Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը

ՄԻԱՆԱԼՈՎ ԵՏՄ-ԻՆ ՄԵՐ ԵՐԿԻՐԸ ԴԱՐՁԱՎ ԳՐԱՎԻՉ ՆԵՐԴՐՈՒՄՆԵՐԻ ՀԱՄԱՐ. ԱԺ ՆԱԽԱԳԱՀ

Արխիվ 12-16

ՄԻԱՆԱԼՈՎ ԵՏՄ-ԻՆ ՄԵՐ ԵՐԿԻՐԸ ԴԱՐՁԱՎ ԳՐԱՎԻՉ

ՆԵՐԴՐՈՒՄՆԵՐԻ ՀԱՄԱՐ. ԱԺ ՆԱԽԱԳԱՀ


ՀՀ Ազգային ժողովի նախագահ Գալուստ Սահակյանն ապրիլի 16-ին Սանկտ Պետերբուրգում մասնակցել է «Եվրասիական տնտեսական հեռանկարներ» միջազգային համաժողովին:


ՀՀ Ազգային ժողովի նախագահն իր խոսքում նշել է, որ Հայաստանի Հանրապետությունը կարեւորում է նմանատիպ միջոցառումների անցկացումը. դրանք թույլ են տալիս ուրվագծել ինտեգրման զարգացման հեռանկարները, ինչպես նաեւ քննարկել այն հրատապ հարցերը, որոնց մասնակից երկրներն առնչվում են գրեթե ամեն օր: Նա կարեւորել է նաեւ առկա մարտահրավերների համար համատեղ լուծումներ փնտրելու եւ գտնելու հնարավորությունը:


Խոսելով Եվրասիական տնտեսական միության մասին՝ Ազգային ժողովի նախագահը նշել է, որ այն մեծ հնարավորություններ է ընձեռում առեւտրատնտեսական ոլորտում միջպետական համագործակցության խորացման համար: ԱԺ նախագահի խոսքով՝ Հայաստանի Հանրապետությունը, միանալով Եվրասիական տնտեսական միությանը, դարձավ մոտ 170 միլիոնանոց շուկայի մի մասը: Այս փաստը ներդրումների համար մեր երկրները դարձնում է գրավիչ:


Գալուստ Սահակյանն իր ելույթում նշել է նաեւ, որ ԵՏՄ կարեւորագույն ձեռքբերումներից է մաքսային արգելքների վերացումը, ինչը տնտեսվարողներին հնարավորություն է տալիս նվազեցնելու ֆինանսական ծախսերը եւ առեւտրային գործառույթների ժամկետները: Նա նշել է, որ պետք է ջանալ, որպեսզի եվրասիական ընդհանուր շուկան գործի ունիվերսալ, թափանցիկ եւ հասկանալի օրենսդրությամբ:


Գալուստ Սահակյանի խոսքով՝ առաջիկա տարիներին այս ուղղությամբ անելիքները շատ են եւ այդ ընթացքում պետք է առաջնորդվել ԵՏՄ պայմանագրով: Ըստ ԱԺ նախագահի՝ կառուցելով ինտեգրացիոն մոդելներ՝ կարեւոր է տեսնել ապագան, տեսնել այն հեռանկարները, որոնք բացվում են յուրաքանչյուր մասնակցի համար, ինչպես նաեւ ինտեգրացիոն միավորման համար ամբողջությամբ: Նա փաստել է, որ այն պայմաններում, երբ Եվրասիական նախագիծը իրականություն է դարձել, մենք արդեն կարող ենք եւ պետք է ամրապնդենք համագործակցությունը՝ կյանքի կոչելով նոր ծրագրեր, որոնք կբխեն այն ընկալումից, որ պատմական հեռանկարում անհրաժեշտ է շարժվել դեպի ազատ տնտեսական տարածքի ստեղծում՝ Լիսաբոնից մինչեւ Վլադիվոստոկ:


«Մեր կարծիքով շատ կարեւոր է ապահովել ինտեգրացիոն միության թափանցիկությունը: Անկասկած, եվրասիական ինտեգրման գործընթացի հաջող եւ արդյունավետ զարգացման հիմնական պայմաններից մեկը համապատասխան իրավական դաշտի ստեղծումն է: Այս համատեքստում մեր երկրների խորհրդարանների հիմնական խնդիրը, կարծում եմ, տնտեսական համագործակցության գործընթացներին չմիջամտելն է: Մենք կարող ենք իրավական դաշտում վերացնել հնարավոր բացթողումները, ինչպես նաեւ բարելավել օրենսդրությունը՝ այն համահունչ դարձնելով միջազգային լավագույն փորձին: Դրա նպատակն է մեր երկրների կառավարությունների կողմից Եվրասիական տնտեսական միության գաղափարների իրականացումը»,- նշել է Գալուստ Սահակյանը:


Խորհրդարանի ղեկավարը, եզրափակելով իր ելույթը, հավելել է, որ Հայաստանի Հանրապետությունը պատրաստ է Եվրասիական տնտեսական միության շրջանակում ձեռք բերված պայմանավորվածությունների իրականացմանը:

Հավանեցի՞ր հոդվածը, կիսվիր ընկերներիդ հետ