Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց

50 ՀԱԶԱՐ ԵՐԵԽԱՆԵՐ ՍՏԱՆՈՒՄ ԵՆ ԿԱՍԿԱԾԵԼԻ ՔԻՄԻԱԿԱՆ ԽԱՌՆՈՒՐԴՈՎ ԱՆՎՃԱՐ ՍՆՈՒՆԴ

Արխիվ 12-16

50 ՀԱԶԱՐ ԵՐԵԽԱՆԵՐ ՍՏԱՆՈՒՄ ԵՆ ԿԱՍԿԱԾԵԼԻ

ՔԻՄԻԱԿԱՆ ԽԱՌՆՈՒՐԴՈՎ ԱՆՎՃԱՐ ՍՆՈՒՆԴ


Ինչպես հայտնի է, «Պարենի համաշխարհային ծրագիր»-ը 2010թ. Հայաստանում Կրթության և գիտության նախարարության աջակցությամբ իրականացնում է «Դպրոցական սնունդ» ծրագիրը, որով ՊՀԾ-ն տալիս է տաք սննդարար ապուր կամ շիլա ու հաց տարրական դասարանների 50.000 աշակերտների Հայաստանի 6 մարզերում՝ Գեղարքունիքում, Տավուշում, Լոռիում, Շիրակում, Արագածոտնում և Արմավիրում:
Առաջին հայացքից թվում է, որ հիանալի ծրագիր է, մեր երեխաներին անվճար սնունդ են տալիս, բայց կասկած առաջացրեց այն հանգամանքը, որ տալիս են հենց վնասակար սնունդ համարվող սպիտակ ալյուր: Ինչը մեզ ստիպեց հետաքրքրվել ծրագրով: Նույն փաստաթղթում կարդում ենք հետևյալը. «Թե Ռուսաստանի Դաշնության Գյուղատնտեսության նախարարությունը, և թե Իսրաելի Միջազգային զարգացման համագործակցության կենտրոնը (ՄԱՇԱՎ) ընդունում են, որ երեխաներին տրվող սննդարար տարրերով հարստացված նախաճաշերը նպաստում են նրանց զարգացմանը և սնուցման կարգավիճակի բարելավմանը»:
Ի՞նչ սննդարար տարրերի մասին է խոսքը: Այդ մասին գտնում ենք նաև ՊՀԾ-ի կայքում:
Ինչո՞ւ են  իրենց մոտ ալյուրի ֆորտիֆիկացումը մերժող Ռուսաստանն ու Իսրաելը  ֆինանսավորում մի ծրագիր, որով մեր դպրոցական երեխաներին ֆորտիֆիկացված ալյուր է տրվում: Տարբեր մարզերում ապրող մեր նախաձեռնության անդամներից տեղեկացանք, որ դպրոցներին տրվող ալյուրը ռուսական «Алтайские мельницы» ընկերության արտադրանքն է, որը նաև ֆորտիֆիկացված ալյուր է արտադրում արտահանման նպատակով:

 

Ալյուրին հավելված են՝

Содержание витаминов на 1 кг:
• Тиамин (Витамин В1): 4,4 мг
• Рибофлавин (Витамин В2): 2,6 мг
• Ниацин: 35,0 мг
• Фолиевая кислота: 1,0 мг
• Железо: 15,0 мг
• Цинк: 30,0 мг
• Витамин А: 1,0 мг
• Витамин В12: 0,008 мг


Փաստորեն 2010 թվականից մեր 50.000 երեխաներին առանց ծնողների համաձայնության ալյուրի հետ խառնած պրեմիքսներով են կերակրում, ընդ որում նաև սինթետիկ դեղանյութ՝ ֆոլաթթու, պարունակող: Հիշեցնենք, որ ՀՀ «Դեղերի մասին» օրենքի 1 հոդվածի համաձայն սննդային հավելումները նույնպես դեղեր են, Հայաստանի Հանրապետությունում սննդի մեջ թույլատրվող պրեմիքսներ չկան: Իսկ ֆոլաթթուն սինթետիկ դեղանյութ է, որի հենց «ֆոլաթթու» կոչվող դեղաձևը ՀՀ հիմնական դեղերի ցուցակում գրանցված է 64 համարի տակ: Մարզերից դպրոցահասակ երեխաների բազմաթիվ ծնողներ մեզ տեղեկացրել են, որ իրենց անհայտ է անվճար տրվող ալյուրի բաղադրությունը: Մարզերից տեղեկացանք նաև, որ շատ դպրոցներ ստացած ալյուրը հանձնում են փռերին և փոխարենը հաց ստանում, իսկ ֆորտիֆիկացված ալյուրից պատրաստված հացերը պարզապես վաճառվում են առանց որևէ մակնիշման, ինչը սպառողի իրավունքների կոպիտ խախտում է: Սննդի անվտանգության տեսչությանը և սպառողների շահերը պաշտպանող հասարակական կազմակերպություններին առաջարկում ենք զբաղվել այս հարցով:  ՀՀ կրթության և գիտության նախարարությունից պահանջում ենք հանդես գալ հրապարակային պարզաբանմամբ այդ ծրագրով դպրոցներին անվճար տրամադրվող ալյուրի և ձեթի վերաբերյալ:

Իրավապահ մարմինների ուշադրությունն ենք հրավիրում այս փաստի վրա, քանի որ առանց երեխաների և երեխաների ծնողների համաձայնության կամ գաղտնի կերպով երեխաներին սննդի հետ խառնած դեղանյութեր տալը մարդու հիմնական իրավունքների ոտնահարում է, որն հավանաբար, շարունակվում է արդեն 4 տարուց ավելի և իրականացվում է 50000 երեխաների նկատմամբ:

«Հանուն առողջ սննդի» քաղաքացիական նախաձեռնություն

Հավանեցի՞ր հոդվածը, կիսվիր ընկերներիդ հետ