Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

«ԱՅԴ ՊԱՏՃԱՌՈՎ ԷԼ ՄԵԾ ԲԵՄՈՒՄ ԵՐԳԵԼՈՒ ՑԱՆԿՈՒԹՅՈՒՆ ՉԿԱ»

Արխիվ 12-16

«ԱՅԴ ՊԱՏՃԱՌՈՎ ԷԼ

ՄԵԾ ԲԵՄՈՒՄ ԵՐԳԵԼՈՒ ՑԱՆԿՈՒԹՅՈՒՆ ՉԿԱ»


Մայիսի 2-ին Կարեն Դեմիճյանի անվան մարզահամերգային համալիրում տեղի կունենա համերգ` «Երկինք ափի մեջ» խորագրով:  Համերգին կմասնակցեն հայ  երգչուհիներ Անչոկը (Աննա Աղաջանյան), Նարի Հարությունյանը եւ վրաց երգիչ Սոսո Պավլիաշվիլին:

«Մենք պատրաստել ենք մեր երգերը, Նարիի հետ այդ օրը հանդես կգանք նաեւ զուգերգով: Իսկ մնացած անակնկալներից տեղյակ չեմ: Համերգին հնչելու է կենդանի երաժշտություն, կլինեն նաեւ պարային խմբեր: Համերգի ընթացքում կներկայացնենք հին ու նոր երգեր, որոնք արդեն սիրվել են հայ հանդիսատեսի կողմից»,- «Իրավունքի» հետ զրույցում նշեց երգչուհի ԱՆՉՈԿԸ:

Երգչուհու համար սա նաեւ լավ հնարավորություն է հանդիպելու իր հանդիսատեսի հետ, քանի որ երկար ժամանակ է, ինչ հեռացել է մեծ բեմից. «Չնայած երկար ժամանակ է ինչ մեծ բեմում չեմ երգում, սակայն ունեմ ակումբ, որտեղ իմ հանդիսատեսը կարող է ինձ լսել: Մի գուցե, իմ սխալն էլ է, որ չեմ զբաղվել կարիերայով, բայց առաջընթաց չեմ տեսնում ոչ թե իմ աշխատանքում, այլ չեն կազմակերպվում համերգներ, այդ պատճառով էլ մեծ բեմում երգելու ցանկություն չկա»,- ավելացրեց երգչուհին:

Ինչ վերաբերում է այսօրվա շոու-բիզնեսի ընդհանուր վիճակին, ապա Անչոկի կարծիքով այստեղ որոշ չափով կա առաջընթաց.«Մենք տաղանդավոր ազգ ենք, կան շնորհալի եւ լավ ձայնային տվյալներով երիտասարդներ: Այս ամենի մեջ ինձ մի բան է պակասում` անկեղծությունը: Մեր ժամանակ ավելի անկեղծ էին: Կան բաներ, որ ինձ դուր չեն գալիս, չնայած, եթե որեւէ բան չեմ հավանում` մտածում եմ, որ դա իմ ճաշակով չէ»,- եզրափակեց Անչոկը:

 

ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ