Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց

ՀԱՅԱՍՏԱՆՈՒՄ ԱԴՐԲԵՋԱՆԻ ՀԱՎԱՔԱԿԱՆԻՆ ԿՓՈԽԱՐԻՆԻ ԻՍՐԱՅԵԼԻ ԹԻՄԸ

Արխիվ 12-16

ՀԱՅԱՍՏԱՆՈՒՄ ԱԴՐԲԵՋԱՆԻ ՀԱՎԱՔԱԿԱՆԻՆ ԿՓՈԽԱՐԻՆԻ ԻՍՐԱՅԵԼԻ ԹԻՄԸ


Սենթ Լուիսում ավարտվեց ԱՄՆ-ի շախմատի առաջնությունը, որի շրջանակներում ելույթ էին ունենում նաեւ գրոսմայստերներ Վարուժան Հակոբյանը եւ Սամվել Սեւյանը: Հայազգի մարզիկները 11 հնարավորից վաստակելով 5.5-ական միավորª բաժանել են 5-7-րդ տեղերը: Վաստակած 8 միավորով չեմպիոնի կոչումը նվաճեց Հիկարու Նակամուրան:
Այդ արդյունքը հատկապես առաջնության ամենաերիտասարդ գրոսմայտերիª Սամվել Սեւյանի համար պետք է բարձր գնահատել: Այն առումով, որ նա առաջին անգամ էր մասնակցում նման հեղինակավոր մրցախաղի եւ ուժեղ խաղով ու տպավորիչ հաղթանակներով աչքի ընկնելուց զատª իր վարկանիշը բարձրացրեց 18 կետով:
Կանանց առաջնությունում գրոսմայստեր Տաթեւ Աբրահամյանը 5,5 միավորով բաժանել է 4-8-րդ տեղերը: 8,5 միավորով չեմպիոնի տիտղոսը նվաճել է Իրինա Կրաշը:
Իսկ ահա մեկ այլ մրցաշարումª Դուբայում անցկացվող օփենում, գրոսմայստեր Տիգրան Լ. Պետրոսյանը յոթ տուրից հետո վաստակել է 5 միավոր, իսկ միջազգային վարպետ Մանուել Պետրոսյանն ունի 4,5 միավոր: Մրցաշարային աղյուսակը 6-ական միավորով գլխավորում են Ռուսաստանը ներկայացնող գրոսմայստեր Վլադիմիր Ֆեդոսեեւը եւ ԱՄՆ-ն ներկայացնող Ալեքսանդր Շաբալովը: Ի դեպ, Դուբայի փառատոնի շրջանակներում անցկացված կայծակնային մրցաշարում գրոսմայստեր Տիգրան Լ. Պետրոսյանը 11 հնարավորից վաստակել էր 8 միավոր եւ 76 մասնակիցների մեջ բաժանել 3-6-րդ տեղերը: Լրացուցիչ ցուցանիշներով Պետրոսյանը զբաղեցրել է վեցերորդ հորիզոնականը: Միջազգային վարպետ Տիգրան Հարությունյանի արդյունքն է 7,5, գրոսմայստեր Հովիկ Հայրապետյանինը` 7 միավոր: Այս մրցաշարի ընթացքում ուշագրավ դեպք է գրանցվել. Գայոզ Նիգալիձեն որակազրկվել է` Տիգրան Լ. Պետրոսյանի դեմ պարտիայում հեռախոսից օգտվելու համար: Նիգալիձեն զուգարանում օգտվել է սմարթֆոնից, որը չի վրիպել կազմակերպիչների ուշադրությունից: Հաղորդվում է, որ Պետրոսյանն ավելի վաղ այդ մասին կասկած է հայտնելգլխավոր մրցավարին: Թեեւ Նիգալիձեն հերքել է, որ օգտվել է տեխնիկայից, սակայն կազմակերպիչները հայտնաբերել են ծրագիր, որը վերլուծում էր ընթացիկ պարտիան: Միջադեպի մասին զեկույց է ներկայացվելու Շախմատի միջազգային ֆեդերացիա: Նմանատիպ միջադեպերի համար շախմատիստները սովորաբար որակազրկվում են 3 տարով, իսկ կրկնվելու դեպքումª 15:
Ընթացիկ եւ ավարտված բոլոր մրցաշարերից զատª եւս մեկ խոշոր շախմատային իրադարձություն կհամախմբի ուժեղագույններին, այս անգամ հենց Հայաստանում: Հայտնի են ապրիլի 18-29-ը Ծաղկաձորում կայանալիք շախմատի աշխարհի թիմային առաջնության մասնակից բոլոր թիմերի կազմերը: Մրցմանը մասնակցելու են 10 թիմեր, իսկ Հայաստան ժամանելուց հրաժարված Ադրբեջանի հավաքականին կփոխարինի Իսրայելի թիմը: ԱՄՆ-ի հավաքականի կազմում Ծաղկաձորում հանդես կգա նաեւ հայ գրոսմայստեր Վարուժան Հակոբյանը:
Հայաստանի հավաքականի անդամներն այս օրերին նախապատրաստվում են աշխարհի թիմային առաջնությանը:

ՔՐԻՍՏԻՆԵ ՊԵՏՐՈՍՅԱՆ

Հավանեցի՞ր հոդվածը, կիսվիր ընկերներիդ հետ