ՀՈԳԵՎՈՐԱԿԱՆԸ`ՔԻՄ ՔԱՐԴԱՇՅԱՆԻ ՄԱՍԻՆ. « ԵԿԵՂԵՑԻՆ ՄԵՐԺՈՒՄ Է ՄԵՂՔԸ, ԲԱՅՑ ԸՆԴՈՒՆՈՒՄ Է ՄԵՂԱՎՈՐԻՆ»
Արխիվ 12-16ՀՈԳԵՎՈՐԱԿԱՆԸ`ՔԻՄ ՔԱՐԴԱՇՅԱՆԻ ՄԱՍԻՆ.
«ԵԿԵՂԵՑԻՆ ՄԵՐԺՈՒՄ Է ՄԵՂՔԸ, ԲԱՅՑ ԸՆԴՈՒՆՈՒՄ Է
ՄԵՂԱՎՈՐԻՆ»
Հայազգի մեգաաստղ Քիմ Քարդաշյանը թեեւ Հայաստանում չէ, բայց նրա ու նրա թողած ազդեցության մասին խոսակցությունները չեն դադարում: Ավելին, մի խումբ «ազգասերներ» Քիմ Քարդաշյանի դեմ ցույց կազմակերպեցին, որը, կարելի է ասել, տապալվեց Քարդաշյանին քննադատողները նրան համարում են պոռնոաստղ, որը խայտակառում է հայ կնոջն ու հայ ազգը` նրան մեղադրելով տարատեսակ մեղքեր գործելու համար: «Իրավունքը» Հովակիմ եպիսկոպոս Մանուկյանից պարզեց` ինչ տվեց Քիմ Քարդաշյանի այցը ինչ տվեց Հայաստանին ու Հայոց ցեղասպանությանը: «Ես փոքր մարդ եմ, որ գնահատական տամ: Չեմ էլ պատրաստվում գնահատական տալ: Չեմ էլ պատրաստվում որեւէ մեկին պիտակավորել: Եկեղեցին մերժում է մեղքը, ընդունում մեղավորին»,- ասաց եպիսկոպոսը:
Ինչ վերաբերում է Հայոց ցեղասպանության ու Հայաստանի վրա Քարդաշյանի այցի ազդեցությանը, հոգեւորականը չցանկացավ դրական կամ բացասական գնահատական տալ, քանի որ հարցը լիարժեքորեն չի ուսումնասիրել. «Որքան գիտեմ, նրա այցը մեծ ձեւով է լուսաբանվել համաշխարհային մամուլում: Ցեղասպանության ճանաչումը եղած-վերջացած իրողություն է: Միջազգային հանրությունը գիտի այդ մասին: Պետք է պայքարել մերժողականության դեմ, որը միայն երկու է մերժում` Թուրքիան ու Ադրբեջանը: Նաեվ պետք է մտածել, որ խնդիրը տեղափոխվել է իրավական դաշտ: Ինքն էլ նպաստեց, որ խնդրի մասին եւս մեկ անգամ տեղեկանան»:
Եպիսկոպոսի խոսքով` ցանկանում է, որ մարդիկ վերադառնան եկեղեցի, իրենց արմատներին, արժեքներին: Եթե այդ անձը փորձել է վերադառնալ արժեքներին, իր արմատներին, մկրտեց իր երեխային, ողջունելի է:
ՍՈՆԱ ԴԱՎԹՅԱՆ
