16 ԱՊՐԻԼ 2015
Արխիվ 12-16
16 ԱՊՐԻԼ 2015 Դուք գիտեք` ես չեմ ցանկանում միջամտել Թուրքիայի հետ Պապի առճակատմանը: Պապին աշխարհում այնքան հեղինակավոր մարդ եմ համարում, որ նա ձեւը կգտնի մեր մոլորակի բոլոր մարդկանց հետ բացատրվելու` անկախ նրանց դավանանքից: Նա անկեղծ մարդ է եւ գիտի առարկան, որի մասին խոսում է:
ՎԼԱԴԻՄԻՐ
ՊՈՒՏԻՆ
16 ԱՊՐԻԼ 2015
Հայերը ցեղասպանվել են ոչ թե կրոնի պատճառով, այլ ցեղասպանությունը պանթուրքական գաղափարախոսության մասն էր` միտված պանթուրքական պետության ստեղծմանը, որտեղ մյուս ազգությունները որպես այդ պլաններին խոչընդոտ էին ընկալվում, ինչպես որ հայերը: Հետեւաբար, երիտթուրքերը կազմակերպեցին այս ցեղասպանությունը: Կրոնը գործոն չէր, պարզապես նրանք հիմա փորձում են քրիստոնեության եւ իսլամի միջեւ այդպիսի զգացմունքային պահ սադրել, ինչն անընդունելի է:
ԱՐԱՄ Ա կաթողիկոս
"Թուրքիան փորձում է ճնշումներ գործադրել, ես կասեիª շանտաժի ենթարկել միջազգային կառույցների, բազմաթիվ երկրներիª սակայն դժվար թե այս հարցում հաջողություն ունենա... Ի՞նչ է տալիս դեսպանների հետկանչը: Lավ հիշում ենք, որ հետկանչից հետո ստիպված են լինում նրանց հետ վերադարձնել: Եվրոպական 28 երկիր ներկայացնող խորհրդարանն է երեկ բանաձեւ ընդունել: Լավ է, որ Անկարայում գոնե գիտակցել ենª 28 երկրից հետ չեն կանչել դեսպաններին: Հակառակ դեպքում թուրք դեսպանների համար գործազրկության լուրջ խնդիր կառաջանա: Թուրքիայի իշխանությունների արձագանքը հիշեցնում է ցուգցվանգում հայտնված շախմատիստի, որի ամեն հաջորդ քայլ ավելի է բարդացնում նրա դիրքերը":
ԷԴՎԱՐԴ ՆԱԼԲԱՆԴՅԱՆ
Հավանեցի՞ր հոդվածը, կիսվիր ընկերներիդ հետ
