Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը

ՆԵՐՔԻՆ ԵՎ ԱՐՏԱՔԻՆ ՄՐՑԱԿՑՈՒԹՅՈՒՆ 100-ԱՄՅԱԿԻ ՇՈՒՐՋ

Արխիվ 12-16

ՆԵՐՔԻՆ ԵՎ ԱՐՏԱՔԻՆ ՄՐՑԱԿՑՈՒԹՅՈՒՆ
100-ԱՄՅԱԿԻ ՇՈՒՐՋ


Հայոց ցեղասպանության ճանաչումների շքերթը շարունակվում է: Երեկ Հռոմի պապը կրկին վերահաստատեց իր հայտարարությունը, այսօր Եվրախորհրդարանը ընդունելու է բանաձեւ` միաժամանակ հաստատելով իր` 1987-ի բանաձեւը: Եվ այն, որ Թուրքիայում եւ Ադրբեջանում անասելի վայնասուն է բարձրացել, եւ հրապարակավ հնչում են, բառիս բուն իմաստով, հոգեբույժի արժանի ելույթներ, միանգամայն բնական է:
ՄՐՑԱԿՑՈՒՄ ԵՆ ՆԱԵՎ ԱՍՏՂԵՐԸ

Այն, որ Ցեղասպանության 100-ամյակի շուրջ պտտվում են տարատեսակ արտաքին քաղաքական գործընթացներ, եւ տարբեր պետությունները կյանքի են կոչում բավականին խուճուճ սցենարներ` ելնելով ինչպես սեփական շահից, այնպես էլ աշխարհում ձեւավորվող ինչ-որ տեղ պարտադրող մթնոլորտից, միանգամայն սպասելի էր: Սակայն կանգ առնենք մի հարցի վրա, որն արտաքնապես որեւէ կապ չունի քաղաքականության հետ, սակայն էապես ազդում է միջազգային տեղեկատվական միջավայրի վրա:
Գաղտնիք չէ, որ Քարդաշյանների այցը առաջացրել էր իսկական տեղեկատվական բում, եւ լրատվական հսկաները հետեւում էին նրանց ամեն քայլին եւ խոսքին: Դա նաեւ հարուցեց այլ աստղերի արձագանքը: Այսպես, Շերիլին Սարգսյանը (Շերը), լինելով Քարդաշյանի մրցակիցը, որոշեց նույնպես արտահայտվել Ցեղասպանության թեմայի շուրջ: Դա մրցակցության պոզիտիվ դրսեւորում է, սակայն նեգատիվ դրսեւորումներ էլ կան: Այսպես, Հոլիվուդի աստղ Փերիս Հիլթոնը, որը հրապարակավ չի էլ թաքցնում իր հակակրանքը Քիմ Քարդաշյանի նկատմամբ, հենց Քարդաշյանի ջիգրու հանդես եկավ առավել քան զազրելի թուրքասեր տեսաուղերձով:
Բայց անկախ նրանից, որ որոշ աստղեր նեգատիվ ձեւով են արձագանքում, նույնիսկ նրանց սկանդալային հայտարարությունները նպաստում են, որպեսզի Հայոց ցեղասպանության 100-ամյակը լինի համաշխարհային լրատվական դաշտի համակ ուշադրության ներքո: Տեղեկատվական-հոգեբանական ներգործության տեսանկյունից, քանի որ "աստղային" նորությունները ավելի շատ են հետաքրքրում մարդկանց, քան քաղաքականությունը, Ցեղասպանության առնչությամբ քաղաքական եւ "աստղային" լրատվահոսքերը միասին յուրահատուկ հանրային ռեզոնանս են առաջացնում:
Ի դեպ, դա շատ լավ հասկանում են քարոզչության եւ տեղեկատվական պատերազմի մասնագետները, եւ, օրինակ, ԱՄՆ-ի պարագայում դա արտահայտվեց յուրովի: Հռոմի պապի ելույթը եւ Քարդաշյանի այցի վերաբերյալ լրատվությունը, լիովին տարբեր լինելով հանդերձ, նույնիսկ անհամատեղելի բնույթի, այնուամենայնիվ, նույն ԱՄՆ-ում առաջացրել են ռեզոնանս, որը ստեղծում է Բարաք Օբամայի ու նրա վարչակազմի վրա բավականին զորեղ բարոյական ճնշման մթնոլորտ եւ սահմանափակում նրա գործելու ազատությունը: Անշուշտ, ԱՄՆ նախագահը ապրիլի 24-ի նախաշեմին լինելու է սթրեսի մեջ` թե ինչպիսի տերմինաբանությամբ արտահայտվել 100-ամյակի մասին: Ու, բնականաբար, ամերիկյան լրատվական հսկաները Սպիտակ տնից համապատասխան ցուցում ստացել են` փորձել մեղմել լրատվական ռեզոնանսի էֆեկտը: Հռոմի պապի մասին (ի տարբերություն թուրքական եւ ադրբեջանական քարոզիչների) բացասաբար արտահայտվել չեն կարող, այդ պատճառով ամերիկյան հեռուստաընկերությունները կենտրոնացել են Քիմ Քարդաշյանի դերը նսեմացնելու վրա: Եվ ամերիկյան հեռուստաեթերից մանթրայի պես հնչում է բանաձեւը, որ Քիմն ընդամենը սովորական դեմք է, ով հայտնի է միայն սրա-նրա սիրուհի լինելով:
Իսկ Հայ դատով զբաղվող կառույցները, բնականաբար, ձգտում են ուժգնացնել տեղեկատվական-հոգեբանական ռեզոնանսը, եւ դրան, անշուշտ, կնպաստի նաեւ այսօր ընդունվելիք Եվրախորհրդարանի բանաձեւը:

100-ԱՄՅԱԿԻ ԱԶԴԵՑՈՒԹՅՈՒՆԸ
ՆԵՐՔԻՆ ԿՅԱՆՔԻ ՎՐԱ


"Աստղային" մրցակցության երեւույթը, բնականաբար, չէր կարող շրջանցել եւ Հայաստանի ներքին կյանքը: Եվ տեղական արտադրության "աստղերն" ու "աստղակերպերը" Քարդաշյանի այցելության ֆոնի վրա նույնպես փորձում են մրցակցային միավորներ շահել` արտահայտվելով թեմայի շուրջ: Մեծ մասը դա անում են պոզիտիվի դաշտում, սակայն նեգատիվի դաշտում գործողներն արտահայտվում են այնպիսի թույնով, որ նման թույնը վայել կլիներ պահել արտաքին թշնամու համար: Այդտեղ, անշուշտ, առանձնահատուկ ձեւով առանձնացել է խառնածին Եվա Ռիվասը, որն արժանանալով լրատվամիջոցների եւ այլ հայտնիների խիստ հակազդեցությանը, հանկարծ որոշեց հիշել, որ ռուսական արյուն էլ ունի: Ինչ վերաբերում է հանրությանը, ապա բացի բուռն հետաքրքրությունից "նորույթի" հանդեպ, մեր քաղաքացիների ջախջախիչ մեծամասնությունը միանգամայն առողջ մոտեցում դրսեւորեց` ողջունել Քարդաշյանների այցը, բայց չձգտել նմանվել Քարդաշյաններին:
Ու, անշուշտ, նաեւ "աստղային" ու դրան մոտ լրատվահոսքում մեզ չշրջանցեցին տեղեկատվական-հոգեբանական պատերազմի հնարքներ կիրառողները:  Ուղղակիորեն պաշտպանել ԼՏՊ-ի ու վերջինիս համախոհների թուրքասեր դիրքորոշումը, նրանք չեն կարող, քանզի ակնթարթորեն կարժանանան հանրային նողկանքի, ու ինչքան մոտենում է ապրիլի 24-ը, այնքան ավելի դժվար է լինում լրատվական դաշտում գտնել կեղտոտ պատվերների պատրաստ անձանց: Ամեն ինչ արվում է անուղղակիորեն` ավելի շուտ ապատեղեկատվության տեխնոլոգիայի միջոցով: Այսպես, շրջանառության մեջ դրվեցին միանգամից երկու սադրիչ բլեֆներ: Մեկը` իբր հետեւելով Քիմի օրինակին` Հայաստան է մտադիր գալ Կոնչիտան, իսկ երկրորդը` իբր Շարլ Ազնավուրը որոշել է չգալ, որպեսզի, իր կարծիքով, չթշնամանա թուրքերի հետ: Երկու բլեֆներն էլ դարձան համացանցային բուռն քննարկումների առարկա, բայց մեծն շանսոնյեն անձամբ տեղեկացրեց աշխարհին, որ ապրիլի 24-ին լինելու է Հայաստանում: Ինչ վերաբերում է կոնչիտաներին, ապա բլեֆ լինելու հանգամանքը երեւում է շատ պարզ` ո՛չ տեղական, ո՛չ էլ արտերկրյա համասեռամոլական կայքերում ակնարկ անգամ չկա այդպիսի այցի մտադրության մասին, մինչդեռ կարելի է վստահ լինել, որ նման նույնիսկ թույլ մտադրության դեպքում առաջինը հենց այդ կայքերը կշտապեին թմբկահարել:

ՓՈՔՐ, ԲԱՅՑ ԿԱՐԵՎՈՐ ՕԳՏԱՊԱՇՏԱԿԱՆ
ՆԿԱՏԱՌՈՒՄ


Ներքաղաքական կյանքը գործնականում բավականին իներտ է, եւ քաղաքական ուժերը իրենց հիմնական գործողությունները հետաձգում են ապրիլի 24-ից հետո: Նույնիսկ Զարուհի Փոստանջյանի մոտ գրեթե չենք տեսնում հակաիշխանական դրսեւորումներ եւ, ընդհակառակը, նա գերադասում է խոսել Հայ դատի թեմաներով: Ինչ վերաբերում է հետաձգումներին, ապա տիպիկ օրինակ է Տիգրան Ուրիխանյանի ստեղծվելիք կուսակցությունը` հիմնադիր համագումարը նշանակված է մայիսի 16-ին:
Ներքաղաքական հանդարտության եւ կարողության, ազգային միասնության մթնոլորտը հրաշալի միջավայր է նաեւ համապետական խնդիրներ լուծելու համար: Խոսքը միայն քաղաքական խնդիրների մասին չէ, չպետք է մոռանալ եւ տնտեսության մասին: 100-ամյակին արտերկրյա հյուրերի այնպիսի աննախադեպ հոսք է լինելու, որ դա եզակի շանս է օգտվել առիթից եւ զարկ տալ տուրիզմի զարգացմանը` բարձրացնելով համապատասխան ենթակառուցվածքի որակը եւ իջեցնելով գները: Բայց ավաղ, մերոնք մեծամասամբ ունեն չարչիի հոգեբանություն, եւ համապատասխան ոլորտի բիզնեսը ուրախությամբ շփում է ձեռքերը, թե ինչքան փող կկլպի հյուրերից: Իսկ իշխանության հեչ վեջը չի, որ հակազդի դրան ու գործարարների նկատմամբ նաեւ անհրաժեշտ պարտադրանք կիրառի:

ՀՈՎՀԱՆՆԵՍ ԳԱԼԱՋՅԱՆ

Հավանեցի՞ր հոդվածը, կիսվիր ընկերներիդ հետ