Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

ԻՐԱՎԱԳԻՏՈՒԹՅՈՒՆԸ ԵՎ ԱՍՏՎԱԾԱՇՈՒՆՉԸ

Արխիվ 12-16

ԻՐԱՎԱԳԻՏՈՒԹՅՈՒՆԸ ԵՎ ԱՍՏՎԱԾԱՇՈՒՆՉԸ


Համարվում է, որ մարդկությանը հայտնի ամենագլխավոր, ամենահզոր, ամենաիմաստուն, ամենաշատ տպաքանակով, ամենաշատը թարգմանված, ամենա-ամենա… գիրքը` Աստվածաշունչն է: Ընդ որում, դա փաստում են ինչպես քրիստոնեական համայնքը, այնպես էլ` մնացյալ: Այդքանից հետո ձեռնպահ ենք մնում` օգտվելու այդ անսպառ հարստությունից:
Ժամանակին Ջորջ Վաշինգտոնը, հասկանալով աստվածաշնչյան հզորության խորհուրդը, հրապարակել Է հետեւյալ թեւավոր խոսք դարձած, ես կասեի, կարեւորագույն իրավանորմը. "Անհնար է աշխարհը ճիշտ կառավարել, առանց Աստծո եւ Աստվածաշնչի": Մեծ եւ հզոր երկրներից մեկի` ԱՄՆ-ի այս առաջնորդը, կրողը լինելով այնպիսի մի պետության, որտեղ քրիստոնյաներից բացի` տասնյակ կրոնների ներկայացուցիչներ էին ապրում, տվյալ իրավանորմ դարձրած թեւավոր խոսքով, կարծում եմ, ոչ թե վեր դասեց քրիստոնյաներին այլ կրոն դավանող ազգերից, այլ ամրագրեց Աստվածաշնչի հեգեմոն դերը մնացյալ գրերից, առանց որի` անհնարին է աշխարհը ճիշտ կառավարել: Փաստեմ, որ աստվածաշնչյան այս գանձարանում տեղ կա բոլոր մասնագիտությունների տեր մարդկանց համար: Մասնավորապես, իրավական հարթության վրա տրվում է սպառիչ մեկնումը, ինչպես ընտանեկան իրավունքի եւ անձի ազատության, կյանքի իրավունքի, այնպես էլ` աշխատանքի եւ սեփականության: Ավելին, պետական այրերի համար տրված է ե՛ւ գործադիր իշխանության մեկնումը, ե՛ւ օրենսդիր, ե՛ւ դատական: Աստվածաշնչյան կարեւորագույն դրույթներից է` անձի արժանապատվությունը, որը համարվում է բնական իրավունքի բաղկացուցիչ մասը:
Չխորանալով աստվածաշնչյան գաղափարախոսության եւ արդի երկրների գաղափարախոսության տարբերության միջեւ, իմ խորին համոզմամբ, այդ վիհը հնարավոր է փոքրացնել ու վերացնել, եթե իրավունքը, որը երկնային աստվածաշնչյան իրավանորմ է եւ իրողություն, լինի գերակա, քան մահկանացուների կողմից գրված օրենքները, ինչպես նաեւ պարտադիր պայման դիտվի, որպեսզի օրենքը համապատասխանեցվի իրավունքի հետ: Հակառակ դեպքում` լավագույնը կունենանք չգործող օրենքներ, իսկ վատագույն դեպքում` օրենքներ, որոնք կործանարար են տվյալ հասարակության ու պետության համար (նայեք ձեր շուրջը եւ կտեսնեք նմանօրինակ բազում եւ բազմապիսի օրինակներ):
Աստվածաշունչը պետք է լինի կենարար ջուրը եւ հիմնաքարը նրանց համար, ում գործողություններից կամ գործելակերպից է նաեւ կախված, թե ինչպիսին կլինի երկիրը, պետությունը, հայրենիքը, հասարակությունը, ընտանիքը եւ այլն:
Քրիստոնեական ողջ համայնքն այս օրերին նշում է Սուրբ զատիկը: Այս օրերին ինձ բռնեցի հետեւյալ գիտակցումի մեջ. երեք բան մեր առօրյայում դժվար ենք ասում միմյանց.
Ա) Ես քեզ սիրում եմ
Բ) Ներիր
Գ) Օգնիր:
Քրիստոսի հարության այս օրերին արժե մտածել դրա մասին: Արդյո՞ք, երջանիկ լինելու բանալին, որից հետո օգտվելու ենք աստվածային գանձարանից` այս խոսքերի խորհուրդը ընկալելու եւ կիրառելու մեջ չէ:

ԼԵՎՈՆ ՍՈԽԱԿԻ ԲԱՂԴԱՍԱՐՅԱՆ
"Լեւ գրուպ" փաստաբանական
գրասենյակի հիմնադիր նախագահ
www.levgroup.am
Հարցեր կարող եք ուղարկել նաեւ
[email protected] հասցեով

Հավանեցի՞ր հոդվածը, կիսվիր ընկերներիդ հետ