Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը

ՄՇԱԿՈՒԹԱՅԻՆ ՄԻԱՄՍՅԱԿ` «ԱՐՏ ՖԵՍՏ» ՓԱՌԱՏՈՆԻ ԿՈՂՄԻՑ

Արխիվ 12-16

ՄՇԱԿՈՒԹԱՅԻՆ ՄԻԱՄՍՅԱԿ` «ԱՐՏ ՖԵՍՏ» ՓԱՌԱՏՈՆԻ ԿՈՂՄԻՑ


«Իրավունքն» արդեն անդրադարձել է, որ «ԱՐՏ ՖԵՍՏ» երիտասարդական հանրապետական երրորդ բաց փառատոնն այս տարի, ի տաբերություն  նախորդ երկու տարիների, երկու շաբաթի փոխարեն շուրջ մեկ ամիս հանրությանը կներկայացնի արվեստի մի քանի ճյուղեր` թատերական արվեստ, կինոարվեստ, կերպարվեստ, դիզայն եւ դեկորատիվ կիրառական արվեստ եւ երգարվեստ: «ԱՐՏ ՖԵՍՏ»-ն արդեն 3-րդ տարին է` 16-35 տարեկան երիտասարդ ստեղծագործողներին հնարավորություն է ընձեռում ինքնադրսեւորվելու, սեփական ստեղծագործությունները ներկայացնելու` ձեւավորելով համագործակցության հեռանկարային լայն շրջանակներ: Ցուցադրություններից հետո մասնագիտական հանձնախումբը արվեստի ամեն տեսակից որոշում է` ոսկե, արծաթե, բրոնզե մրցանակակիրներին:

«Մեկ տանիքի ներքո» խորագրով «ԱՐՏ ՖԵՍՏ» երիտասարդական հանրապետական երրորդ բաց փառատոնն այս տարի կանցկացվի մայիսի 11-ից հունիսի 11-ը: Փառատոնը գրեթե հայտարարում է մշակութային միամսյակ:

«Իրավունքի» հետ զրույցում փառատոնի պրոդյուսեր ՆԱՐԵԿ ԱՐՇԱԿՅԱՆԸ նշեց. ««ԱՐՏ ՖԵՍՏ» օգնում է երիտասարդ, դեռեւս իրենց կայացման, եւ կարծում եմ` կյանքի ամենակարեւոր փուլում գտնվող երիտասարդ ստեղծագործողներին ինքնադրսեւորվելու, արվեստի հանդեպ ունեցած մոտեցումներն արտահայտելու, կայանալու, ինչու չէ նաեւ ծանոթանալու իրենց հասակակից ստեղծագործողների եւ նրանց աշխատանքների հետ: Վստահ եմ, որ ««ԱՐՏ ՖԵՍՏ» իր անմիջական դրական ազդեցությունը կունենա յուրաքանչյուր մասնակցի ստեղծագործական ուղղու վրա, որովհետեւ շատերի ճանապարհը սկսվում է հենց «ԱՐՏ ՖԵՍՏ» ից: Այս տարի փառատոնն իր մեջ ընդգրկեց նաեւ երգարվեստը, դիզայն եւ դեկորատիվ կիրառական արվեստը, միանալով թատերական արվեստին, կինոարվեստին եւ կերպարվեստին: Մասնակիցների քանակը, եթե համեմատելու լինենք «ԱՐՏ ՖԵՍՏ- 2014»-ի հետ, մոտ երկու անգամ ավելացել է: Կարծում եմ` դա մեծ ձեռքբերում է, սա խոսում է այն մասին, որ «ԱՐՏ ՖԵՍՏԸ» երիտասարդների համար սպասված, սիրված եւ պահանջված փառատոն է: Նշեմ նաեւ, որ այս տարի փառատոնին մասնակցելու վերաբերյալ  բազմաթիվ արձագանքներ կան արտերկրի մեր երիտասարդ հայրենակիցների կողմից: Այդ փաստը մտորելու առիթ է տալիս` ապագայում «ԱՐՏ ՖԵՍՏԻ»  համար համահայկական մշակութային փառատոնի ձեւաչափ  մշակել, որտեղ յուրաքանչյուր հայ երիտասարդ ստեղծագործող կունենա իր հայրենիքում ինքնաարտահայտվելու հարթակ»:

 

ԼԻԼԻԹ ԵՂԻԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ