ԴԻԱՆԱՆ ՕԳՆՈՒԹՅԱՆ ԿԱՐԻՔ ՈՒՆԻ. «23.000 ԴՐԱՄՈՎ ԵՍ ԵՐԵԽԱՅԻՍ ԴԵՂԵՐԸ Ո՞ՆՑ ԳՆԵՄ» ՏԵՍԱՆՅՈՒԹ
Արխիվ 12-16ԴԻԱՆԱՆ ՕԳՆՈՒԹՅԱՆ ԿԱՐԻՔ ՈՒՆԻ. «23.000 ԴՐԱՄՈՎ ԵՍ
ԵՐԵԽԱՅԻՍ ԴԵՂԵՐԸ Ո՞ՆՑ ԳՆԵՄ». ՏԵՍԱՆՅՈՒԹ
Երեւանաբնակ 40-ամյա Դիանա Դավոյանը, հայտնվել է կարելի է ասել, անելանելի վիճակում: Միայնակ մայրը. իր խնամքին ունենալով երեք տարեկան երեխա, ընդամենը 23.000 դրամ է ստանում «Փարոս»-ից: Այլ եկամտի աղբյուր Դիանան չունի եւ չի էլ կարողանում գտնել, քանի որ երեխայի երկու աչքը նախորդ տարի վիրահատել են, իսկ, հավանաբար, մայիսին նորից կվիրահատեն աջ աչքը: «Չգիտեմ` վիրահատությունից հետո անհրաժեշտ դեղերը ոնց եմ գնելու»,- «Իրավունքի» հետ զրույցում հուզված ասաց երիտասարդ կինը:
Միայնակ մոր սոցիալական վիճակն այնքան ծանր է, որ էլեկտրաէներգիա ընդհանրապես չեն օգտագործում, գազ էլ` հազվադեպ:
Ի դեպ, մինչ փոքրիկի` երեքամյա Նինելի աչքի վիրահատությունը, մասնագիտական վատ պատրաստվածություն ունեցող բժիշկների պատճառով փոքրիկ Նինելը պոլիկլինակներից աչք չի բացել:
Նկարում Դիանա Դավոյանի դուստրն է, երեքամյա Նինելը.

Դիանա Դավոյանի խնդրանքն այս պահին մեկն է`օգնել իրեն գտնել այնպիսի աշխատանք, որը կկարողանա տանն անել, քանի որ առայժ երեխային չի կարող հանձնել մանկապարտեզ: «Տանը խմորեղեն էի պատրաստում, հանձնում խանութին: Հետո ինձնից լիցենզիա պահանջեցին»,- ասաց տիկին Դավոյանը:
ՄԱՆՐԱՄԱՍՆԵՐԸ`ՏԵՍԱՆՅՈՒԹԵՐՈՒՄ:
ՍՈՆԱ ԴԱՎԹՅԱՆ
