Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց

ԼՈԲԲԻՆԳՈՎ ԿԵՐԱԿՐԱՏԱՇՏԱԿ

Արխիվ 12-16

ԼՈԲԲԻՆԳՈՎ ԿԵՐԱԿՐԱՏԱՇՏԱԿ

Ի՞նչն է պատճառը, որ ՀՀ կառավարության կարկառուն որոշ գործիչները Ազգային ժողով են բերում ՀՀ Սահմանադրությանը ակնհայտ հակասող օրինագծեր ու անցկացնում են դրանք: Այս հարցի պատասխանը մենք կփնտրենք "Իրավունքի" ընթերցողների հետ, քանի որ հենց դրանք, այդ պատճառների ոչ միայն բացահայտումը, այլեւ հետեւանքները վերացնելու խնդիրը մշտապես եղել է ՍԻՄ կուսակացության ծրագրի ու գործունեության կիզակետում…

ՓՈՐՁԸ ՓՈՐՁԱՆՔ Է

2008-ին ՀՀ Սահմանադրական դատարանը` իր մի քանի որոշումներով "սխալ հանեց" կառավարության կողմից ներկայացված եւ ԱԺ-ի կողմից օրինականացված այն դրույթները, որ դատական եռուզեռի մեջ հայտնված քաղաքացին զրկվում է գերագույն այնպիսի  հաճույքից, ինչպիսինն է անձամբ դիմել պետության գերագույն, այն է` Վճռաբեկ դատարան: Այդ հաճույքը քաղաքացին կարող էր իրականացնել միայն միջնորդված ձեւուվ` ՀՀ վճռաբեկ դատարանում հավատարմագրված փաստաբանի միջոցով: Ինչպես քաղաքացիները, այդպես էլ Սահմանադրական դատարանը համարեց, որ այդ հաճույքը բավականին թանկ է նստում, օրինակ` պարտքերի դիմաց իր ամբողջ ունեցվածքն արդեն իսկ "օրինականորեն" կորցրած մարդկանց համար, եւ օրենսդրական այդ դրույթը վերացվեց դատավարության օրենսգրքերից…
2014-ին կառավարությունը կրկին բերեց ԱԺ մի օրինագիծ, ըստ որի` քաղաքացին կարող էր դիմել Վճռաբեկ դատարան` բացառապես Փաստաբանների պալատի անդամ հանդիսացող իրավաբանի միջոցով: Հասկանալի էր, որ այդ օրինագիծը նույնպես հակասահմանադրական է նույն այն պատճառաբանություններով, որոնք օրինաստեղծների աչքն էր մտցրել Սահմանադրական դատարանը 2008-ին: Այդ դեպքում` ինչո՞ւ էին բերել-հասցրել այն Ազգային ժողով:
Սույն հոդվածի հեղինակի համոզմամբ` եղել էր 2 պատճառ. առաջինը` մինչեւ այդ օրինագիծը հակասահմանադրական ճանաչելը, ավելացնել քաղաքացիների հոսքը Փաստաբանների պալատ, որպեսզի վերջինս չսնանկանա: Երկրորդը` այդ ժամանակ դատաքննության ընթացքում կար կամ կային այնպիսի գործ կամ գործեր, որոնց հանգուցալուծումները դատախազության ու դատարանի համար արդեն պարզ էին, եւ պետք էր դրանց բողոքարկման դեմ ստեղծել խոչընդոտներ: Պատկերավոր լինելու համար ենթադրենք, որ Դուք քրեական մեղադրյալ եք: Ավելին` Դուք ունեք իրավաբանական կրթություն եւ իրավագիտական գործունեության պրակտիկա: Էլ ավելին` մինչեւ մեղադրյալ դառնալը Դուք եղել եք փաստաբան ու հանդիսացել եք Պալատի անդամ: Կարծում եմ, ձեր գլխով չէր էլ անցնի վարձել պաշտպան, որը ձեր փոխարեն կգրի վճռաբեկ բողոքը այն գործով, որը ամենալավը գիտեք Դուք: Իսկ նկատի ունենալով, որ Դուք գտնվում եք նախնական կալանքի տակ` քիչ հավանական է, որ տեղյակ լինեք, որ կառավարությունը նախաձեռնել ու իրականացրել է փոփոխություններ քրեադատավարական օրենքում: Արդյունքում, դուք ներկայացնում եք վճռաբեկ բողոք, իսկ Վճռաբեկը այն թողնում է առանց քննության, քանի որ դիմումի տակ չկա փաստաբանի ստորագրությունը, իսկ Փաստաբանների պալատը կասեցրել է ձեր անդամակցությունը:
Այս, երկրորդ պատճառի կենսունակ լինելը հաստատում է նաեւ այն փաստը, որ դատավարության մասնակցի վիճակը ծանրացնող այդ օրենքը ստացել էր հետադարձ ուժ, այսինքն` տարածվել էր այն գործերին, որոնց դատավարությունը վաղուց սկսված էր:

ՊԱԼԱՏԸ ՀՆԱԶԱՆԴՎԵԼ ԷՐ ՕՐԵՆՔԻՆ

Չեմ ցանկանում կարծել, թե օրենսդրական այս փոփոխությունը նախաձեռնվել էր Փաստաբանների պալատի կողմից: Միաժամանակ, հանդուրժելի չէ, որ փաստաբանները չէին ընդվզել դրա դեմ, ինչպես եւ չէին ընդվզել մեկ այլ օրենքի դեմ, որը ընդունվել էր 2 տարի առաջ` փաստաբանների միջնորդավորված մասնակցությամբ: Այդ ժամանակ "Փաստաբանության մասին" ՀՀ օրենքում կատարվել էր փոփոխություն, ըստ որի` անձի ներկայացուցիչ դատարանում կարող է լինել միայն այդ անձի մերձավոր ազգականը կամ փաստաբանը: Օրենքի այդ դրույթը ներկայումս էլ գործում է, սակայն միայն քաղաքացիական գործերով. օրենսդիրը մոռացել էր քրեական ու վարչական դատավարության օրենսգրքերի համապատասխան մասերում հղումներ կատարել ավելի ցածր կարգավիճակ ունեցող` "Փաստաբանների մասին" ՀՀ օրենքի վրա:
Բայց դե` ամեն բան առջեւում է, նաեւ` փաստաբանների դիրքորոշման արտահայտումը…
Իսկ ՍԻՄ կուսակցությունը, որ  նույնպես ներդրել էր իր լուման` ապօրինի օրենքը հակասահմանադրական ճանաչելու գործում, բնականաբար այս ամենը ուշադրության կենտրոնում է պահելու:  

Ա. ԱԲԳԱՐՅԱՆ

Հավանեցի՞ր հոդվածը, կիսվիր ընկերներիդ հետ