ԱՐԱՄ ՀԱՐՈՒԹՅՈՒՆՅԱՆԸ ՉԻ ԽՈՍՈՒՄ ՆՈՐ ՊԱՇՏՈՆԻՑ
Արխիվ 12-16
Երեկ ՀՀ կառավարության նիստում` կառավարության որոշմամբ` Կոտայքի արդեն նախկին մարզպետ ԱՐԱՄ ՀԱՐՈՒԹՅՈՒՆՅԱՆՆ ազատվեց պաշտոնից` այլ աշխատանքի անցնելու կապակցությամբ: Թեեւ շրջանառվում են խոսակցություններ, որ պարոն Հարությունյանը զբաղեցնելու է Ջրային տնտեսության պետական կոմիտեի նախագահի` բավականին ժամանակ թափուր մնացած աթոռը, այնուամենայնիվ, պարոն Հարությունյանից էլ հետաքրքրվեցինք, թե իրեն ինչ պաշտոնի է տեսնում: Բայց հստակեցում չեղավ.
- Իմ դաստիարակությունը թույլ չի տալիս նախօրոք հայտարարություններ անել: Եղել են տարբեր քննարկումներ, բայց ստույգ տեղեկատվություն կտամ այն ժամանակ, երբ արդեն իսկ զբաղեցնեմ որեւէ պաշտոն: Ճիշտ չէ ժամանակից առաջ ընկնել: Այս պահի դրությամբ, ես ազատված եմ աշխատանքից, իսկ նորության դեպքում, ինքս տեղեկատվություն կտրամադրեմ:
ԻԼՈՆԱ ԱԶԱՐՅԱՆ
Հավանեցի՞ր հոդվածը, կիսվիր ընկերներիդ հետ
