Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

"ԶՈՒՐ ՉԷ, ՈՐ ԱՅԼԱԶԳԻ ՏՂԱՄԱՐԴԻԿ ՆԱԽԸՆՏՐՈՒՄ ԵՆ ՀԱՅ ԿՆՈՋ ՀԵՏ ԱՄՈՒՍՆԱՆԱԼ"

Արխիվ 12-16

"ԶՈՒՐ ՉԷ, ՈՐ ԱՅԼԱԶԳԻ
ՏՂԱՄԱՐԴԻԿ ՆԱԽԸՆՏՐՈՒՄ ԵՆ ՀԱՅ ԿՆՈՋ ՀԵՏ ԱՄՈՒՍՆԱՆԱԼ"


Կանանց միամսյակն ավարտվեց, բայց դա չի խանգարում, որ հայ կինը մշտապես լինի տղամարդկանց ուշադրության կենտրոնում: Չնայած, նրանք հաճախ են ասում, որ գեղեցիկ կանայք խելացի չեն լինում, սակայն դերասանուհի ՆԱՐԻՆԵ ՍՈՒԼԹԱՆՅԱՆԸ կոտրում է բոլոր կարծրատիպերը: Աշխատանքում լինելով հաջողակ` Հայաստանի ամենականացի հաղորդավարուհին կարողացել է կազմել երջանիկ ընտանիք: Իսկ երեխայի ծնունդն էլ ավելի է երջանկացրել դերասանուհուն ու կտրուկ փոխել նրա կյանքը.
-Մայրությունն ինձ տվեց ուժ, նոր, դեռ չապրած զգացողություններ, կյանքում դժվարություններին դիմակայելու պոտենցիալ եւ, իհարկե, ԵՐՋԱՆԿՈՒԹՅՈՒՆ...
- Ըստ Ձեզ` ինչպիսի՞ն է հայ կինը, ի՞նչ կփոխեիք հայ կնոջ բնավորության մեջ եւ ի՞նչ խորհուրդ կտաք նրանց:
- Ինձ իրավունք չեմ վերապահում հայ կնոջ բնավորության մեջ որեւէ բան փոխելու կամ խորհուրդ տալու, բայց կարծում եմ, որ հայ կինը` համեմատած այլազգի կանանց, ամենաանձվերն է, չեմ վախենում այդ բառից` անձնուրացը: Հայ կինը մտածում է իր զավակների, հետո թոռների, ինչու չէ` նաեւ ծոռների մասին եւ կյանքի որոշակի մեծ ժամանակահատված կարծես մոռանում է իր անձի մասին: Իհարկե, միգուցե դա նախանձելի գիծ է այլ ազգերի տղամարդկանց համար, եւ զուր չէ, որ նույնիսկ այլազգի տղամարդիկ նախընտրում են հայ կնոջ հետ ամուսնանալ: Հայ կնոջ պարագայում ավանդույթներն ավելի ուժեղ են, քան անհատական հոգեբանությունը: Իհարկե, ժամանակի ընթացքում շատ բաներ ձեւափոխվել են, բայց մեր նախապապերի ընտանիքներում, երբ ծնվում էր տղա զավակ, նրան կնքում էին "հայոց թագավոր" պիտակով` համարելով, որ տղան է օջախի ծուխը վառ պահողն ու շարունակողը, իսկ երբ ծնվում էր աղջիկ երեխա, արդեն իսկ մեծացնում էին տղամարդուն ծառայելու հոգեբանությամբ: Պարզապես կցանկանայի հայ կնոջը տեսնել, համարձակվում եմ ասել, մի փոքր եսասեր` չվախենալով որոշ չափով շեշտել նաեւ իր անձը, ժամանակ հատկացնել նաեւ իրեն, եւ ընտանիքի հոգսերի մեջ տարալուծվելու փոխարեն` իր շուրջը կարողանա կառուցել իր պատկերացրած իրականությունը:

ՄԱՐԻՆԱ ՄԱՐՅԱՆՅԱՆ
Հ.Գ.
Հաղորդավարուհու հետ զրույցն ամբողջությամբ կարդացե՛ք "Զարուհի" ամսագրում:

Հավանեցի՞ր հոդվածը, կիսվիր ընկերներիդ հետ