Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց

ԱՐՄԵՆ ՄԻՔԱՅԵԼՅԱՆ. «ՀԱՅԱՍՏԱՆԻ ԱՎԵՏԱՐԱՆԱԿԱՆ ԵԿԵՂԵՑԻՆ ՄԵՌԱԾ Է»

Արխիվ 12-16

ԱՐՄԵՆ ՄԻՔԱՅԵԼՅԱՆ. «ՀԱՅԱՍՏԱՆԻ ԱՎԵՏԱՐԱՆԱԿԱՆ

ԵԿԵՂԵՑԻՆ ՄԵՌԱԾ Է»

 

«Իրավունքը» երեկ հրապարակել էր հարցազրույց ավետարանչական ընկերակցության հայաստանյան  ներկայացուցիչ Հարութ Ներսիսյանի հետ ավետարանական եկեղեցու շուրջ տեղի ունեցող վերջին իրադարձությունների մասին:

Քանի որ հարցազրույցում  Հարութ Ներսիսյանն անդրադառնում է ավետարանական եկեղեցու կարգալույծ հովիվ Արմեն Միքայելյանին ու նրա բարձրացրած խնդիրներին, «Իրավունքն» այս առնչությամբ զրուցեց Արմեն Միքայելյանին:

- Պրն Միքայելյան, Հարութ Ներսիսյանը մեզ հետ զրույցում հայտարարեց, որ ինքը  ավետարանական եկեղեցին չի ներկայացնում եւ չի կարող ասել` ինչո՞ւ են Ձեզ կարգալույծ արել:  Իրոք ավետարանչական ընկերակցությունը անջա՞տ է ավետարանական եկեղեցուց:

- Բազմիցս փաստեր են ներկայացվել դատարան: Ասում է, որ դատարանը, հաշվի նստելով փաստերի հետ, չհամաձայնեց  Արմեն Միքայելյանի հետ: Հետաքրքրիր ձեւակերպում է: Դատարանը, երեւի, սկսել է հաշվի նստել սրա-նրա հետ: Երեւի դատարանը նրա հե՞տ է համաձայնել, ոչ թե ինձ հետ:  Ամբողջ հարցն այն է, որ դատարանը մեր փաստերը չի նայել, դրա համար էլ բողոքարկել ենք վճիռը: Դատարանը ոչ  հիմնավոր փաստերի պատճառով կառչել է գործին այն դեպքում, երբ բազմաթիվ  փաստեր եմ  տրամադրել առ այն, որ Ավետարանչական ընկերակցությունն է  ղեկավարում  ավետարանական եկեղեցուն: Ավետարանչականը ավետարանականի  տանիքն է:  Չկա մի բան, ավետարանական եկեղեցում, որ պրն Հարութը տեղյակ չլինի: Հավատացյալը սուտ չի խոսում: Նրան հիշեցրեք` սուտը մեղք է:

- Հարութ Ներսիսյանի հրահանգո՞վ են ձեզ կարգալույծ արել:

- Ոչ, բայց ինքը տեղյակ է եղել: Եթե Հարութ Ներսիսյանը ինձ  կարգալույծ անելու ու աշխատանքից հեռացնելու հետ կապ չունենար, ապա կարող էր միջամտել եւ ասել, որ լավ աշխատող եմ եղել իր համար:

- Սեռական դաստիարակության  մասին դասընթացներին  մասին խոսելիս Հարութ Ներսիսյանը հայտարարեց, որ դա եղել է երիտասարդների խնդրանքով եւ անչափահասներ ներկա չեն եղել:

- Եթե երիտասարդները խնդրեին ամուսնացնել իրենց, կանեի՞ն նրանք: Կամ խնդրեին Հարութ Ներսիսյանին  հեռանալ Հայաստանից, կհեռանայի՞ն: Երբ մենք բարձրաձայնեցինք սեռական դաստիարակության մասին դասընթացները, պարզ դարձավ` Հայաստանն ընդունել է գենդերային ծրագիրը: Չի կարելի այդքան անզգույշ   հայտարարություններ անել: Ինչ է նշանակում` պատրաստել են ամուսնության: Եթե իմ ապարանցի տատը լսեր դա, երեւի  խայտառակ կաներ: Հայ ազգը գիտի` ինչպես են իրենց աղջիկներին պատրաստում ամուսնության: Օժի՞տ էր դնում ավետարանչականը: Արդարադատության նախարարությունն է արգելել այդ դասընթացները: Ավելին` դասընթացներն արգելող փաստաթղթի,  դատական գործի մեջ էլ կա, որ  դասընթացներին մասնակցել են անչափահասներ: Սեքսոպաթոլոգ Վրեժ Շահրամանյանն էլ է հայտարարել, որ իր այդ  ծրագիրն անչափահասների համար էր:

- Հարութ Ներսիսյանը նաեւ հայտարարում է, որ Լեւոն Բարդակչյանը կապ չունի Հայաստանի ավետարանական եկեղեցու հետ:

- Չէ՞ որ հեռուստատեսությամբ, եթե ճիշտ եմ հիշում, մոտ տարիուկես առաջ Բարդակչյանը հանդես էր գալիս  ավետարանականի ու ավետարանչականի կողմից: Ես զանգահարեցի 1994 թ-ին Բարդակչյանին եւ հարցրի` ինչո՞ւ են նրան հեռացրել ավետարանական եկեղեցուց, ինչո՞ւ է նա խոսում ավետարանական եկեղեցու անունից: Եվ ամենակարեւորը` ինչու հենց արտասահմանի հայերին, կազմակերպությանը  կարելի է ամեն ինչ, իսկ տեղացի հայերին` ոչ: 1994 թ-իn Բարդակչյանը  ձեւավորեց մեկ այլ եկեղեցի: Իմաստը ո՞րն էր`ավետարանական եկեղեցին պառակտել, թե՞  այլ նպատակներ կային: Ու ոչ մի աղմուկ չեղավ: Իրար հետ լավ էլ համագործակցում են:

- Ավետարանչական ընկերակցության Հայաստանի ներկայացուցիչը նաեւ հայտարարեց, որ եթե ավետարանական եկեղեցին գործեր աղանդակերպ,  զբաղվեր հոգեորսությամբ, բազմաթիվ հետեւորդներ կունենար: Համամի՞տ եք, թե՞ ոչ:

- Իր ասածը հիմնավոր չէ: Դա նշանակում է` Հայաստանի ավետարանական եկեղեցին  մեռած է, որովհետեւ այն եկեղեցին, որը չի աճում, ունի քիչ անդամներ, չի ձգտում անդամներ ունենալ, այդ եկեղեցու գործունեությունը մեռած է: Երկրորդ, եթե մարդիկ ցանկանում են գնալ այդ եկեղեցի, դառնալ հետեւորդ,  ավետարանական եկեղեցին թույլ չի տալու ավելանա՞լ:

Ինչ վերաբերում է աղանդակերպ գործելուն, ապա ոչ թե աղանդակերպ է գործում ավետարանական եկեղեցին, այլ աղանդավոր է: 1858 թ-ից  ավետարանական եկեղեցին որպես «բարենորոգիչ» եկեղեցի, բանադրված է առաքելական եկեղեցու կողմից:  Այսինքն` անեծքի տակ է եւ մինչ այսօր չի հանվել:


- Պրն Միքայելյան հարցազրույցի հարապարակումից հետո ավետանչական ընկերակցության նախկին աշխատողներից մեկը  հայտարարեց, որ  սեռական դաստիարակության մասին դասընթացները զրպարտություն են: Ավելին` Ձեր կողմից հայտարարություններ անելու  պատճառը եղել է ինքնիշխանություն հաստատելը եկեղեցում...

- Իմ հեռախոսի համարը տվեք այդ մարդուն թող ինձ հետ կապվի: Ես նման վարձկաններին խղճում եմ, որովհետեւ սատանայի գործ են անում: Եթե Արմեն Միքայելյանը զրպարտում է, նշանակում է պետությունը` տվյալ դեպքում արդարադատությունը նախարարությունն էլ է զրպարտում:


Ի դեպ, տեղեկացնենք, որ Արմեն Միքայելյանը  ավետարանական եկեղեոցու կարգալույծ հովիվ չէ: Նա ուղղադավան ավետարանական եկեղեցու ավագ հովիվ է: Եկեղեցին  պետական գրանցում է ստացել երեկ: Ինչպես մեզ հետ զրույցում ասաց  ավագ հովիվը, ավետարանական եկեղեցին ստիպեց իրեն այդ քայլին գնալ. «Արագածոտնի ամբողջ մարզի համայնքիմ դուրս վռնդեցին, չթողեցին մարդկանց աստվածապաշտությամբ զբաղվել: Ես շարունակելու եմ իմ հովվությունը»: Պետական  գրանցում ստացած եկեղեցին ունի մոտ 200 անդամ:


ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ