«ԳՈՒԼՈՅԱՆԻ ՆՇԱՆԱԿՈՒՄԸ ԸՆԴՈՒՆՈՒՄ ԵՎ ՈՂՋՈՒՆՈՒՄ ԵՆՔ». ՀՀԿ ԿԱԶՄ ԲԱԺՆԻ ՂԵԿԱՎԱՐ
Արխիվ 12-16«ԳՈՒԼՈՅԱՆԻ ՆՇԱՆԱԿՈՒՄԸ ԸՆԴՈՒՆՈՒՄ ԵՎ ՈՂՋՈՒՆՈՒՄ
ԵՆՔ». ՀՀԿ ԿԱԶՄ ԲԱԺՆԻ ՂԵԿԱՎԱՐ
25 տարի առաջ ապրիլի 2-ին «Անկախության բանակ» ռազմական միավորման հրամանատարների եւ Աշոտ Նավասարդյանի ղեկավարությամբ նախաձեռնող խմբի կողմից հիմնադրվեց Հայաստանի հանրապետական կուսակցությունը: 5 տարի առաջ այն նշվեց մեծ շուքով, մարզահամերգային համալիրում, սակայն այս տարի կարծես պասիվություն է նկատվում: Թե ինչով է այն պայմանավորված հարցով դիմեցինք ՀՀԿ կազմ բաժնի ղեկավար Ռուբեն Թադեվոսյանին, ով հերքեց պասիվության փաստը նշելով, որ այսօր ՀՀ-ի տարբեր մարզերում անցկացվելու են միջոցառումներ. «Ամբողջ տարվա ընթացքում մենք նշելու ենք 25-ամյակը: Այսօրվանից սկսած մեր բոլոր տարածքային կառույցներում: Այսօր Ղափանում, Արտաշատում, Արագածոտնում, Գյումրիում, այդ թվում նաեւ Երեւանում, մեր կենտրոնական գրասենյակում` ԳՄ նիստին կնշվի այն, որտեղ նաեւ կտրվի միջոցառումների ստարտը ողջ տարվա համար»:
Թե արդյոք հենց այսօր մեծ միջոցառում չկազմակկերպելը կապ ունի ապրիլի 24-ի միջոցառումների հետ պարոն Թադեվոսյանը չհերքեց:
Ռ. Թադեվոսյանից նաեւ հետաքրքրվեցինք, եղե՞լ է ՀՀԿ-ի պրակտիկայում այնպիսի նախադեպ, որ նշանակվի մարզպետ, որը ՀՀԿ-ական չէ, հանձինս այսօր Կոտայքի մարզպետ Արամ Հարությունյանը ազատվեց այդ պաշտոնին, որի փոխարինելու եկավ Աբովյանի քաղաքապետ Կարո Գուլոյանը, Թադեվոսյանը նշեց, որ նոր է տեղեկացել դրա մասին եւ այդտեղ որեւէ տարօրինակ բան չի տեսնում, սակայն չի ցանկանում որեւէ բան ասել այդ կապակցությամբ. «Սա աշխատանքային գործընթաց է եւ գործադիր մարմնի ղեկավարը նման որոշում է կայացրել, որը ընդունում եւ ողջունում ենք»:
ԱՐՄԵՆՈՒՀԻ ՀԱԿՈԲՅԱՆ
