«ՄԱՅՐԱՔԱՂԱՔՈՒՄ ՆՍՏԱԾ ԳՅՈՒՂԱՑՈՒ ՀՈԳՍԸ ԹԵԹԵՎԱՑՆԵԼՈՒ ՓՈԽԱՐԵՆ. ՔՆՆԱԴԱՏԵԼՈՎ ԵՆ ԶԲԱՂՎԱԾ». ԳՅՈՒՂԱՊԵՏԸ` ԲԱԽՇ
Արխիվ 12-16«ՄԱՅՐԱՔԱՂԱՔՈՒՄ ՆՍՏԱԾ ԳՅՈՒՂԱՑՈՒ ՀՈԳՍԸ ԹԵԹԵՎԱՑՆԵԼՈՒ ՓՈԽԱՐԵՆ. ՔՆՆԱԴԱՏԵԼՈՎ ԵՆ ԶԲԱՂՎԱԾ». ԳՅՈՒՂԱՊԵՏԸ` ԲԱԽՇՅԱՆԻՆ
Կրթության ազգային ինստիտուտի փոխտնօրեն Անահիտ Բախշյանի համար անհասկանալի է, թե ինչու է Տավուշի մարզի սահմանամերձ Դեբեդավան գյուղի գյուղապետ Վանյա Դեմիրչյանը հայտարարում, թե մանկապարտեզ պահելու համար ֆինանս չունի, երբ գյուղը մանկապարտեզի համար տարեկան 3,5 միլիոն դրամ է ստանում: «Դեբետավան գյուղում հավաքվում են ավագանու անդամները՝ երկու հոգով որոշում, որ պետք է փակեն մանկապարտեզը ֆինանսական սուղ պայմաններից ելնելով»,- ասում է Ա. Բախշյանը:
Դեբեդավանի գյուղապետն «Իրավունքի» թղթակցի հետ զրույցում ասաց, որ Ա.Բախշանը եղել է իրենց գյուղում և իրեն մանրամասն բացատրել են, թե ինչու է փակվել մանկապարտեզը: Նրա խոսքով չնայած իրենք կառավարությունից սուբսիդիա ստանում են, սակայն այնտեղ նշված չէ, որ այդ գումարը պետք է պարտադիր մանկապարտեզի վրա ծախսել: «Մենք բազմիցս բարձրացրել ենք այդ հարցը, որ մանկապարտեզի վրա տարեկան 5 մլն դրամ գումար է պետք ծախսել, սակայն մեր բյուջեն ընդամենը 3,5 մլն դրամ է: 21-րդ դարն է, բայց մենք դեռ մի քանի կիլոմետր ոտքով ջուր ենք կրում, քանի որ մինչ օրս գյուղում ջրագիծ չկա, գյուղը գազաֆիկացված չէ: Մենք էլ ենք հասկանում, որ մանկապարտեզ ունենալը շատ կարևոր է, սակայն այն պահելու համար գումար չունեինք: Եթե բարերերներ գտնվեին, որ մանկապարտեզի հոսանքի, ջեռուցման ծախսերը հոգային մենք չէինք փակի մանկապարտեզը»,- ասում է Վանյա Դեմիրչյանը:
Գյուղապետին վրդովեցնում է, որ մայրաքաղաքում նստած փոխանակ գյուղացու հոգսը թեթևացնելու մասին մտածեն իրենց քննադատելով են զբաղված: Գյուղապետի խոսքով, այնպես չէ, որ մանկապարտեզը փակել են և երեխաներին գցել են փողոց, այլ ամեն ինչ անում են, որ նոր ուսումնական տարվանից գյուղում նախակրթարան բացվի:
ԱՐՄԻՆԵ ԳՐԻԳՈՐՅԱՆ
