Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

ՊԱՐՈՒՅՐ ՀԱՅՐԻԿՅԱՆՆ ԸՆԿԱՎ ԴԱՎԱՃԱՆ ՎԱՀԵ ԱՎԵՏՅԱՆԻ «ՋՐԵ՞ՐԸ»

Արխիվ 12-16

ՊԱՐՈՒՅՐ ՀԱՅՐԻԿՅԱՆՆ ԸՆԿԱՎ ԴԱՎԱՃԱՆ ՎԱՀԵ ԱՎԵՏՅԱՆԻ «ՋՐԵ՞ՐԸ»


Շվեդիայում ապրող «վտարանդի» վայ-գրող Վահե Ավետյանը շարունակում է ստվեր նետել հայաստանյան մշակութային ու քաղաքական գործիչների վրա: Հիշեցնենք, որ վերջինս ո՛չ ավել, ո՛չ պակաս հրապարակավ ներողություն էր խնդրել իր համար սիրելի հարեւան ադրբեջանցիներից` «Խոջալուի ցեղասպանության» համար եւ անգամ հարցականի տակ դրել Հայոց ցեղասպանության 100-րդ տարելիցը: Ստոկհոլմում ապրող այս անձին կրկին չէինք հիշի, եթե օրերս համացանցում չհայտնվեր նրա եւ ԱԻՄ առաջնորդ Պարույր Հայրիկյանի լուսանկարը` արված Ազատության հրապարակում: Այս մասին «Իրավունքը» փորձեց պարզաբանում ստանալ հենց պարոն Հայրիկյանից` նախ հետաքրքրվելով, թե ինչպե՞ս է վերաբերվում Վ. Ավետյանի ներողությանը` ուղղված ադրբեջանցիներին.


–Ընդհանրապես հասկանում եմ, որ այդպիսի քայլեր անողները հեռանկարային միտք ունեն: Ես մի անգամ այսպիսի բան նկատեցի իր գրածի մեջ, որ ինքն իր մասով` որպես հայ, ներողություն է խնդրում, որ այդտեղ մարդկային զոհեր են եղել, եւ հիմա հերթը ադրբեջանցիներինն է, որ իրենք էլ ներողություն խնդրեն: Քանի որ Վահե Ավետյանը պետական գործիչ չէ, այլ անհատ, անհրաժեշտություն չեմ համարում նրա քայլերի մեջ անպայման ճշգրտություն որոնել, բայց միտումը հասկանալի է: Նա քայլ էր արել, որ դիմացինին ասի` սա է ձեւը ապագա համակեցության, դե հիմա դուք էլ, Սումգայիթի, Բաքվի, այսօր տեղի ունեցող խառնակությունների համար ներողություն խնդրեք: Թեպետ չեմ խորացել դրա մեջ, բայց իմ նախնական ընկալումը դա է:
– Այսինքն` Վ. Ավետյանի մոտեցումն ընդունելի՞ է Ձեզ համար:
– Դա իր մոտեցումն է, նա ասում է, որ մենք պետք է ապրենք իրար կողքի, իրար հետ համաձայնության գալով, սխալների համար էլ ամեն մեկս մեր մասով վշտակցություն հայտնելով, դա քաղաքակիրթ մոտեցում եմ համարում: Ուռա պատրիոտիզմը, որ կա ու վերջանում է ամեն օր` անտեղի զոհեր տալով, ինձ, օրինակ, չի ուրախացնում, եթե նույնիսկ մեկին տասը լինի զոհերի հարաբերակցությունը, ինչի՞ս է պետք: Ինչեւէ, Վահե Ավետյանը, եթե պետական գործիչ լիներ, մենք մանրակրկիտ կվերլուծեինք նրա ասածը, իսկ սա պետք է ընդունել, որ մի հայ մարդ, մի մտավորական իր կողմից ինչ-որ անհատական քայլ է անում` դիմացը ինչ-որ բաներ սպասելով: Արդարացվա՞ծ է, թե արդարացված չէ, զարգացում կապրի՞, թե` ոչ, դրանք այլ հարցեր են:
– Ի դեպ, համացանցում է հայտնվել Ձեր եւ նրա լուսանկարը, հետաքրքիր է` ընկերային հարաբերություններ ունե՞ք Վ. Ավետյանի հետ:
– Ի՞նչ կապ ունի իմ պատասխանը լուսանկարի հետ, արդյո՞ք իմ պատասխանում կար ոչ օբյեկտիվ մեկնաբանություն: Եկեք սա թողնենք: Վահե Ավետյանն ինձ ճանաչում էր դեռեւս իմ արտաքսման ժամանակ: Նրան ես հիշում եմ արտաքսումից վերադառնալուց հետո, երբ շատ երիտասարդ էր, բայց դա որեւէ կապ չունի այս պահին իմ տված գնահատականի հետ:
– Ընդամենն ուզում էինք ճշտել` գաղափարակի՞ց եք նրա հետ, թե` ոչ:
– Ամեն հայ մարդու հետ փորձում եմ ընդհանրություն գտնել, թե ինչքանով Վահե Ավետյանի հետ կգտնեմ, դա հարցի մյուս կողմն է: Բայց ձեր հարցն այլ էր, ինչին ի պատասխան էլ ասում եմ` նա ուզում է, որ մենք հարեւանների հետ խաղաղ ապրենք, եւ եթե Վահե Ավետյանը շատերի համար անցանկալի բան է արել, շատերը պետք է կարողանան մինչեւ վերջ նայել նրա արած քայլին, ոչ թե կրծքները ծեծելով ասեն` Խոջալուում մարդ է մահացել: Այլ խնդիր է, թե մարդ մահացել է սադրանքի, ինչ-որ վայրագ լակոտի պատճառով, թե կողքից այս երեւույթը խորացնող այլ հանգամանք է եղել: Վահե Ավետյանն այս բոլորի մասնագետը չէ, ինքն ասում է` ես իմ ներողությունն ասացի, հիմա էլ ձեր հերթն է, ես այդ տեսակետով եմ ընկալել ամեն բան:

ՀՐԱՆՏ ՍԱՐԱՖՅԱՆ

 

Հավանեցի՞ր հոդվածը, կիսվիր ընկերներիդ հետ