Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

ՇՆՈՐՀԱՎՈՐ ՄԱՅՐՈՒԹՅԱՆ ԵՎ ԳԵՂԵՑԿՈՒԹՅԱՆ ՏՈՆԸ

Արխիվ 12-16

ՇՆՈՐՀԱՎՈՐ ՄԱՅՐՈՒԹՅԱՆ ԵՎ ԳԵՂԵՑԿՈՒԹՅԱՆ ՏՈՆԸ


ՀԻՇԵՆՔ ՆԱԵՎ ԳԵՂԵՑԿՈՒԹՅԱՆ ՄԱՍԻՆ

Այսօր կանանց միամսյակը եզրափակող Մայրության եւ գեղեցկության տոնն է, սակայն չենք կարող չհնչեցնել հռետորական հարցադրում` քաղաքական գործիչների քանի՞ տոկոսը քաղաքական մրցավազքում կհիշեն այդ տոնը եւ կշնորհավորեն, եթե ոչ բոլոր հայուհիներին, ապա գոնե իրենց հարազատ կանանց: Ժամանակ առ ժամանակ առօրյայի վազքից կտրվելը եւ գեղեցիկը նկատելը հարկավոր է բոլորին, նույնիսկ քաղաքական գործիչներին: Ինչեւէ, տեսնենք, թե ինչով է ապրում եւ շնչում քաղաքական դաշտը:



ԶԱՐԳԱՑՈՒՄՆԵՐԸ ՀԻՄՆԱԿԱՆՈՒՄ` ԱՐԵՎՄՈՒՏՔ-
ՌՈՒՍԱՍՏԱՆ ՀԱՐԹՈՒԹՅԱՆ ՎՐԱ


Մենք արդեն առիթ ունեցել ենք հիշատակելու, որ ՀՀԿ խմբակցությունում առկա են եւ պատգամավորներ, ովքեր կուսակցական հիմնական գծից որոշակիորեն տարբերվող տեսակետներ են արտահայտում: Օրինակ, Սամվել Ֆարմանյանը խոստովանել էր, որ որոշ հարցերում ավելի շուտ համամիտ է ոչ թե կուսակիցների, այլ` ընդդիմադիր գործընկերներ Նիկոլ Փաշինյանի եւ Հրանտ Բագրատյանի հետ: Հավանաբար, ՀՀԿ-ում "արեւմտամետ" թեւի առկայությունը առաջիկայում միգուցե նկատվի նաեւ խորհրդարանական քվեարկությունների ժամանակ: Հարկ է նշել, որ ՀՀԿ-ում առկա է եւ "ռուսամետ" թեւ, ու ընդդիմադիր դաշտում էլ կան "ռուսամետ" ուժեր, ու թերեւս այդտեղ էլ համագործակցության եզրեր գտնվեն:
Այսինքն, ինչքան ավելի մոտենում ենք 2017-ի համապետական ընտրություններին, այնքան ավելի է շեշտվում տարաբաժանումը ոչ թե իշխանամետ-ընդդիմադիր հարթությունում, այլ` Արեւմուտք-Ռուսաստան: Այսինքն` տարաբաժանումը գնալով ստանում է ավելի ու ավելի շեշտված աշխարհաքաղաքական ուղղվածություն: Բայց, այնուամենայնիվ, 2017-ի ընտրություններից առաջ ուժերի դասավորվածությունը այս պահին դժվար է ստույգ կանխատեսել, քանզի աշխարհում գլոբալ հակամարտությունը բավականին անկախատեսելի զարգացումներ է ունենում: Ու նաեւ այդ գլոբալ գործընթացներից է կախված, թե ինչ կոնֆիգուրացիա կունենա իշխող կոալիցիան 2017-ին, թեեւ ակնհայտ է, որ դրա հիմքը լինելու է ՀՀԿ-ն:
Իհարկե, խոսելով "արեւմտամետ" ու "ռուսամետ" թեւերի մասին, մենք նկատի ունենք ոչ թե տարատեսակ 6-րդ շարասյուներ (թեեւ դրանք էլ առկա են, բայց առայժմ բացահայտ իրենց չեն դրսեւորում), այլ գաղափարական նրբերանգները նույն իշխանական համակարգի ներսում:
Այստեղ  առանձին է ՀՅԴ-ի հարցը: Խմբակցության ղեկավար Արմեն Ռուստամյանը հրապարակավ նշում է, որ չի բացառում ՀՅԴ-ի վերադարձը կոալիցիա, միգուցե շուտով դա տեսնենք, բայց էլի հարցական է` 2017-ի կոալիցիայում ՀՅԴ-ն կլինի՞, թե` ոչ: Դա նույնպես կախված է գլոբալ զարգացումներից, առավել եւս, որ ՀՅԴ-ի ներսում էլ կան "ռուսամետ" եւ "արեւմտամետ" թեւեր, ինչպես նաեւ ըստ գործելակերպի կտրուկության, ավանդական "բազեներ" եւ "աղավնիներ":
Իսկ ընդհանուր առմամբ, ինչ վերաբերում է ներքաղաքական դաշտին ու մասնավորապես դրա ընդդիմադիր հատվածին, ապա ինչ-ինչ ռեալ վերադասավորում, որը կտա քչից-շատից հստակ պատկեր, կտեսնենք թերեւս աշնանը: Իսկ առայժմ, ինչպես սիրում են ասել ԲՀԿ-ի ներկայացուցիչները, տեղի է ունենում "տրանսֆորմացիա" եւ "բյուրեղացում":

ԳԱՐՆԱՆԱՅԻՆ "ՍՐԱՑՈՒՄՆԵՐ"


Այս պահին, քանի որ "ԲՀԿ+" տեսակի բոլոր դաշինքներն ու ձեւաչափերը գոյություն չունեն, կարելի է ասել, որ ընդդիմությունը բավականին կրավորական վիճակում է: Դե, ԲՀԿ-ն հիմնականում զբաղված է ներքին խնդիրներով, իսկ ինչ վերաբերում է ՀԱԿ-ին եւ "Ժառանգությանը", ապա առաջինը ժամանակ առ ժամանակ հանդես է գալիս անատամ, բայց միաժամանակ, ինչպես կասեր ժողովուրդը` "աբիժնիկական" բնույթի հայտարարություններով, իսկ երկրորդը դեռ ինքն իրենից պետք է գլուխ հանի: Հիմա պարզ էլ չի, թե ով է իրավասու "Ժառանգության" անունից հայտարարություններ անել` կուսակցության առաջնորդ Րաֆֆի Հովհաննիսյա՞նը, թե` բոլորին փաստի առաջ կանգնեցնող Զարուհի Փոստանջյանը: Պարզ չէ նաեւ, թե արդյոք կուսակցական են համարվելու այնպիսի ֆիգուրները, ինչպիսիք են Ռուբիկ Հակոբյանը եւ Արմեն Մարտիրոսյանը:
Սակայն չի կարելի ասել, որ "նարնջագույն" գործունեություն հիմա գոյություն չունի: Ճիշտ է, դա ավելի շուտ արտահայտվում է ոչ թե քաղաքական դեմքերի, այլ տեղեկատվական-քարոզչական դաշտի կողմից, որի մի հատվածը ուղղակիորեն լծված է բացահայտ հակապետական գործունեությանը, եւ ուր ոմանք` առանց քաշվելու եւ ուշադրություն դարձնելու հանրային պարսավանքի վրա, տիրաժավորում են ադրբեջանական քարոզչամեքենայի ստերը:
Իսկ սոսկ արեւմտամետ քարոզչության տեսակետից` այս պահին նույնիսկ դժվար է հստակ տարանջատում անցկացնել ընդդիմադիր արեւմտամետների եւ իշխանական "արեւմտյան" թեւի ռեսուրսների դրսեւորումների միջեւ: Նրբերանգներն այս պարագայում ավելի շուտ նկատում են այն վերլուծաբանները, ովքեր ստույգ տիրապետում են լրատվական-քարոզչական դաշտի իրական կառուցվածքի եւ ենթակայության մասին տեղեկատվությանը:
Փողոցներն ու հրապարակներն էլ մնացել են "Հիմնադիր խորհրդարանի" բաժին, քանզի այլ ընդդիմադիրներ գործնականում չեն անցկացնում փողոցային միջոցառումներ: Հերթական հանրահավաքները Սէֆիլյանի կողմնակիցները պատրաստվում են անել Արթիկում եւ Վանաձորում, ու մնում է հուսալ, որ այդտեղ չեն լինի սադրիչ գործողություններ, ինչպես եղավ Գյումրիում: Ի դեպ, պետք է նշել, որ ամեն ինչ այժմ բացահայտ է, եւ Գյումրիում դանակահարություն կատարածը շատ արագ հայտնաբերվեց... Բայց ամենակարեւորը "Հիմնադիր խորհրդարանի" հարցում հետեւյալն է` ի՞նչ սպասել նրանցից ապրիլի 24-ին: Պարզ է, որ "100-ամյակն առանց ռեժիմի" տիպի գործողությունները հարուցում են գնալով ավելի ու ավելի աճող հանրային հակակրանք, ու դրա հետ մեկտեղ, ավելի ու ավելի կարեւոր է դառնում` թույլ չտալ "Հիմնադիր խորհրդարանի" ակտիվիստների հայտնվելը Երեւանի կենտրոնում ու առավել եւս Ծիծեռնակաբերդում: Դա հղի է բախումներով` ոչ միայն այն պատճառով, որ ոստիկանությունը կասեցնելու է  հասարակական կարգը խախտող քայլեր, այլեւ վրդովված քաղաքացիները կարող են հարձակվել "Հիմնադիր խորհրդարանի" ակտիվիստների վրա, ինչն, անշուշտ, իրավապահների գործը բարդացնում է: Տպավորությունն այնպիսին է, որ, կարծես թե, "Հիմնադիր խորհրդարանի" իրական նպատակն է անպայման ապրիլի 24-ին ներքաշվել բախումների մեջ եւ օտարերկրյա ԶԼՄ-ների տեսախցիկների առաջ կանգնել "տուժածի" կերպարանքով:
Եվ ակամա այսպիսի միտք է ծագում` քանի որ "Հիմնադիր խորհրդարանին" ամեն մի հրապարակային ակցիայի ժամանակ որեւէ տհաճ բան պատահում է, միգուցե հենց այդ միավորման ղեկավարների անվտանգությունից ելնելո՞վ իմաստ ունի ապրիլի 24-ի նախօրեին մեկուսացնել նրանց, առավել եւս որ հակասահմանադրական բազում կոչերով նրանք վաղուց արդեն իրավական հիմք տվել են  իրենց նկատմամբ խափանման միջոց կիրառելու:
Ինչեւէ, ավարտենք նրանով, ինչով սկսել ենք` գեղեցիկը նկատելու եւ գնահատելու հորդորով: Ի վերջո, թող նրանք, ովքեր մտադիր են ապրիլի 24-ին ինչ-ինչ "սուր ակցիաների" մասնակից դառնալ, հիշեն, որ, մեղմ ասած, դա բոլորովին գեղեցիկ չի լինի բոլոր տեսակետներից:

ՀՈՎՀԱՆՆԵՍ ԳԱԼԱՋՅԱՆ

 

Հավանեցի՞ր հոդվածը, կիսվիր ընկերներիդ հետ