ՀԱՅ ԾԱՆՐՈՐԴՆԵՐԻ ԵԼՈՒՅԹՆԵՐԸ ԵՎՐՈՊԱՅԻ ԱՌԱՋՆՈՒԹՅՈՒՆՈՒՄ
Արխիվ 12-16ՀԱՅ ԾԱՆՐՈՐԴՆԵՐԻ ԵԼՈՒՅԹՆԵՐԸ ԵՎՐՈՊԱՅԻ ԱՌԱՋՆՈՒԹՅՈՒՆՈՒՄ
Թբիլիսիում շարունակում է ընթանալ ծանրամարտի տղամարդկանց եւ կանանց Եվրոպայի առաջնությունը, որտեղ Հայաստանը ներկայացնում են 7 ծանրորդ եւ 3 ծանրորդուհի: Մեր մարզիկներից առաջինն իր ելույթները սկսեց 56 կգ քաշային կարգում հանդես եկող Սմբատ Մարգարյանըª երկամարտի 259 կգ (113+146) արդյունքով նվաճելով արծաթե մեդալ: 69 կգ քաշային կարգում Հայաստանը ներկայացնում էր Եվրոպայի գործող փոխչեմպիոն Վանիկ Ավետիսյանը, ով սակայն այս մրցաշարում մեդալ չնվաճեցª երկամարտի 312 կգ (137+175) արդյունքով գրավելով չորրորդ տեղը: Այն դեպքում, երբ նախորդ տարի հայ մարզիկը արծաթե մեդալակիր էր դարձել երկամարտի 315 կգ (140+175) արդյունքով: Նույն քաշային կարգում հանդես եկող Ռուստամ Կարապետյանը նույնպես մեդալ չնվաճեց եւ երկամարտում հավաքելով 308 կգ (138+170)ª գրանցեց 6-րդ արդյունքը:
Իսկ երբ մրցահարթակը տրամադրվեց հայ ուժեղագույն ծանրորդ Տիգրան Մարտիրոսյանին, Հայաստանը նվաճեց առաջին ոսկե մեդալը այս մրցաշարում: 77 կգ քաշային կարգում հանդես եկող Տիգրանը երկամարտում գրանցեց 351 կգ արդյունքª դառնալով Եվրոպայի եռակի չեմպիոն: Իսկ 19-ամյա Անդրանիկ Կարապետյանը երկամարտի 350 կգ արդյունքով նվաճեց բրոնզե մեդալ: Հիշեցնենք, որ Անդրանիկը երկու տարի դադարից հետո վերադարձավ մրցահարթակ, քանի որ որակազրկվել էր` խթանիչներ օգտագործելու համար: Չնայած դրանª հրում վարժությունում Անդրանիկ Կարապետյանը 164 կգ արդյունքով նվաճեց փոքր ոսկե մեդալ, երբ Մարտիրոսյանը եւ երկրորդ հորիզոնականը զբաղեցրած Վիկտոր Գեցը 160-ական կգ ցուցանիշով բաժանեցին 2-3-րդ տեղերը:
Մինչ մրցաշարին մեկնելը, Հայաստանի ծանրամարտի հավաքականի գլխավոր մարզիչ Փաշիկ Ալավերդյանը նշել էր, որ մրցաշարին մասնակցելու է նաեւ Առաքել Միրզոյանը, վերջինս սակայն Թբիլիսի չի մեկնել, ինչի պատճառները դեռ հայտնի չեն:
Իսկ ահա կանանց մրցաշարում Հայաստանի առաջին ներկայացուցիչըª Աննա Գովելյանը հանդես եկավ 53 կգ քաշային կարգում եւ երկամարտում գրանցեց 178 կգ (81+97) արդյունք ¥6-րդ տեղ¤: Հայաստանի մյուս ներկայացուցչուհինª Իզաբելա Յայլյանը նույնպես բավարարվեց 6-րդ տեղով:
Ապրիլի 18-ին մրցահարթակում կլինեն Սիմոն Մարտիրոսյանը (105 կգ, ժամը 11:00-13:00), իսկ ժամը 14:00-16:00-ին պայքարի մեջ կմտնի Հռիփսիմե Խուրշուդյանը ¥+75կգ):
ՔՐԻՍՏԻՆԵ ՊԵՏՐՈՍՅԱՆ
Հավանեցի՞ր հոդվածը, կիսվիր ընկերներիդ հետ
