Ըստ "Ժառանգությանը" մոտ կանգնած աղբյուրի` այդտեղ հենց "արմատականների" թեւում թեժ վեճեր են ընթանում, թե ինչպես պետք է վերաբերվել Ժիրայր Սէֆիլյանի եւ "Հիմնադիր խորհրդարանի" այլ կարկառուն դեմքերի ձերբակալությանը:
Այդտեղ կարծիքները բաժանվել են երկու մասի: Զարուհի Փոստանջյանը պնդում է, որ չափազանց շատ պետք չէ խորանալ այդ կալանավորվածների պաշտպանության գործի մեջ եւ հարկ է բավարարվել հերթապահ հայտարարություններով, քանզի հակառակ պարագայում հանրությունը իրենց կնույնացնի "Հիմնադիր խորհրդարանի" հետ` դրա բոլոր բացասական հետեւանքներով հանդերձ: Իսկ երիտասարդների մի մասը պնդում է, որ պետք է բոլոր հնարավոր միջոցներով պայքարել Սէֆիլյանենց ազատության համար, այլապես վաղ թե ուշ նույնը կգա իրենց գլխին: