Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը

ԻՆՉ Է ՀՈՒՇՈՒՄ ՌԴ-Ի ԵՎ ՖՐԱՆՍԻԱՅԻ ՆԱԽԱԳԱՀՆԵՐԻ ՀԱՅԱՍՏԱՆՅԱՆ ԱՅՑԸ

Արխիվ 12-16

ԻՆՉ Է ՀՈՒՇՈՒՄ ՌԴ-Ի ԵՎ ՖՐԱՆՍԻԱՅԻ
ՆԱԽԱԳԱՀՆԵՐԻ ՀԱՅԱՍՏԱՆՅԱՆ ԱՅՑԸ


Ինչպես հայտնի էª ապրիլի 24-ի հետ կապված, ի թիվս բազմաթիվ երկրների պատվիրակությունների, Հայաստան կժամանեն նաեւ Ֆրանսիայի եւ Ռուսաստանի նախագահները: Իհարկեª իմաստը Ցեղասպանության զոհերի հիշատակը հարգելն է, բայց երկուսն էլ այն տրամաչափի գործիչներ են, որ նրանց ամեն այցելություն չի կարող չունենալ նաեւ քաղաքական խոր ենթատեքստ: Դե ուրեմն այդ տեսանկյունից ի՞նչ կարող ենք ակնկալել Վլադիմիր Պուտինից ու Ֆրանսուա Օլանդից. այցի ակնկալիքների եւ հետեւանքների շուրջ "Իրավունքը" զրուցեց հայաստանյան մի քանի վերլուծաբանների հետ:
Փորձագետ ՌՈՒԲԵՆ ՄԵՀՐԱԲՅԱՆԸ նկատեց. "Այս այցով նրանք ցուցաբերում են իրենց մոտեցումը 1915 թվականին կատարված Ցեղասպանությանը: Իհարկեª այդ այցելությունը մեծ նշանակություն ունի այն իմաստով, որ խոսքը ՄԱԿ-ի Անվտանգության խորհրդի անդամ երկու երկրների ղեկավարների մասին է: Բայց այստեղ շատ կարեւոր է տեսնել, թե ինչպես է այս ամենի նկատմամբ այսօր բեկվում հասարակական կարծիքն ամբողջ աշխարհում: Օրինակ` Հռոմի պապի հայտարարությունը, որով նա մի շարքում դրեց երիտթուրքերին, Հիտլերին եւ Ստալինին, ընդ որումª չտարանջատելով մեկը մյուսից: Այս հայտարարությունը եւ Ֆրանսիայի ու Ռուսաստանի նախագահների այցը Հայաստան, ավելի են ամրապնդում հասարակական կարծիքը 1915 թվականի Ցեղասպանության վերաբերյալ":
Թուրքագետ ԱՆԴՐԱՆԻԿ ԻՍՊԻՐՅԱՆԸ նկատեց նաեւ, որ ի հակադրություն Թուրքիայի, ապրիլի 24-ին Հայաստան կայցելեն շատ երկրների պաշտոնատար անձինք. "Այստեղ կարեւորն այն է, որ ապրիլի 24-ին  մեծ տերությունների ղեկավարներից ինչքան շատ ներկաներ լինեն, այնքան Ցեղասպանության ճանաչման ազդեցությունը մեծ կլինի: Բնականաբար անհետեւանք չի կարող մնալ հատկապես Ֆրանսիայի նախագահի այցը Հայաստան: Թուրքիայի համար այս այցն անակնկալ չէր, քանի որ նա Անկարայում նախորդ տարի անդրադարձել էր Ցեղասպանությանը եւ կոչ արելª առերեսվել սեփական պատմության հետ: Իսկ Ռուսաստանը սեփական երկրի շահերից ելնելով` Թուրքիա կուղարկի իր պատվիրակությունը":
Քաղաքագետ ԱՐԱՄ ՍԱՖԱՐՅԱՆԻ խոսքով` Հայոց ցեղասպանության 100-րդ տարելիցը բարձր մակարդակով նշելը խոսում է այն մասին, որ իրականում Ցեղասպանությունը ճանաչված է, թեեւ պաշտոնապես ընդունել են ամենեւին էլ ոչ բոլոր երկրները. "Ապրիլի 24-ին իսկապես Հայաստանում մենք սպասում ենք Ֆրանսիայի եւ Ռուսաստանի նախագահներին, կլինեն նաեւ 20 երկրների տարբեր աստիճանի ղեկավարներ: ՌԴ Պետական դուման երկու անգամ`1995 եւ 2000 թվականերին հատուկ որոշումներով  դատապարտել է Հայոց ցեղասպանությունը: Իսկ Ֆրանսիան այն եզակի երկրներից է, որը ոչ միայն ճանաչել է Ցեղասպանությունը, այլեւ հետեւողականորեն զբաղված է Հայոց ցեղասպանության ժխտողականությունը դատապարտելու ուղղությամբ: Ինչպես 100 տարի առաջ, այնպես էլ այսօր, մեր բարեկամների եւ կողմնակիցների թվում այն երկրների քաղաքական գործիչներն են եւ ղեկավարները, որոնք մեր կողքին կլինեն ապրիլի 24-ին: Ուզում եմ հիշեցնել դոկտոր, պրոֆեսոր Նիկոլայ Հովհաննիսյանի "Արմեոցիդը ճանաչված Ցեղասպանոթյուն է" գրքից հետեւյալ միտքը, որ 22 պետությունների կողմից ճանաչված Հայոց ցեղասպանությունը կարելի է համարել ճանաչված":

ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ