ՌԵԿՏՈՐԻ ԵՂԲՈՐ ՍՊԱՆՈՒԹՅԱՆ ԳՈՐԾԻ ՆԱԽԱՔՆՆՈՒԹՅՈՒՆՆ ԱՎԱՐՏՎԵՑ
Արխիվ 12-16ՆԱԽԱՔՆՆՈՒԹՅՈՒՆՆ ԱՎԱՐՏՎԵՑ
Անցած տարվա հուլիսի 24-ին Շիրակի մարզի Գետք գյուղի քանդված գոմերի մոտ Հարություն Գրիգորյանի սպանության մեջ կասկածվող Ռազմական ոստիկանության քրեական հետախուզության Գյումրու բաժանմունքի այժմ արդեն նախկին պետ, 37-ամյա Արման Կատունյանի, ով սպանվածի հարեւանն է, գործի նախաքննությունը երեկ ավարտվել է: Այս մասին մեզ հետ զրույցում ասաց Գյումրու մանկավարժական ինստիտուտի ռեկտորի` սպանված եղբոր ներկայացուցիչը, փաստաբան Լիպարիտ Սիմոնյանը: Թե ինչպես է գնահատում նախաքննության ընթացքը, փաստաբանն ասաց.
- Այս պահին նոր եմ փորձում ծանոթանալ ընդհանուր նյութերին, ամեն դեպքում, ծանոթանալուց հետո կներկայացնեմ միջնորդություն` թե՛ փորձագետի եզրակացության, թե՛ այլ հանգամանքների հետ:
Նշենք, որ օրեր առաջ սպանության մեջ կասկածվող Արման Կատունյանի խափանման միջոց կալանավորումը փոխվել է, նրան պայմանականորեն ազատ են արձակելª ստորագրություն վերցնելով` չհեռանալու մասին:
ԻԼՈՆԱ ԱԶԱՐՅԱՆ
Հավանեցի՞ր հոդվածը, կիսվիր ընկերներիդ հետ
