Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

ԲԱՑՎԵՑ ԽԱՉԱԶԱՐԴՈՂ Է. ԽԱՆՈՅԱՆԻ ԱՆՀԱՏԱԿԱՆ ՑՈՒՑԱՀԱՆԵՍԸ` ՆՎԻՐՎԱԾ ՀԱՅՈՑ ՑԵՂԱՍՊԱՆՈՒԹՅԱՆ 100-ՐԴ ՏԱՐԵԼԻՑԻՆ

Արխիվ 12-16

ԲԱՑՎԵՑ ԽԱՉԱԶԱՐԴՈՂ Է. ԽԱՆՈՅԱՆԻ ԱՆՀԱՏԱԿԱՆ ՑՈՒՑԱՀԱՆԵՍԸ` ՆՎԻՐՎԱԾ ՀԱՅՈՑ ՑԵՂԱՍՊԱՆՈՒԹՅԱՆ 100-ՐԴ ՏԱՐԵԼԻՑԻՆ


Հարյուր - հազար տարի արդեն մենք քայլում ենք լեռան միջով,

Լեռան միջով անցնող ճամփեն տրված է մեզ Աստծո խաչով,

Լեռան միջով անցնող ճամփեն նման է մեր բախտի խաչին`

Չորս թեւ, չորս լույս, չորս քերովբե …

Կարոտ՝ հոգու մեր հին կանչին:

Աշխարհը՝ լեռ, մեր ճամփեն՝ խաչ,

Խաչե ճամփով  մենք քառատվել,

Հարյուր-հազար տարի առաջ լեռը մտանք ու մեջն ենք դեռ …

Բանաստեղծ Հովիկ Հովեյանի այս  տողերով   ժողովրդական ստեղծագործության կենտրոնում  բացվեց  նկարիչ, խաչազարդող, ժողովրդական վարպետ  ԷԴՈՒԱՐԴ ԽԱՆՈՅԱՆԻ  անհատական ցուցահանդեսը՝  նվիրված Հայոց ցեղասպանության 100-րդ  տարելիցին:

«Ինչպես հոգին, այդպես էլ Խաչը չունի սեռ: Սակայն պարոն Խանոյանի  խաչազարդումներում կարծես թե տարբերակում ենք  նազանքով քայլող, ճեմապարող, գեղանի խաչերի ,  զինվոր խաչերի…  հանդիպում ենք Կիլիկիո տարածքներից  եկող, հինավուրց ուղերձներ բարձրաձայնող եւ  հուշող ասպետ- խաչերի»,- իր ողջույնի խոսքում նշեց Հովիկ Հովեյանը:

Խանոյանը շարունակում է հայ  ծաղկողների գործը՝ հայ  մանրանկարչության մեջ ստեղծելով իր ուրույն դպրոցը: Նկարում է բացառապես խաչեր, երբեք չի կրկնում իրեն:

«Ես խաչերի էսքիզները ստանում եմ  տիեզերքից,- ասում է հեղինակը,- նախ մտքումս են  պատկերվում, ապա  մարմնավորում եմ՝ հանձնում  կտավին, թղթին»:

Բանաստեղծ թարգմանիչ Բաբկեն Սիմոնյանն իր խոսքում շեշտեց, որ Հայոց ցեղասպանության  100-րդ տարելիցին ընդառաջ  այս ցուցադրությունը՝ խաչերը, մեր ժողովրդի հարատեւման վկայություններից են՝  իրենց խորհրդով ու  փիլիսոփայությամբ:

Ցուցահանդեսին ներկա էր նաև Հայաստանում Ռուսաստանի Դաշնության  արտակարգ և լիազոր  դեսպան պարոն Վոլինկինը:

Նշենք, որ Է. Խանոյանի աշխատանքները ներկայացնող  գիրք-ալբոմ  է հրատարակվել Ռուսաստանի Դաշնությունում եւ հեղինակը հույս ունի,  որ մի օր Մայր Աթոռն էլ կնախաձեռնի  խաչերի հավաքածուի ընտրանու տպագրությունը հայրենի երկրում:

Էդվարդ Խանոյանը ծնվել է 1954 թ. Թբիլիսի քաղաքում: Ստեղծագործում է 1998 թ.-ից:

Ունեցել է անհատական ցուցահանդեսներ ՀՀ–ում, ԼՂՀ–ում: Առաջին անհատական տեղի  է ունեցել  2003 թ.–ին Հայաստանի ժողովրդական արվեստի պետական թանգարանում: Խանոյանի ստեղծագործությունները տեղ են գտել Հայաստանի, Արցախի և աշխարհի տարբեր երկրների (Կանադա, ԱՄՆ, Գերմանիա, Ֆրանսիա, Իտալիա, Ավստրալիա) մասնավոր հավաքածուներում:


ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ