, որոնք շատ կարեւոր ու հստակ պատգամներ են, ուղղված ժխտողականությանը, եւ հայոց ցեղասպանության ճանաչման անհրաժեշտությանը»:
ԱՐՄԵՆՈՒՀԻ ՀԱԿՈԲՅԱՆ
