Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը

ՄԻՐԶԱ ՍԼՈՅԱՆ. "ՄԱԼԱԿԵ ՏԱՈՒՍՆ ԱՎԵՏՈՒՄ Է ՏԱՐԵՍԿԻԶԲԸ..."

Արխիվ 12-16

ՄԻՐԶԱ ՍԼՈՅԱՆ. "ՄԱԼԱԿԵ ՏԱՈՒՍՆ ԱՎԵՏՈՒՄ Է ՏԱՐԵՍԿԻԶԲԸ..."

Մեր հարցերին պատասխանում է Արմավիրի մարզի Ակնալճի սրբատեղիի հիմնադիր-հովանավոր, մոսկվաբնակ գործարար ՄԻՐԶԱ ՍԼՈՅԱՆԸ:
–Վաղը Մալակե Տաուսի տոնն է: Ի՞նչ խորհուրդ ունի այն եզդիների համար:
– Մալակե Տաուսը եզդի ժողովրդի երեք սրբություններից մեկն է` միաժամանակ գլխավորը: Նրան հաջորդում են Եզիդ աստվածը եւ մահից հետո աստվածացված շեյխ Ադին: Ամենահինը համարվում է Մալակե Տաուսը եւ համաձայն ավանդույթի` չորեքշաբթի օրը նրա ծննդյան օրն է, որը եզդիների համար ամենասուրբ եւ հարգելի օրն է: Հենց չորեքշաբթի է Մալակե Տաուսը իջնում երկրի վրա` իր սրբագործություններն իրականացնելու համար: Արեւային օրացույցով եզդիների համար Նոր տարին սկսվում է գարնանային օրահավասարի ժամանակ, որը, որպես կանոն, մեր այսօրվա օրացույցով ապրիլի 13-ին հաջորդող չորեքշաբթին է, որը անվանում են նաեւ "Կարմիր չորեքշաբթի" (Չարսամե Սորը): Փաստորեն, այդ օրը եզդիների համար սկսվում է Նոր տարին:
– Որքա՞ն է պահպանված այս տոնը եւ ինչպե՞ս են այն նշում եզդիները:
– Բարեբախտաբար, մեր ժողովրդի տոնացույցով բոլոր ազգային-կրոնական տոները պահպանված են` այդ թվում եւ այս տոնը: Դրանք հիմնականում ընտանեկան, գերդաստանային, համայնքային բնույթ ունեն: Ամեն մի ընտանիք ձգտում է ավելի լավ նախապատրաստվել այդ տոնին: Ամեն օջախում սեղան է պատրաստվում, մարդիկ այցելում են միմյանց, շնորհավորում: Եզդիները այդ օրն անպայման լինում են գերեզմաններում` իրենց անցավորներին հիշելու համար: Իրենց հետ տանում են մրգեր, քաղցրավենիք, այլ ուտեստներ: Այդ օրը նաեւ հաշտվում են խռովածները, գժտվածները: Տոնը բացում է մարդկանց սրտերը, տրամադրությունները:
– Գիտենք, որ առաջին անգամ Մալակե Տաուսի տոնը կնշվի Ձեր հիմնադրած սրբատեղիում: Ի՞նչ է լինելու:
– Քանի որ մինչեւ վերջերս Հայաստանում մենք չունեինք մեր սրբատեղին, բնականաբար, մենք տոնը նշում էինք միայն տանը, ինչպես վերեւում նշեցի` ընտանիքներով, գերդաստաններով ու համայնքներով: Հիմա հնարավորություն ունենք նշելու ազգովին: Առաջին անգամ Հայաստանի եզդիները կգան մեր սրբատեղի, կաղոթեն տաճարում եւ հետո կմասնակցեն եւ ներկա կլինեն ժողովրդական տոնախմբությանը, մեր ընտանիքի կողմից կազմակերպվելիք հյուրասիրությանը:
Այդ օրը համայն աշխարհի եզդիների հոգեւոր կենտրոնում` Լալըշում եւս տեղի կունենան հոգեւոր ծեսեր, արարողություններ: Կուզենայի, որ այդ ամենը տեղափոխվեր նաեւ մեր սրբատեղի:
– Այդ օր բարեմաղթանքնե՞ր են հնչում:
– Իհարկե, մարդիկ նախեւառաջ շնորհավորում են միմյանց, ցանկանում, որ դժվարություններն անցած լինեն եւ Նոր տարին նոր հաջողություններ բերի: Անցած տարվա Մալակե Տաուսի տոնից հետո` այս մեկ տարվա ընթացքում մեր ժողովուրդն իր բնօրրանում մեծ փորձությունների ենթարկվեց: Փաստորեն, տեղի ունեցավ եզդի ժողովրդի կոտորած, եղեռն եւ այսօր էլ մեր ժողովրդի շատ զավակներ տեղահանված են իրենց բնակավայրերից: Կուզենայի, որ այս սկսվող նոր տարում նման ոտնձգություններ չլինեին եւ մեր ժողովուրդը վերադառնար իր խաղաղ կյանքին:
Նոր տարին պետք է բարեմաղթանքներով սկսվի, եւ դրանք որքան շատ հնչեն տոնի ժամանակ, այնքան տարին հաջողակ կլինի:
Ակնալճի մեր սրբատեղիում տեղ են գտել երկու ժողովուրդների բարեկամության, նրա արժանավոր զավակների` Անդրանիկ Զորավարի, Ուսուբ բեկի, Ջհանգիր աղայի հուշարձանները: Անկասկած, վաղը մենք ծաղիկներ կդնենք այդ հուշարձաններին եւ, իհարկե, Հայոց ցեղասպանության զոհերի հուշաքարին: Մենք եւս մեկ անգամ կհավաստենք մեր երկու ժողովուրդների հավերժական բարեկամության մասին: Հենց այստեղ էլ տեղի կունենան հանդիսությունները: Կհնչեն խրոխտ հայրենասիրական երգեր:
– Ովքե՞ր կարող են մասնակցել Մալակե Տաուսի տոնին:
– Բոլոր նրանք, ովքեր ցանկություն կունենան գալ մեր սրբատեղի` ինչպես հայեր, այնպես էլ եզդիներ, անգամ զբոսաշրջիկներ: Այս տոնը հնարավորություն կտա ճանաչելու մեր ազգի անցյալն ու ներկան:
Հիշեցնենք, որ մեր սրբատեղին գտնվում է Արմավիրի մարզի Ակնալիճ գյուղում` ժամը 14:00-ին:

Զրույցը վարեց ԿԱՐԻՆԵ ՏԻՏԱՆՅԱՆԸ
Ակնալիճ-Երեւան

Հավանեցի՞ր հոդվածը, կիսվիր ընկերներիդ հետ