Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

ՍԻՄ ԿՈՒՍԱԿՑՈՒԹՅՈՒՆԸ ԴԱՐՁԱՎ 26 ՏԱՐԵԿԱՆ

Արխիվ 12-16

ՍԻՄ ԿՈՒՍԱԿՑՈՒԹՅՈՒՆԸ ԴԱՐՁԱՎ 26 ՏԱՐԵԿԱՆ

 

Այսօր «Սահմանադրական իրավունք միություն»  կուսակցության ծննդյան օրն է: 26 տարի առաջ`1989 թվականի ապրիլի 4-ին ստեղծվեց ՍԻՄ կուսակցությունը: Այդ կապակցությամբ այսօր տեղի ունեցած ՍԻՄ նախագահության նիստին, նախագահ Հայկ Բաբուխանյանը շնորհավորեց կուսակիցներին եւ համակիրներին:

Այնուհետեվ ՍԻՄ նախագահությունը քննարկեց ներքաղաքական իրավիճակը, ինչպես նաեւ արտաքին մարտահրավերները: Նշվեց, որ ռուսաստանյան հայտնի «Միռ ի մի» կայքը հրապարակել է Հայկ Բաբուխանյանի բաց նամակը ԵԽԽՎ-ին:

ՍԻՄ նախագահը տեղեկացրեց, որ դիմել է դատախազություն Բրիտանական ֆիլմերի փառատոնի ընթացքում համասեռամոլների վերաբերյալ ֆիլմերի ապօրինի ցուցադրման կապակցությամբ եւ դատախազությունում սկսվել է հարցի ուսումնասիրությունը: Նա նշեց նաեւ, որ սկսվել է գոքրծընթաց ՍԻՄ-ի կողմից առաջարկված ՀՀ «Քաղաքացիական օրենսգրքում» փոփոխությունների նախագիծը ՀՀ ԱԺ-ում շրջանառության մեջ դնելու ուղղությամբ: Անդրադառնալով օրենսդրական աշխատանքի հետագա ծրագրերին, նախագահությունը կարեւորեց «Հասարակական կազմակերպությունների» եւ ԶԼՄ-ների վերաբերյալ օրենսդրությունում կատարել փոփոխություններ, որոնք նպատակաուղղված կլինեն ապահովել օտարերկրյա ֆինանսավորման թափանցիկությունը: Այդ առումով ՍԻՄ նախագահությունը որոշեց առաջարկել ՍԻՄ նախագահին հանդես գալ պատգամավորական հարցումով ճշտելու համար ինչ ծավալի օտարերկրյա ֆինանսավորում են ստացել Հայաստանի ՀԿ-ները 2012-2014 թվականներին:

ՍԻՄ նախագահը շնորհակալություն հայտնեց ՍԻՄ մարդու իրավունքների հանձնաժողովի նախագահ Ա. Աբգարյանին ՀՀ Սահմանադրական դատարան դիմում ներկայացնելու համար այն մասին, որ կիրառվել է հակասահմանադրական օրենք: Բանն այն է, որ 2015-ի մարտի 17-ի  ՍԴՈ-1196 Որոշմամբ ՀՀ Սահմանադրական դատարանը ՀՀ սահմանադրությանը մասամբ հակասող էր ճանաչել ՀՀ քրեական դատավարության օրենսգրքի 404-րդ հոդվածի 4-րդ մասի դրույթը, ըստ որի` քրեական գործերով վճռաբեկ դատարան կարելի էր դիմել միայն փաստաբանի միջոցով:

Սահմանադրական դատարանի որոշուման  մեջ ասված է. «ՀՀ քրեական դատավարության օրենսգրքի 404-րդ հոդվածի 4-րդ մասը`դատավարության այն մասնակիցների մասով, ովքեր չունեն պաշտպան և որոնց համար օրենքով սահմանված կարգով երաշխավորված չէ անվճար իրավաբանական օգնություն ցույց տալու հնարավորությունը, ճանաչել Հայաստանի Հանրապետության Սահմանադրության 14.1-րդ հոդվածին, 18-րդհոդվածի 1-ին մասին, 19-րդ հոդվածի 1-ին մասին հակասող և անվավեր`նկատի ունենալով, որ տվյալ դրույթի կիրառումն առկա իրավակարգավորումների պայմաններում սոցիալական անհամաչափ ծանրաբեռնվածություն է առաջացնում անձանց համար` կախված նրանց ֆինանսական հնարավորություններից, չապահովելով նաև անձի արդարդատաքննության, դատական պաշտպանության արդյունավետ միջոցի և դատարանի մատչելիության իրավունքների լիարժեք իրացումը»:

Հիշեցնենք, որ տարիներ առաջ մեկ անգամ հաջողվել էր այդպիսի նորմ մտցնել քրեադատավարական օրենքում. Այն կոչվել էր` «արտոնյալ փաստաբանների ինստիտուտ», եւ փաստաբաններից մի քանիսին էին միայն թույլ տրվում բերել վճռաբեկ բողոք…

Եվ այսպես` ակնհայտ հակասահմանադրական նորմը վերացվել է: Մնում է նշել, որ այդ նորմը հակասահմանադրական ճանաչելու խնդրանքով ՍԴ դիմել էր նաեւ ՍԻՄ կուսակցության «Մարդու իրավունքների» հանձնաժողովի ղեկավարը:

ՍԻՄ նախագահությունը քննարկեց նաեւ, որ սահմանադրական բարեփոխումներին կուսակցության մասնակցության ընթացքը: Տրվեցին մի շարք հանձնարարականներ քննարկումներն ակտիվացնելու ուղղությամբ:

ՍԻՄ նախագահը շնորհավորեց ներկաներին մոտալուտ Սուրբ Զատիկի կապակցությամբ:


ՍԻՄ ԼՐԱՏՎԱԿԱՆ ԾԱՌԱՅՈՒԹՅՈՒՆ



Հավանեցի՞ր հոդվածը, կիսվիր ընկերներիդ հետ