ԻՐԱՎԱՊԱՀՆԵՐԸ ՀՍԿՈՒՄ ԵՆ ԿԱՄՈՒՐՋՆԵՐԸ ԱՊՐԻԼԻ 24-ԻՆ ԸՆԴԱՌԱ՞Ջ
Արխիվ 12-16ԻՐԱՎԱՊԱՀՆԵՐԸ ՀՍԿՈՒՄ ԵՆ ԿԱՄՈՒՐՋՆԵՐԸ ԱՊՐԻԼԻ 24-
ԻՆ ԸՆԴԱՌԱ՞Ջ
Վերջին օրերին «Իրավունքի» աշխատակիցները մայրաքաղաքի գրեթե բոլոր կամուրջների վրա նկատել է իրավապահների, որոնք խաչաձեւ հսկում են կամուրջները: Տարածված լուրերի համաձայն` անվտանգության հսկողության մեծացումն նախ արվում է, որպեսզի Հայոց ցեղասպանության 100-ամյակը անցնի առանց որեւէ միջադեպի, ինչպես նաեւ իրավապահները փորձելու են կանխել ինքնասպանությունները, որոնց թիվն ավելացել է:
Ոստիկանության լրատվության և հասարակայնության հետ կապերի բաժնի աշխատակից Արմեն Մալխասյանից «Իրավունքը» պարզեց` իրավապահների այս հսկողությունը ապրիլի 24-ով` Հայոց ցեղասպանության 100-ամյա տարելիցով պայմանավորվա՞ծ է: «Ընդհանուր ծառայություն է կատարվում: Դուք ասացիք` ապրիլի 24-ին ընդառաջ: Մենք հայտարարությամբ հանդես կգանք»,- ասաց Մալխասյանը:
Ինչ վերաբերում է ինքնասպանությունները կանխելու մասին լուրերին, ոստիկանության ներկայացուցիչն այսպես արձագանքեց. «Ես չգիտեմ` ինչ լուրեր են պտտվում: Ոստիկանությունը պահպանում է հասարակական կարգը»:
ՍՈՆԱ ԴԱՎԹՅԱՆ
