Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

Իրանի և «վեցյակի» միջև շրջանակային համաձայնությունը լրացուցիչ «թթվածին» է Հայաստանի համար

Արխիվ 12-16

Իրանի և «վեցյակի» միջև շրջանակային համաձայնությունը

լրացուցիչ «թթվածին» է Հայաստանի համար

 

Լոզանում կայացած վեցյակի երկրների՝ ԱՄՆ-ի, Մեծ Բրիտանիայի, Գերմանիայի, Ֆրանսիայի, Չինաստանի, Ռուսաստանի և Իրանի միջև 8 օր տևած բանակցությունների դրական հանգուցալուծումը շատ էական նշանակություն ունի ոչ միայն Մերձավոր Արևելքի, այլև՝ Հարավ Կովկասյան տարածաշրջանում աշխարհաքաղաքական փոփոխությունների հարցում, «Իրավունքի» թղթակցին ասաց քաղաքական գիտությունների դոկտոր Գարիկ Քեռյանը: Նրա խոսքով՝  Իրանի նկատմամաբ կիրառվող խիստ պատժամիջոցները, կամա թե ակամա ազդում էին նաև Իրանի հարևան պետությունների վրա՝ էներգետիկ և այլ բնագավառներում համագործակցություն ծավալելու դեպքում: «Այս առումով թերևս ամենավատ իրավիճակում գտնվում էր Հայաստանը, որը զրկված լինելով դեպի ծով ելք ունենալու հնարավորությունից, ունենալով Ղարաբաղյան չկարգավորված հակամարտության խնդիր, ունենալով լուրջ խնդիրներ Թուքիայի հետ, գտնվելով շրջափակման մեջ և չունենալով անմիջական սահման իր ռազավարական դաշնակից Ռուսաստանի հետ կարիք ուներ տնտեսական և այլ ոլորտներում հարաբերությունները զարգացնելու Իրանի հետ, որը սակայն մեզ համար ստեղծում էր փակուղային իրավիճակ»,- ասում է Գ. Քեռյանը:

Քաղաքագետի կարծիքով՝ Արևմուտք-Իրան հարաբերությունների մեղմացումը էականորեն կփոխի աշխարհաքաղաքական մթնոլորտը հարավկովկասյան տարածաշրջանում, քանի որ Իրանը Ղարաբաղյան հակամարտության վերաբերյալ ունի ավելի շատ պրոհայկական, քան պրոադրբեջանական դիրքորոշում, ինչը թույլ է տալիս ավելի վստահ ասել, որ այս հարցում Իրանը հանդես կգա հայկական դիրքերից, որը հաշվի կառնի Արևմուտքը: Ինչ վերաբերում է մերձավորարևելյան տարածաշրջանին, որտեղ բորբոքվել է սյունի-շիա հակամարտությունը և Եմենում վերածվել քաղաքացիական պատերազմի, նմանվել է եռացող կաթսայի, ուստի այն մեղմացնելու համար Արևմուտքի և Իրանի միջև հակասության վերացումը Գ. Քեռյանի կարծիքով կնպաստի նաև այդ կործանարար հակամարտության թուլացմանը, քանի որ շիա խմբավորումները գտնվում են Իրանի հովանավորության և ազդեցության տակ:


ԱՐՄԻՆԵ ԳՐԻԳՈՐՅԱՆ

Հավանեցի՞ր հոդվածը, կիսվիր ընկերներիդ հետ