ՀՀԿ ՊԱՏԳԱՄԱՎՈՐԸ ՌՈՒՍԱՍՏԱՆԻ` ԱԴՐԲԵՋԱՆԻՆ ԶԵՆՔ ՎԱՃԱՌԵԼՈՒ ՍԼՈՒՑԿՈՒ ՀԻՄՆԱՎՈՐՈՒՒՄՆ ՕՐԻՆԱՉԱՓ Է ՀԱՄԱՐՈՒՄ. ՏԵ
Արխիվ 12-16ՀՀԿ ՊԱՏԳԱՄԱՎՈՐԸ ՌՈՒՍԱՍՏԱՆԻ` ԱԴՐԲԵՋԱՆԻՆ ԶԵՆՔ ՎԱՃԱՌԵԼՈՒ ՍԼՈՒՑԿՈՒ ՀԻՄՆԱՎՈՐՈՒՄՆ ՕՐԻՆԱՉԱՓ Է ՀԱՄԱՐՈՒՄ. ՏԵՍԱՆՅՈՒԹ
ՌԴ ԴԺ Պետական դումայի նախագահ Սերգեյ Նարիշկինի օրեր առաջ կատարված հայաստանյան այցն անաղմուկ չանցավ: Նարիշկինը խոսել էր այն վտանգների ու սպառնալիքների մասին, որոնք ի հայտ կգան Հայաստանի`ԵՄ-ի հետ համագործակցության ընթացքում:
Որոշ լրատվամիջոցներ Նարիշկինի այս ելույթը համարեցին կարծես թե վերջնագիր Հայաստանին: ՀՀԿ պատգամավոր Լեռնիկ Ալեքսանյանը «Իրավունքի» հետ զրույցում, սակայն, այդպես չի մտածում: «ԵՄ-ի հետ մեր համագործակցությունը կա, շարունակվում են եւ շարունակելի են: Ռուսները դա հասկանում են»,- ասաց պատգամավորը:
Հանդիպման արդյունքը, ըստ պատգամավորի, դրական է Հայաստանի համար: «Բնական է, որ ՌԴ-ին դուր չի գալու ԵՄ-ի հետ մեր շատ խնդիրների լուծումը, հարաբերությունների խորացումը»,- ասաց քաղաքական գործիչը:
Ինչ վերաբերում է ՌԴ-ի կողմից Ադրբեջանին զենք վաճառելու հանգամանքին եւ ռուս գործիչների այն բացատրությանը, թե դա կոմերցիոն հարց է, Լեռնիկ Ալեքսանյանը այս հայտարարությունն օրինաչափ է համարում: «ՌԴ-ը մեր տարածաշրջանում ունի հստակ շահեր, որոնք ավելի շատ համընկնում են Հայաստանի շահերի հետ, բայց ավելիին սպասել պետք չէ: Այնպես որ Սլուցկու հայտարարությունն օրինաչափ եմ համարում»,- ասաց պատգամավորը:
Հիշեցնենք`ՌԴ Պետդումայի ԱՊՀ հարցերի, եվրասիական ինտեգրման եւ հայրենակիցների հետ կապերի հանձնաժողովի նախագահ Լեոնիդ Սլուցկին, խոսելով ՌԴ-ի`Ադրբեջանին զենք վաճառելու փաստի մասին, հիշեցրել էր` Հայաստանը, ի տարբերություն Ադրբեջանի, այլ գնով է ձեռքբերում:
ՄԱՆՐԱՄԱՍՆԵՐԸ`ՏԵՍԱՆՅՈՒԹՈՒՄ:
ՍՈՆԱ ԴԱՎԹՅԱՆ
