ԵԽ-ն միաձայն ընդունեց Հայոց ցեղասպանության մասին բանաձևը
Արխիվ 12-16ԵԽ-ն միաձայն ընդունեց Հայոց ցեղասպանության
մասին բանաձևը
Այսօր Եվրոպայի Խորհրդարանում քննարկվեց և միաձայն ընդունվեց Հայոց Ցեղասպանության մասին բանաձևի նախագիծը: Մոտ երկու ժամ տևած քննարկման ընթացքում խորհդարանի անդամները մանրամասներ ներկայացրեցին 19-րդ դարի վերջին և 20-րդ դարասկզբին Օսմանյան կայսրության կողմից հայկական շրջաններում բնակվող հայերին զանգվածային կոտորածների և տեղահանության միջոցով նպատակային բնաջնջման ենթարկելու և հայի հետքն Արևմտյան Հայստանի տարածքներից արմատախիլ անելու վերաբերյալ: Հարցի քննարկումից հետո, քիչ առաջ՝ Եվրախորհրդարանը միաձայն ընդունեց բանաձևը, որով կոչ արեց Թուրքիային ճանաչել Հայոց Ցեղասպանությունը: ԵԽ բանաձևում մասնավորապես ասվում է՝ «Հայոց ցեղասպանության հարյուրերորդ տարելիցի շեմին Եվրոպական խորհրդարանը հարգանքի տուրք է մատուցում Օսմանյան կայսրությունում զոհված 1.5 միլիոն անմեղ հայերի հիշատակին, եվրոպական արդարադատության և համերաշխության ոգուն համահունչ միանում է Հայոց ցեղասպանության հարյուրերորդ տարելիցի կապակցությամբ անցկացվող ոգեկոչման արարողությանը, և կոչ է անում Եվրամիության Հանձնաժողովին ու Խորհրդին միանալ ոգեկոչմանը»:
ԱՐՄԻՆԵ ԳՐԻԳՈՐՅԱՆ
