ՄՆԱՑԻՆ 13 ԽՈՐՀՐԴԱՆՇԱԿԱՆ ԹՎՈՎ ԱՎԱԳԱՆՈՒ ԱՆԴԱՄՆԵՐ` ԲՀԿ ԽՄԲԱԿՑՈՒԹՅԱՆ ԿԱԶՄՈՒՄ
Արխիվ 12-16ՄՆԱՑԻՆ 13 ԽՈՐՀՐԴԱՆՇԱԿԱՆ ԹՎՈՎ ԱՎԱԳԱՆՈՒ
ԱՆԴԱՄՆԵՐ` ԲՀԿ ԽՄԲԱԿՑՈՒԹՅԱՆ ԿԱԶՄՈՒՄ
Օրերս ԲՀԿ-ական Ռաֆֆի Գյոզալյանը պաշտոնապես հայտարարություն տարածեց Բարգավաճ Հայաստան կուսակցությունից և Երևանի ավագանու ԲՀԿ խմբակցությունից դուրս գալու մասին: Նա թվով չորրորդ ավագանու անդամն էր, որը լքեց ԲՀԿ խմբակցությունը: Պարզելու համար, թե այս պահին կա՞ն արդյոք այլ դիմումատուներ ևս, «Իրավունքը» զրուցեց Երևանի ավագանու ԲՀԿ խմբակցության ղեկավար Թամար Պոսոսյանի հետ:
- Տիկին Պողոսյան Ձեր կարծիքով Ռաֆֆի Գյուզալյանը ինչու՞ Երեւանի ավագանու ԲՀԿ խմբակցությունից և ԲՀԿ կուսակցությունից դուրս գալու դիմում ներկայացրեց և այդյո՞ք այլ դիմումներ էլ կան:
- Այս պահի միայն ինքն է դիմում ներկայացրել, որի մասին ինքը պաշտոնապես ներկայացրել է լրատվամիջոցներով, որով կարծում եմ սպառիչ պատասխան է տվել: Դա իր անձնական որոշումն է և այն ոչ մի կապ չունի խմբակցության ընդհանուր դիրքորոշումների հետ: Դա իր անձնական որոշումն է:
- Նրան ո՞վ կփոխարինի Ձեր կարծիքով:
- Նրան ոչ ոք չի փոխարինի, նա մնում է Երևանի ավագանու անդամ: Նա դորւս է գալիս խմբակցությունից, բայց մնում է ավագանու անդամ՝ ավագանու անդամակցությունից լիազորությունները վայր չի դնում:
- Փաստորեն անկախ անդամի կարգավիճակ է ստանում, օրենքը նման կարգավիճակ սահմանու՞մ է:
- Բոլոր նրանք, ովքեր որ դուրս են եկել խմբակցությունից, շարունակում են մնալ ավագանու անդամ: Օրենքի մեջ կա անկատարություն: Օրենքը չի կագավորում, թե կուսակցությունից և խմբակցությունից դուրս գալուց հետո նրանց կագավիճակն ինչպիսի՞ն է, որովհետև ավագանու դեպքում չկա անկախ պատգամավորի կագավիճակ: Ես այդ մասին պաշտոնապես մեկնաբանություն տվել եմ և նույն իրավիճակն է՝ դուրս է եկել խմբակցությունից, բայց մնում է ավագանու անդամ: Ես որպես խմբակցության ղեկավար Երևանի քաղաքապետին տեղեկացրել եմ այդ մասին, և ավագանու նիստում քաղաքպետն այդ մասին պաշտոնապես հրապարակել է:
- Այսինքն ավագանու կազմում որևէ փոփոխություն չի՞ լինում նման դեպքերում:
- Ոչ:
Հիշեցնենք, որ Երևանի ավագանու կազմում ԲՀԿ խմբակցության անդամների թիվը 17-ն էր, որից դուրս գալու դիմում մինչ այս պահը ներկայացրել են 4-ը և ներկայումս ԲՀԿ խմբակցությունում մնացել են 13-ը:
ԱՐՄԻՆԵ ԳՐԻԳՈՐՅԱՆ
