Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը

"ՆՐԱՆՔ, ՈՎՔԵՐ ՇՈՒՆ ՈՒՆԵՆ, ԱՌՈՒՅԳ ԵՆ..."

Արխիվ 12-16

"ՆՐԱՆՔ, ՈՎՔԵՐ ՇՈՒՆ ՈՒՆԵՆ, ԱՌՈՒՅԳ ԵՆ..."


- 40-ն անց կին եմ, ապահովված եմ աշխատանքով: Կարելի է ասել` խնդիրներ չունեմ, բայց կորցրել եմ ինքնավստահությունս. ունեմ տագնապի, վախի զգացողություն: Արագ նյարդայնանում եմ, չեմ կարողանում նույն բանի մասին երկար մտածել: Ինչպե՞ս կարող եմ դուրս գալ այդ իրավիճակից:


Հարցին պատասխանել է հոգեբան ՆԱՏԱԼԻ ԳՈՆՉԱՐ-ԽԱՆՋՅԱՆԸ.


-Մինչեւ 40 տարեկանը մարդկանց մոտ իմացության, ինֆորմացիայի եւ փորձի կուտակման ժամանակաշրջան է: 40-ից հետո գալիս է գիտակցության, կտրուկ փոփոխությունների եւ ինքնաիրացման ժամանակաշրջանը: Կյանքում յուրաքանչյուր էական փոփոխություն բերում է անհանգստություն, մտահոգություն եւ սթրես: Ինչպես տհաճ, այնպես էլ հաճելի իրադարձությունները կարող են դառնալ ներքին լարվածության, տագնապի պատճառ:

40-ից հետո կնոջ օրգանիզմում էստրոգենները (սեռական հորմոն) սկսում են նվազել եւ դրանից առաջանում են հոգեբանական անհարմարություն, նյարդայնացում: Դրանից կանանց մոտ ի հայտ են գալիս անհանգստություն, վախի զգացողություն, ճնշվածություն, կարծես հողը ոտքերի տակից փախչում է: Սա հոգեբանական խնդիր է, որը կապվում է նաեւ մի շարք առասպելների եւ միֆերի հետ, որոնք թեեւ վաղուց հնացել են, բայց մեր ենթագիտակցության մեջ են: Որոշ կանանց մոտ այդ ապրումներն առաջանում են այն պատճառով, որ նրանք չեն մայրացել, առաջ է գալիս տրված հնարավորության կորստի զգացողություն: Կանացիությունը, կին լինելն առաջին հերթին կապվում է մայրանալու գաղափարի հետ, եւ դա խոր նստած է կնոջ գիտակցության մեջ, հատկապես մեզ մոտ` Արեւելքում, ուր մինչեւ վերջերս կնոջ ազատ, անկախ, գործունյա կերպարը մերժվում էր: Ամուսնացած կանանց մոտ 40-ից հետո գալիս է հասունացած երեխաներից բաժանվելու սթրեսը, քանի որ զավակները սկսում են ինքնուրույն կյանք վարել եւ չեն ցուցաբերում նախկին կախվածությունը:  Կյանքի նոր էտապի անցման եւ ամրապնդման հաջողությունները մեծամասամբ կախված են կնոջ ադապտացիայի ունակությունից, նրա մասնագիտական եւ այլ հետաքրքրությունների խորությունից, "պահանջարկի" մակարդակից: Որպես օրենք` առաջին պլանում մասնագիտությունն է: Հավաքված է մեծ փորձ, ուժերը բավարար են, նոր ինքնագիտակցումը հնարավորություն է տալիս ռացիոնալ կազմակերպել փոխհարաբերությունները շրջապատող աշխարհի հետ: Լրջորեն խանգարել կարող են սեփական ուժերին չհավատալը եւ վախը, որը կարելի է եւ պետք է հաղթահարել: Ցավոք, մեր կանայք հազվադեպ են դիմում հոգեբանի, որի պատճառը ամաչկոտությունն է, ֆինանսական նեղվածությունը: Բայց պետք է հիշենք, որ մեզանից յուրաքանչյուրն ինքն իր լավագույն հոգեբանն է: Միշտ լինում են այլընտրանքային միջոցներ (դրանք կարող են լինել յոգան, շեյփինգը, պարի դասերը), որպեսզի վերագտնեք ձեր ոգեշնչումը եւ կենսուրախությունը:
Ցանկալին եւ երազածը, որը ձեզ դեռ չի պատահել, անպայման կպատահի: Հիշեք, դուք ձեր կյանքի ռեժիսորն եք: Ձեր գիտելիքները, հմտություններն ու փորձը կարող եք կիսել աճող սերնդի հետ, եւ նրանք կարձագանքեն շնորհակալությամբ եւ ուշադրությամբ:  Ընդլայնեք ձեր պրոֆեսիոնալ հնարավորությունները, յուրացրեք համակարգչային նոր ծրագրեր, օտար լեզուներ կամ էլ նույնիսկ նոր մասնագիտություն, որը կլինի հետաքրքրաշարժ զբաղմունք: Ձեր կողքին ունեցեք նաեւ կենդանի: Ապացուցված է, որ նրանք, ովքեր շուն ունեն, առույգ են զգում եւ 3-4 տարի երիտասարդª իրենց կենսաբանական տարիքից:  Ձեր անցած 40 տարիները դիտեք ոչ թե որպես անցյալում եղած հնարավորությունների կորուստ, այլ կապիտալ` ապագա մուտք գործելու համար: Հայտնի բանաձեւ կա. "Կյանքը սկսվում է 40-ից հետո":

ՎԼԱԴ ՄՈՒՐԱԴՅԱՆ

 

Հավանեցի՞ր հոդվածը, կիսվիր ընկերներիդ հետ