Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

ԵՄ-ՀԱՅԱՍՏԱՆ ՆՈՐ ՊԱՅՄԱՆԱԳԻՐ. ԻՄԻՏԱՑԻԱ՞, ԹԵ ԻՐԱԿԱՆՈՒԹՅՈՒՆ

Արխիվ 12-16

ԵՄ-ՀԱՅԱՍՏԱՆ ՆՈՐ ՊԱՅՄԱՆԱԳԻՐ.
ԻՄԻՏԱՑԻԱ՞, ԹԵ ԻՐԱԿԱՆՈՒԹՅՈՒՆ


Վերջին ժամանակներս նորից շատ է խոսվում մայիսին Ռիգայում տեղի ունենալիք ԵՄ Արեւելյան գործընկերության գագաթնաժողովի մասին: Այն կտրվածքով, որ այս հերթական միջոցառմանը հնարավոր է, որ վերջապես իրականացվի մեր արեւմտամետների "մանկության բյուրեղյա երազանքը"ª ստորագրվի ԵՄ-Հայաստան հարաբերությունների մասին պայմանագիրª անցած տարի տապալված ասոցացման պայմանագրի փոխարեն: Ու թեեւ մինչեւիսկ խոսում են, թե այդ պայմանագրում նման-նման դրույթներ կլինեն, սակայն մինչեւ մայիս բան չի մնացել, իսկ այդ պայմանագրի ո՛չ պաշտոնական նախագիծը կա եւ ո՛չ էլ անգամ նախնական համաձայնեցված դրույթները, որոնց հիման վրա հնարավոր է պայմանագիր կազմել: Թե այս իրավիճակում որքանո՞վ  է իրատեսական նման պայմանագրի ստորագրումը, եւ եթե նույնիսկ ինչ-որ բան ստորագրվի ¥կա վարկած, որ կարող է սեղանին դրվել ասոցացման համաձայնագրի քաղաքական մասը¤, դա ինչ կտա Հայաստանին, "Իրավունքը" փորձեց ճշտել հայաստանյան որոշ վերուծաբաններից:
Քաղաքագետ ՀՐԱՆՏ ՄԵԼԻՔ-ՇԱՀՆԱԶԱՐՅԱՆԸ նշեց.
-Նույնիսկ Հայաստանի դիվանագիտությանը պետք չէ, որ, ասենք, հայտնի ասոցացման համաձայնագրի  քաղաքական մասը, այնուամենայնիվ, ստորագրի: Խնդիրը հիմնականում վերաբերում է եվրոպական արժեքներին, ժողովրդավարության, քաղաքական եւ իրավական համակարգի բարելավմանը եւ այլն: Չնայած` Եվրոպայի հետ քաղաքական պայմանագիր անհրաժեշտ է` որոշ չափով ԵՄ-ի սերտ հարաբերություններ պահպանելու համար, քանի որ ԵՏՄ-ին անդամակցելուց հետո, ըստ էության, առաջացել է ընկալումների խնդիր, այսինքն` Արեւմուտքում ինչ-որ չափով Հայաստանի հանդեպ ի հայտ են եկել վերապահումներ: Եվ պետք է այս ամենը հաղթահարել: Ընդ որումª ԵՄ-ն նույնպես կողմակից է հարաբերությունների զարգացմանը եւ հանդես է գալիս նախաձեռնողի դերում: Կարծում եմª ԵՄ-ն շահագրգռված է Հայաստանի հետ հարաբերությունների պահպանման եւ զարգացման համար:
Քաղաքագետ ԴԵՐԵՆԻԿ ՄԱԼԽԱՍՅԱՆԸ փաստեց.
-Հայաստանում եւ ընդհանրապես աշխարհում տնտեսությունը եւ քաղաքականությունը միմյանց հետ փոխկապակցված են, եւ տնտեսությունն է ծնում քաղաքականություն: Հետեւաբար, եթե այս երկու բաղադրիչները միմյանցից զատում ես, Ասոցացման պայմանագրի քաղաքական մասը մնում է որպես գործընթացների իմիտացիա: Կարծում եմ` այդ պայմանագրի ստորագրումն ավելի շատ իմիտացիա է, քան ռեալ գործընթաց: Ակնկալիքներ չունեմ, որ  պայմանագիրը որեւէ խորքային ազդեցություն կարող է ունենալ Հայաստանի ներքաղաքական կամ պետական համակարգի վրա:
Սոցիոլոգ ԱՀԱՐՈՆ ԱԴԻԲԵԿՅԱՆՆ ընդգծեց.
-Եթե նման պայմանագիր կնքվի, կարծում եմ, կունենանք հնարավորություն` մեր երկիր ներկրել եվրոպական առաջնակարգ տեխնոլոգիաներ եւ դառնալ կամուրջ Ռուսաստանի, Բելառուսի եւ Ղազախստանի միջեւ, ինչը Հայաստանի համար օգտակար կլինի: Եվրոպան տնտեսապես մեզ չի կարող ապահովել, քանի որ մենք սահման չունենք, իսկ ճանապարհները բավականին ծախսատար են, հայկական արտադրության ապրանքները չեն համապատասխանում եվրոպակական չափանիշներին եւ այլն: Այս առումով, մեզ համար Ռուսաստանն անփոխարինելի առեւտրային գործընկեր է: Այդ պատճառով էլ պայմանագրի քաղաքական հատվածի վրա ավելի մեծ ուշադրություն է դարձվել:


Z-PR սոցհարցման կենտրոնը Երեւան քաղաքում 100 հոգու շրջանում կատարել է հարցում`պարզելու համար հասարակության կարծիքը ԵՄ-Հայաստան հարաբերությունների մասին` նոր պայմանագրի ստորագրման վերաբերյալ:
1. ԵՏՄ-ին անդամակցելուց հետո, դժվար թե, ԵՄ-ի հետ որեւէ պայմանագիր ստորագրվի: Դա ընդամենը ոմանց երազանքն է- 57%:
2. Եթե քաղաքական առումով Հայաստանի համար կան շահավետ պայմաններ, ապա կարելի է եւ ստորագրել: Սակայն հնարավոր է ստորագրել միայն այնպիսի փաստաթուղթ, որը ոչ մի կերպ չի հակասի ԵՏՄ-ին անդամակցության պայմանագրին- 24%:
3. Ինչ պայմանագիր, եթե կոնչիտաներից բացի այլ բան չեն առաջարկում- 13%:
4. Այո, միանշանակ պետք է ստորագրել ու հրաժարվել ԵՏՄ-ից-  5%:
5. Դժվարանում են պատասխանել- 1%:

ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ