Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

ՀՅԴ ՊԱՏԳԱՄԱՎՈՐԸ` "ՀԻՄՆԱԴԻՐ ԽՈՐՀՐԴԱՐԱՆԻՆ". "ՉԻ ԿԱՐԵԼԻ ԱՆԲԱՐՈՅԱԿԱՆՈՒԹՅԱՄԲ ԿԱՌՈՒՑԵԼ ԱՊԱԳԱ"

Արխիվ 12-16

ՀՅԴ ՊԱՏԳԱՄԱՎՈՐԸ` "ՀԻՄՆԱԴԻՐ ԽՈՐՀՐԴԱՐԱՆԻՆ".
"ՉԻ ԿԱՐԵԼԻ ԱՆԲԱՐՈՅԱԿԱՆՈՒԹՅԱՄԲ ԿԱՌՈՒՑԵԼ ԱՊԱԳԱ"


Վերջին շրջանում "Հիմնադիր խորհրդարան" շարժման կողմից քննադատություն է հնչում ոչ միայն իշխանության, այլեւ ՀՅԴ-ի հասցեին: "Հիմնադիր խորհրդարան" շարժման անդամ Կարո Եղնուկյանը հայտարարել էր, որ "Հիմնադիր խորհրդարան" շարժման անդամ Հրաչիկ Միրզոյանի դանակահարությունը եղել է ՀՅԴ խմբակցության ղեկավար Արմեն Ռուստամյանի հրահանգով: "Իրավունքն" այս առնչությամբ մի քանի հարց ուղղեց ՀՅԴ խմբակցության պատգամավոր ԱՐԾՎԻԿ ՄԻՆԱՍՅԱՆԻՆ:
–Պարոն Մինասյան, ըստ Ձեզ` ինչո՞ւ է ՀՅԴ-ն վերջին շրջանում "Հիմնադիր խորհրդարան" շարժման քննադատության թիրախում հայտնվել: Անգամ դանակահարության փաստը վերագրվեց Արմեն Ռուստամյանին:
– Կարծում եմ` "Հիմնադիր խորհրդարան" շարժման անդամները խորը թյուրիմացության մեջ են, եթե մտածում են, որ ՀՅԴ-ին հարված հասցնելով` փորձում են կորզել նրա ուժը: Սա ոչ միայն աբսուրդ մոտեցում է, այլեւ թույլ ու թերի մոտեցում: Հայտարարելով, որ բազում դաշնակցականներ դուրս են եկել կուսակցությունից, որն իրականության հետ ոչ մի կապ չունի, սրանց նպատակը, կարծում եմ, մեկն է` ցույց տալ, որ ազգային ողնաշար ունեցող ուժի անդամները տեղափոխվում են իրենց մոտ: Կամ փորձում են անհատական մակարդակով վիրավորանքներ հասցնել, մեղադրանքներ հնչեցնել, որը նույնպես աբսուրդ, անուղեղ, անպտուղ գործողությունների հետեւանք է:
– "Հիմնադիր խորհրդարան" շարժման անդամ Կարո Եղնուկյանը հայտարարել էր, որ "Հիմնադիր խորհրդարան" շարժման անդամ Հրաչիկ Միրզոյանի դանակահարությունը եղել է ՀՅԴ խմբակցության ղեկավար Արմեն Ռուստամյանի հրահանգով: Արմեն Ռուստամյանն ի՞նչ քայլեր է ձեռնարկելու:
– Ես չգիտեմ, Արմեն Ռուստամյանին հարցրեք: Բայց իմ` որպես կուսակցական գործընկերոջ գործողությունները հետեւյալն են լինելու` էդ ապուշություններին միշտ չէ, որ պետք է անդրադառնալ ու պատասխանել: Եթե նրանք շարունակեն նման կեցվածք ցուցաբերել, ապա պատասխանը կլինի շատ ավելի կոշտ, շատ ավելի կոպիտ, անշուշտ` օրենքի շրջանակներում: Չի կարելի անբարոյականությամբ կառուցել ապագա:
– Իսկ պատահակա՞ն եք համարում, որ Արմեն Ռուստամյանի հասցեին դանակահարության մեղադրանք հնչեցնողը, այսպես ասած, մեր "ապագա ոստիկանապետն" է` Կարո Եղնուկյանը:
– Ես չգիտեմ` ով է մեր ապագա ոստիկանապետը, կամ Կարո Եղնուկյանն ինչ կարգավիճակում է այդ կառույցում, դա իրենց իրավունքն է, բայց նրան էլ, նրա համախոհներին էլ խորհուրդ կտամ չափի մեջ լինել, իրենց իրավունք չվերապահել կատարել հայտարարություններ կամ պնդումներ, որոնք ապուշության ժանրից են: Դա իրենց ո՛չ պատիվ է բերում, ո՛չ հեղինակություն, ավելին` վարկաբեկում է թե՛ իրենց, թե՛ իրենց կողքին կանգնած ազնիվ մարդկանց:
– ՀՅԴ-ից արտահոսքի մասին լուրերը հերքեցիք, բայց վերջերս ՀՅԴ-ի Արցախի կոմիտեն տարածել էր հայտարարություն, որտեղ միայն ասվում էր` ՀՅԴ-ից հեռացած երկու անձինք ավելի վաղ են հեռացել կուսակցությունից, իսկ մյուս երկուսի մասին հայտարարության մեջ ոչինչ ասված չէր: Արդյոք սա չի՞ նշանակում, որ Դաշնակցությունից արտահոսք, այնուամենայնիվ, փոքր չափով կա:
– Ցանկացած քաղաքական ուժում էլ կա արտահոսք, բայց վերագրել այդ շարժն այնպիսի արտահոսքի, զանգվածային մի արտահոսքի, որի շնորհիվ իբր իրենց "արեւին" իրենք են ուժեղանում, դա ապուշություն է ու աբսուրդ մոտեցում է:

ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ