Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց

ԿՀԱՆԴԻՊԵ՞Ն ՀԱՅԱՍՏԱՆԻ ԵՎ ԱԴՐԲԵՋԱՆԻ ՆԱԽԱԳԱՀՆԵՐԸ

Արխիվ 12-16

ԿՀԱՆԴԻՊԵ՞Ն ՀԱՅԱՍՏԱՆԻ ԵՎ ԱԴՐԲԵՋԱՆԻ ՆԱԽԱԳԱՀՆԵՐԸ


ԵԱՀԿ Մինսկի ամերիկացի համանախագահ Ջեյմս Ուորլիքը օրեր առաջ հայտարարել է, որ տարեվերջին ակնկալվում է ՀՀ նախագահ Սերժ Սարգսյանի եւ Ադրբեջանի նախագահ Ի. Ալիեւի  հանդիպումը: Ըստ նրա` առայժմ դիտարկվում են երկու երկրների արտգործնախարարների հանդիպման հնարավորությունները, որպեսզի քննարկվեն Հայաստանի եւ Ադրբեջանի նախագահների բանակցությունների օրակարգը եւ սահմանվի ԵԱՀԿ Մինսկի  համանախագահների հաջորդ այցի ժամկետը տարածաշրջան: Ուրեմնª նախագահների մակարդակով ակնկալվող հանդիպման համար ի՞նչ նախադրյալներ կան այսօր եւ ի՞նչ սպասելիքներ, եթե այդ հանդիպումը կայանա: Հարցի պատասխանը "Իրավունքը" փորձեց ստանալ հայաստանյան որոշ վերլուծաբաններից:
Քաղաքագետ ՍԵՐԳԵՅ ՄԻՆԱՍՅԱՆԸ նկատեց.
- Եթե հաշվի առնենք այն հանգամանքը, որ  Հայաստանի եւ Ադրբեջանի նախագահների ակնկալվող հերթական հանդիպումը տեղի ունենա, ասենք, ՄԱԿ-ի Գլխավոր ասամբլեայի ժամանակ, ապա հնարավորություններ դեռ կան: Հանդիպման համար դեռ շատ ժամանակ կա, որի ընթացքում միգուցե դիվանագետներն էլ կկարողանան քննարկել հնարավոր հանդիպման ձեւաչափը: Չի բացառվում, որ հանդիպման ժամանակ եւս հայ-ադրբեջանական սահմանին ադրբեջանական կողմը կրկին լարվածություն ստեղծի, սակայն  պետք է սպասել, թե մինչ այդ ինչ զարգացումներ տեղի կունենան:
Ադրբեջանահայերի ասամբլեայի նախագահ, ադրբեջանագետ ԳՐԻԳՈՐԻ ԱՅՎԱԶՅԱՆԸ փաստեց.
- Ղարաբաղյան հակամարտության կարգավորման հարցում հայկական կողմը մշտապես հանդես է եկել կառուցողական դիրքերից: Իսկ ահա Ադրբեջանի վերջին շրջանում վարած քաղաքականությունը ղարաբաղյան ճակատում կարելի է համեմատել կատաղած շան գործողությունների հետ: Այս դեպքում ինչպե՞ս կարելի է այդ կատաղած շանը խելոքացնել. կա՛մ պետք է քնեցնել, կա՛մ` սատկացնել: Գուցե այս անգամ եւս Հայաստանը համաձայնի հանդիպել ագրեսոր երկրի նախագահի հետ, եւ ինչ-որ ձեւով հասնել նրան, որ սահմանի լարվածությունը թուլացնի: Անկախ այն հանգամանքից` կկայանա՞ այդ հանդիպումը, թե ոչ, Ադրբեջանը ռազմական եւ դիվանագիտական դաշտում իր լկտի քաղաքականությունը մոտակա ժամանակներում մտադիր չէ փոխել: Սա հստակ երեւում է նաեւ ադրբեջանական ռազմական պատասխանատուների ամպագոռգոռ հայտարարություններից: Չեմ բացառվում, որ Ադրբեջանը մինչեւ տարեվերջ միջազգային կառույցների ճնշման ներքո մասնակցի ակնկալվող հանդիպմանը, սակայն չպետք է սպասել, որ մեր թշնամու ագրեսիվ քաղաքականությունը հանդիպումից հետո կարող է փոխվել:
Ադրբեջանագետ ՍԱՐԳԻՍ ԱՍԱՏՐՅԱՆԸ ավելացրեց.
- Ակնկալվող տարեվերջյան հանդիպման համար դեռեւս նախադրյալներ չեն նշմարվում, որովհետեւ սահմանում Ադրբեջանի կողմից  միտումնավոր լարվածություն է ստեղծվում: Ահա այս պայմաններում դժվար է մատնանշել որոշակի նախադրյալներ: Այս ամենը հաշվի առնելով էլ, այնուամենայնիվ դժվար է ասել, թե ինչ փոփոխություններ տեղի կունենան տարեվերջին: Ինչպես տեսնում ենք, ամբողջ աշխարհում եւ տարածաշրջանում իրադարձություններն այնպիսի արագությամբ են զարգանում, որ գրեթե հնարավոր չէ իմանալ, թե վաղն ինչ կլինի: Ամեն դեպքում դրական տեղաշարժեր ակնկալել պետք չէ:

Z-PR սոցհարցման կենտրոնը Երեւան քաղաքում 100 հոգու շրջանում կատարել է հարցում` պարզելու հանրության կարծիքը` Հայաստանի եւ Ադրբեջանի նախագահների տարեվերջին ակնկալվող հանդիպման վերաբերյալ:
1. Հաշվի առնելով Ադրբեջանի վարած ագրեսիվ քաղաքականությունը, պետք չէ դրական տեղաշարժ ակնկալել: Ադրբեջանի հետ պետք է ոչ թե խոսելել, այլ մի լավ ջարդել: Դրանից հետո արդեն իրենք կսկսեն հանդիպումներ խնդրել- 68%:
2. Շատ բան կախված է Ռուսաստանից: Եթե վերջինս որոշի կտրուկ ակտիվանալ ղարաբաղյան բանակցությունների հարցով, ապա Ադրբեջանն էլ ստիպված կլինի ավելի իրատես դառնալ- 21%:
3. Ադրբեջանը վաղուց ընդունել է պարտվածի իր կարգավիճակը եւ կարծես թե այսօր հոգեվարքի մեջ է: Ուստի մահից խուսափելու համար դրական քայլեր կանի- 8%:
4. Դժվարանում եմ պատասխանել-3%:

ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ