Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

ՍՈՒՐԻԿ ԽԱՉԱՏՐՅԱՆՆ ԻՐ ՈՒՆԵՑՎԱԾՔԸ ԹԱՔՑՆՈ՞ՒՄ Է

Արխիվ 12-16

ՍՈՒՐԻԿ ԽԱՉԱՏՐՅԱՆՆ ԻՐ ՈՒՆԵՑՎԱԾՔԸ ԹԱՔՑՆՈ՞ՒՄ Է


 

«Իրավունքը» նախորդ հրապարակումներում ներկայացրել է բարձրաստիճան մեր մի որոշ պաշտոնյաների  հայտարարագրած ունեցվածքը: Այս անգամ ներկայացնում ենք Սյունիքի մարզպետ, աղմկահարույց մի քանի պատմությունների կենտրոնում հայտնված Սուրեն Խաչատրյանի (մականունը Լիսկա) 2014 թ-ի հայտարարագիրը:

Ըստ  հայտարարագրի` Սյունիքի մարզպետի դրամական միջոցները կազմել են 2.999 դոլար: Մարզպետի եկամուտները հարկային տարում կազմել են 215,202,684 դրամ: Ընդ որում` Սուրեն Խաչատրյանի եկամտի աղբյուրը ոչ միայն նրա աշխատավարձն է, այլեւ վարձակալությունից  ու փոխառություններից ստացված գումարները:

Կնոջ` Լորետա Բարսեղյանի հայտարարագիրը եւս բավական համեստ է` ընդամենը 2,192,320 դրամ:

Արդյոք Սուրեն Խաչատրյանի ունեցվածքը սահմանափակվում է այսքանով: Իհարկե ոչ: Համենայնդեպս Գորիսի նախկին քաղաքապետ Սամվել Հարությունյանի 2013 թ-ի հայտարարությունն հակառակն է ասում` «Գորիսի 8 հարկանի հյուրանոցը, Գորիսի հանրախանութը՝ 4000 քմ տարածքով, Գորիսի շինարարական միավորման շենքը, Գորիսի տարածաշրջանի Սեւ լիճը, որը երկրորդն է իր մեծությամբ բնական լիճ, իր սեփականությունն է: Եղբոր անունով գրանցել է իր մյուս լիճը՝ Քարահունջի ջրամբարի՝ իր հարակից տարածքներով, հանգստյան տնով: Երեւանում բազմաթիվ շենքեր ունի: Իր միայն ապարանքը մի քանի միլիոն դոլար արժե: Ապարանքին կից իմ ժամանակ այդտեղ շինարարություն էր լինում՝ բաղնիքի շենք էին կառուցում, այդ շենքը անմիջապես սեփականացրել է եւ դարձրել իր ապարանքի կցակառույցը: Երեւանում Հրազդան մարզադաշտի հարեւանությամբ 4 հարկանի հսկայական շենքը՝ կահույքի կենտրոնը իրեն է պատկանում՝ մի քանի հազար քմ տարածքով: Մոնումենտում ունի բնակարան: Շիրակ հյուրանոցի հարեւանությամբ առաջին էլիտար շենքից բնակարան է ստացել: Գորիսում 4 գազալցակայան ունի, ասում են՝ 2 հատ էլ ունի Կապանում:

Ըստ մամուլում շրջանառվող տեղեկությունների` պարոն Խաչատրյանի որդին` Տիգրան Խաչատրյանը, այս տարի Գորիսի Սուրբ Գրիգոր Լուսավորիչ եկեղեցու 2015 թվականի Խաչի քավոր է դարձել, իսկ թե դա ինչպես է տեղի ունեցել, դեռեւս պարզ չէ:

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ