Սահմանադրական հանրաքվեն կլինի աշնանը կամ գարնանը. Գալուստ Սահակյան
Արխիվ 12-16Սահմանադրական հանրաքվեն կլինի աշնանը կամ գարնանը. Գալուստ Սահակյան

Հայաստանում սահմանադրական բարեփոխումների հարցում իր վերջնական խոսքը ժողովուրդը կասի հանրաքվեի միջոցով, լրագրողներին ասել է ԱԺ Նախագահ Գ. Սահակյանը:
Հայաստանում սահմանադրական բարեփոխումների հայեցակարգի վերաբերյալ քննարկումները շարունակվում են:
«Հանձնաժողովն աշխատում է, առաջարկներ կան, և շուտով նաև տեքստը պատրաստ կլինի և կդրվի շրջանառության մեջ»,-նշել է ԱԺ նախագահը:
լրագրողների հարցին՝ երբ պատրաստ կլինի, Գ. Սահակյանն ասաց, որ դա քննարկումների փուլից է կախված եւ հավելեց.
«Կարծում եմ՝ սահմանադրական հանրաքվեն կլինի կամ աշնանը, կամ գարնանը»:
Դիտարկմանը, թե ՀՀ նախկին նախագահ Ռոբերտ Քոչարյանը դեմ է արտահայտվել սահմանադրական բարեփոխումներին, Գ. Սահակյանն ասաց. «Մեր ժամանակաշրջանն այնպիսին է, ազատ խոսքն այնպիսի վիճակում է դրական իմաստով, որ ցանկացածն իր կարծիքն ասում է։ Վերջին հաշվով՝ նման տիպի կարծիքներն արտահայտում է ինքը ժողովուրդը, այսինքն, եթե խոսքը սահմանադրությանն է վերաբերում, դա կորոշի ժողովուրդը»:
