Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

ՉԻՆԱՍՏԱՆԻ ՀԵՏ ՀԱՄԱԳՈՐԾԱԿՑՈՒԹՅՈՒՆԸ ԿԱԿՏԻՎԱՑՆԻ ՀՀ ՏՆՏԵՍՈՒԹՅՈՒՆԸ

Արխիվ 12-16

ՉԻՆԱՍՏԱՆԻ ՀԵՏ ՀԱՄԱԳՈՐԾԱԿՑՈՒԹՅՈՒՆԸ
ԿԱԿՏԻՎԱՑՆԻ ՀՀ ՏՆՏԵՍՈՒԹՅՈՒՆԸ

Պեկինում կայացած հայ-չինական բանակցությունների ժամանակ ստորագրվել են ավելի քան մեկ տասնյակ փաստաթղթեր: Ներկայացնենք մի քանիսը: Դրանից մեկը 2015-2018թթ. Չինաստանի կողմից Հայաստանի Հանրապետությանը արտոնյալ պայմաններով վարկեր տրամադրելու մասին շրջանակային hամաձայնագիրն է, ըստ որի Չինաստանի Արտահանման-ներմուծման բանկի միջոցով Հայաստանի Հանրապետության կառավարությանը տրամադրվելու են արտոնյալ պայմաններով վարկեր:
"Հայաստանի մաքսային զննման տեխնոլոգիաների եւ սարքավորումների արդիականացման ծրագրի" շրջանակներում նախատեսվում է արտոնյալ պայմաններով 155,440,000 (մոտ 25,3 մլն ԱՄՆ դոլար) չինական յուան արժողությամբ վարկի տրամադրում, որտեղ` վարկի արժույթը լինելու է չինական յուանը, մարման ժամկետը` 20 տարի, որից 5-ը` արտոնյալ, տարեկան տոկոսադրույքը` 2%, կառավարման վճարը տարեկան կկազմի 0,25%, իսկ պարտավորության վճարը` տարեկան 0,25%:
Ըստ այդ ծրագրի, նախատեսվում է չինական "Նուքթեք Քամփնի" ընկերության կողմից Հայաստանի Հանրապետությանը մաքսային զննման շարժական ռենտգեն եւ այլ սարքավորումների տրամադրում: Սարքավորումները կարող են օգտագործվել` ստուգելու եւ բացահայտելու պայթուցիկ նյութերը, զենքը, դեղերը եւ այլ մաքսանենգ ապրանքներ:
Սարքավորումները բնութագրվում են բարձր թափանցելիությամբ, հուսալիությամբ, ճկունությամբ, ռադիոակտիվ անվտանգությամբ, բարձրորակ սկանավորված պատկերներով, տվյալների անվտանգությամբ: Մատակարարման պայմանագրի շրջանակներում կիրականացվի նաեւ տեխնիկական ուսուցման ապահովում եւ երաշխիքային սպասարկում:
Ստորագրվել է նաեւ   "Հայաստանի Հանրապետության կառավարության եւ Չինաստանի Ժողովրդական Հանրապետության կառավարության միջեւ տեխնիկատնտեսական համագործակցության մասին" համաձայնագիր,  ըստ որի, նախատեսվում է ՉԺՀ կառավարության կողմից ՀՀ կառավարությանը 60 միլիոն ՉԺՀ յուանի անհատույց տեխնիկական օգնության տրամադրում` Հայաստանի Հանրապետության հանրային հեռուստաընկերության համար հեռուստատեսային տաղավարի կառուցման ծրագրի իրականացման նպատակով:
Հիշեցնենք, որ Չինաստանի կառավարության կողմից 1999-ից սկսած` յուրաքանչյուր տարի տրամադրվում է անհատույց օգնություն Հայաստանի Հանրապետության կառավարությանը: Այդ շրջանակներում իրականացվող համագործակցությունը նպաստել է Հայաստանի Հանրապետության սոցիալ-տնտեսական զարգացման ծագրերին: Ընդհանրապես, ՀՀ եւ ՉԺՀ կառավարությունների միջեւ տեխնիկատնտեսական համագործակցությունը հաջող ընթացք է ունեցել. իրականացվել են տարբեր ծրագրեր` գյուղատնտեսության, առողջապահության, տրանսպորտի եւ այլ ոլորտներում: Վերջին տարիներին ՉԺՀ կառավարության կողմից տրամադրվող անհատույց օգնության ծավալներն աճել են:

ՍՊԱՐՏԱԿ ԳՐԻԳՈՐՅԱՆ

Հավանեցի՞ր հոդվածը, կիսվիր ընկերներիդ հետ