ՀՀԿ ՊԱՏԳԱՄԱՎՈՐ. «ՔԻՄ ՔԱՐԴԱՇՅԱՆԻ ՍԵՔՍ ՍԻՄՎՈԼ ԼԻՆԵԼԸ ՏՂԱՄԱՐԴԿԱՆՑ ՀԱՐՑՐԵՔ»
Արխիվ 12-16ՀՀԿ ՊԱՏԳԱՄԱՎՈՐ. «ՔԻՄ ՔԱՐԴԱՇՅԱՆԻ ՍԵՔՍ ՍԻՄՎՈԼ
ԼԻՆԵԼԸ ՏՂԱՄԱՐԴԿԱՆՑ ՀԱՐՑՐԵՔ»
Ինչպես հայտնի է, երեկվանից Հայաստանում է հայազգի մեգաաստղ Քիմ Քարդաշյանը, ում այսօր ընդունել է ՀՀ վարչապետ Հովիկ Աբրահամյանը: Քիմ Քարդաշյանի այցը քննարկում են ոչ միայն շարքային քաղաքացիները, այլեւ ԱԺ-ի որոշ պատգամավորները, այլեւ խորհրդարանի թիկնապահները: «Քիմ Քարդաշյան»,- ասաց թիկնապահներից մեկը, երբ «Ժառանգություն» խմբակցության պատգամավոր Զարուհի Փոստանջյանը դահլիճ էր բարձրանում:
Տիկին Փոստանջյանը ի պատասխան ժպտաց, իսկ թիկնապահներից մեկն էլ ուրախ-ուրախ հակադարձեց. «Հա ինչ, եկել է իր հայրենիքը տեսնելու»:
ՀՀԿ պատգամավոր Կարինե Աճեմյանից «Իրավունքը» պարզեց` Հայաստանի ու Հայոց ցեղասպանության վրա ինչպես կանդրադառնա Քարդաշյանի այցը: «Եթե լուրջ ու օբյեկտիվ խոսենք, այս այցը կարեւոր է: 77 մլն երկրպագու ունենալը դուք հասկանում եք` ինչ է նշանակում: Այդ 77 միլիոնի մեջ շատերը Հայաստանի, էլ ուր մնաց Հայոց ցեղասպանության մասին չգիտեն: Այնպես որ,այս այցը կարելի է օգտագործել Հայոց ցեղասպանության միջազգային ճանաչման համար»,- ասաց տիկին Աճեմյանը:
Ինչ վերաբերում է որոշ դժգոհությունների Քիմ Քարդաշյանի այցի վերաբերյալ, ՀՀԿ պատգամավորն այսպես պատասխանեց. «Գիտեք ամեն օր չէ, որ Հայաստան նման մարդիկ են գալիս: Չեմ կարծում, որ նախանձում են: Այսինքն, եթե որեւէ մեկը ցանկանում է չափազանց հարուստ ու հայտնի դառնալ, հնարավոր է` նախանձի»:
Արդյոք Քիմ Քարդաշյանով ինչ-որ տեղ չի կարելի հպարտանալ որպես սեքս հայ սիմվոլի, Կարինե Աճեմյանը խորհուրդ տվեց հարցը տղամարդկանց ուղղել:
ՍՈՆԱ ԴԱՎԹՅԱՆ
