Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

Կ. ՌԱՅԿԻՆԸ ՀԱՅԵՐԻՑ ՆԵՂՍՐՏԱԾ Է ԵՂԵԼ, ԲԱՅՑ ԿՐԿԻՆ ՎԵՐԱԴԱՐՁԵԼ Է ՀԱՅԱՍՏԱՆ

Արխիվ 12-16

Կ. ՌԱՅԿԻՆԸ ՀԱՅԵՐԻՑ <<ՆԵՂՍՐՏԱԾ>> Է ԵՂԵԼ, ԲԱՅՑ ԿՐԿԻՆ ՎԵՐԱԴԱՐՁԵԼ Է ՀԱՅԱՍՏԱՆ


ՌԴ մշակույթի նախարարության առաջարկով` Հայաստանում է գտնվում ռուս դերասան ԿՈՆՍՏԱՆՏԻՆ ՌԱՅԿԻՆԸ` հանրահայտ Արկադի Ռայկինի որդին: Լրագրողների հետ հանդիպման ժամանակ դերասանը հայտնեց, որ տարիներ առաջ  Հայաստանից մի քիչ "նեղսրտած" է հեռացել, բայց այսօր կրկին Հայաստան է եկել: Ավելին` հայ հանդիսատեսի համար նախապատրաստել է "Սեփական ձայնով" մոնոներկայացում-համերգը: Դերասանի խոսքով` "Սեփական ձայնով" ներկայացմամբ հանդես է եկել աշխարհի տարբեր երկրներում: Ժամանակ առ ժամանակ այն փոփոխում է եւ ներկայացման մեջ անում այն, ինչ ցանկանում է:


<<ՀԱՅԿԱԿԱՆ ՀԵՌՈՒՍՏԱԸՆԿԵՐՈՒԹՅՈՒՆՆԵՐԻՑ ՄԵԿԸ ԱՅՆՊԵՍ ՀԻԱՍԹԱՓԵՑՐԵՑ, ՈՐ ԴԺՎԱՐԱՆՈՒՄ ԷԻ ՀԱՎԱՏԱԼ,
ԹԵ ԵՐԲԵՎԷ ԿՎԵՐԱԴԱՌՆԱՄ ՀԱՅԱՍՏԱՆ>>


-Ես հետեւում եմ աշխարհում տեղի ունեցող իրադարձություններին, այդ թվում` նաեւ Հայաստանում կատարվող անցուդարձին, ուստի, երբ ՌԴ մշակույթի նախարարությունն առաջարկեց որեւէ ներկայացմամբ հանդես գալ Հայաստանում, համաձայնեցի: Չնայած, տարիներ առաջ հայկական հեռուստաընկերություններից մեկն ինձ այնպես հիասթափեցրեց, որ դժվարանում էի հավատալ, թե երբեւէ կվերադառնամ Հայաստան: Ճիշտ է, այս մասին խոսելը շատ տխուր է: Պարզապես ապշած էի այդ հեռուստաընկերության աշխատակիցների ոչ պրոֆեսիոնալ դրսեւորումից: Ես երիտասարդ էի, չնայած այժմ էլ եմ երիտասարդ (Ժպտում է.- հեղինակ) եւ եռանդով լեցուն. այդ մարդիկ ինձ շատ տանջեցին: 28 անգամ կրկնում էի այն, ինչ նրանք պետք է նկարահանեին, բայց ապարդյուն, չէին կարողանում ըմբռնել իմ ասածները: Մեր համագործակցությունն այդպես էլ չստացվեց: Հեռուստաընկերությունը նույնիսկ իմ հետդարձի տոմսը չգնեց:

<<ԹԱՏՐՈՆՆ ԻՄ ՍԻՐՈ ՎԱՅՐՆ Է>>

Արդեն 27 տարի դերասանը Մոսկվայում ղեկավարում է "Սատիրիկոն" թատրոնը, որտեղ իր իսկ խոսքով` հանդես է գալիս ե՛ւ որպես դերասան, ե՛ւ ռեժիսոր, ե՛ւ ուսուցիչ: Կ. Ռայկինն ընդգծեց, որ սիրում է հանդես գալ միայն թատրոնում, խոստովանեց, որ նույնիսկ հրաժարվել է 17 մլն դոլարից եւ չի նկարահանվել ֆիլմում. "Ես իմ ընտրությունն արդեն կատարել եմ` թատրոնն է: Այն իմ սիրո վայրն է, որտեղ ես հանդես եմ եկել բազմաթիվ դերերով, ի՞նչ բարձրարժեք եւ հետաքրքիր դեր կարող է կինոն ինձ առաջարկել: Բացի այդ, շատ եմ սիրում թատրոնի հանդիսատեսին, նրանք գնահատում են արվեստի արժեքը: Ոչ ոք չի կարող ունենալ այն հաջողությունը, ինչ ունի թատրոնի դերասանը: Ո՛չ գրողը, ո՛չ ռեժիսորը չեն կարող ունենալ այն հաջողությունը, ինչ այն դերասանը, ով իր դերը կենդանի ներկայացնում է հանդիսատեսին":

Կ. ՌԱՅԿԻՆՆ ԱՍԱՑ,
ՈՐ ԵԿԵԼ Է ՀԱՐԱԶԱՏՆԵՐԻ ՄՈՏ


Կոնստանտին Ռայկինը փաստեց, որ կովկասի ժողովրդի հետ ջերմ հարաբերությունների մեջ է, ինչն էլ պատահական չէ. նախկին կինը կիսով չափ հայ է եղել, կիսով չափ` ադրբեջանցի: Եվ կես կատակ-կես լուրջ ասաց. "Եկել եմ հարազատներիս մոտ":

ԻՆՉՈ՞Ւ ՌԱՅԿԻՆՆ ԻՐ ԱՐՎԵՍՏԱՆՈՑԻՑ
ՀԵՌԱՑՐԵՑ ՀԱՅ ՈՒՍԱՆՈՂԻՆ


-Ինձ համարում եմ ինտերնացիոնալիտ: Իմ արվեստանոցում խնամի-ծանոթ-բարեկամով ընդունված ուսանող չկա: Այստեղ սովորում են տարբեր ազգություն ունեցող շնորհալի մարդիկ, այդ թվում` մեկ հայ, որին, ի դեպ, հեռացրի, քանի որ իրեն լավ չէր դրսեւորում... Ես խիստ եմ, բայց շատ բարի, միեւնույն ժամանակ, դիկտատոր, որովհետեւ առանց վախ ներշնչելու` ոչինչ չես կարող անել, եւ առանց սիրո էլ ոչինչ չի ստեղծվի...

ԶՎԱՐԹ ԽԱՉԱՏՐՅԱՆ
Հ.Գ.-
Ի դեպ, ասուլիսին դերասանը եկել էր ալենդելոնյան կերպարով ու իր պրոդյուսերի ուղեկցությամբ: Նա ասուլիսի հենց սկզբում փոքր-ինչ վրդովված էր, ավելին` բարդութավորված, ինչ է, թե դերասանին լուսանկարել էին մամուլի սրահ մտնելիս: Թե ինչով էր պայմանավորված այդ զայրույթը, այդպես էլ անհասկանալի մնաց, հատկապես, որ նա հայտնի դերասան է ու գիտեր` ուր է գալիս, մինչդեռ վերջինիս պրոդյուսերը պարոն Ռայկինին լուսանկարելու համար պահանջում էր այդ լուսանկարչին դուրս հանել ասուլիսից, թեպետ ընթացքում բորբոքված պրոդյուսերն ու լուսանկարիչը լեզու գտան իրար հետ: Այնուամենայնիվ, հետաքրքիր է, ավագ Ռայկինն ինչո՞ւ ժամանակին Ռայկին կրտսերին չէր սովորեցրել լրագրողների հետ շփվելու արվեստը կամ ինչո՞ւ Ռայկին կրտսերը չհորդորեց իր պրոդյուսերին` ադեկվատ մոտեցում ցուցաբերել, այս հարցի պատասխանն էլ թողնենք ընթերցողներին:

Հավանեցի՞ր հոդվածը, կիսվիր ընկերներիդ հետ