Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

ԻՆՉՈ՞Ւ ՐԱՖՖԻ ՀՈՎՀԱՆՆԻՍՅԱՆԻ ՈՐԴԻՆԵՐԸ ՀՀ ՔԱՂԱՔԱՑԻ ՉԵՆ

Արխիվ 12-16

ԻՆՉՈ՞Ւ ՐԱՖՖԻ ՀՈՎՀԱՆՆԻՍՅԱՆԻ ՈՐԴԻՆԵՐԸ ՀՀ

ՔԱՂԱՔԱՑԻ ՉԵՆ

 

Այսօր Հայոց ցեղասպանության եւ մեծ հայրենազրկման հետեւանքների վերացման թեմաների շուրջ  կազմակերպվել էր  համաժողով: Համաժողովում  անդրադարձ  կատարվեց ԱԺ «Ժառանգություն» խմբակցության պատգամավոր Զարուհի Փոստանջյանի հեղինակած` «Թուրքիայի Հանրապետության կողմից հայրենի բնօրրանի` Հայաստանի տարածքների բռնազավթումը (օկուպացիան) եւ հայերի Մեծ հայրենազրկումը դատապարտելու մասին» ՀՀ օրենքի նախագծին: Համաժողովը նախաձեռնել էր  «Ժառանգություն» խմբակցության պատգամավոր Զարուհի Փոստանջյանը, որին, սակայն, չէր մասնակցում կուսակցության փոխնախագահ Արմեն Մարտիրոսյանը, իսկ խմբակցության ղեկավարն էլ գտնվում էր գործուղման մեջ: Բայց մինչ համաժողովը կուսակցության մամլո խոսնակ Դավիթ Սանասարյանն «Իրավունքի» հետ զրույցում հայտարարել էր, որ համաժողովը «Ժառանգություն» խմբակցությունն է նախաձեռնել, քանի որ սա Զարուհի Փոստանջյանի նախաձեռնությունն է: Իսկ Զարուհի Փոստանջյանը կուսակցության կողմից է ներկայացվել: Մի խոսքով ասած, ոչ մեկ ոչ մեկից տեղյակ չէ:

Համաժողովի ավարտից հետո «Իրավունքը» Րաֆֆի Հովհաննիսյանից պարզեց` ի վերջո, ինքը համաձայնե՞լ է, որ իր կուսակիցները հանդիպեն Սերժ Սարգսյանի հետ:  Րաֆֆի Հովհաննիսյանը նախ  հղում արեց իր վերջին ասուլիսին, որտեղ  ներկուսակցական բոլոր հարցերին պատասխանել է. «Այդ ասուլիսին  ժամանակ տրվեց  լրիվ բացատրությունը: Դուք  ներկա էիք այդ ասուլիսին:  Ընկալելով ու գրելով այդ ասուլիսի անցուդարձի մասին` իմ գնահատականը չեմ տա ձեր ռեպորտաժին, դա ձեր իրավունքն է: Բայց դրանից հետո երբ գալիս եք եւ խորհրդաժողովի դուրս հարցը կրկնում եք,  ցույց  է տալիս` սարի վրա բան կա»:

Հիշեցնենք`մարտի 12-ին «Ժառանգություն» կուսակցության փոխնախագահ Արմեն Մարտիրոսյանն ու խմբակցության ղեկավար Ռուբեն Հակոբյանը հանդիպել էին Սերժ Սարգսյանի հետ եւ քննարկել սահմանադրական բարեփոխումների գործընթացին առնչվող հարցեր: Հանդիպումից հետո «Ժառանգություն» խմբակցության պատգամավոր Զարուհի Փոստանջյանը  Սերժ Սարգսյանի հետ հանդիպողներին անվանեց Բաղրամյան 26-ի հաճախորդներ, քանի որ կուսակցությունը համաձայն չի  եղել այդ հանդիպմանը:

Րաֆֆի Հովհաննիսյանն  այդ ընթացքում ԱՄՆ-ում էր եւ հայտարարություն տարածեց` օգտագործելով ինքնանպատակ խորհրդակցություններ բառակապակցությունը` հասկացնելով, որ իր կուսակիցների հանդիպումը  ինքնանպատակ է եղել:

ԱՄՆ-ից վերադառնալուց հետո «Ժառանգություն» կուսակցության առաջնորդ Րաֆֆի Հովհաննիսյանը հայտարարեց, որ Արմեն Մարտիրոսյանն ու Ռուբեն Հակոբյանը  լիազորությունից դուրս ոչինչ չեն արել, բայց եթե ինքը լիներ,  չէր հանդիպի Սերժ Սարգսյանի հետ:

- Պրն Հովհաննիսյան, ձեր որդիներից են քանի՞սն են ՀՀ քաղաքացի ու քանի՞սն են ծառայել Հայոց բանակում:

- Ես ու որդիներիցս Արմենն ենք ՀՀ քաղաքացի:

- Իսկ երբեւէ փորձե՞լ եք ձեր մյուս որդիներին համոզել դառնալ ՀՀ քաղաքացի:

- Ես կարծում եմ, որ յուրաքանչյուր մարդ պետք է շարժվի  ոչ թե ծնողական թելադրանքով, այլ ինքն  իր կամքով պիտի որոշի: Իմ ցանկությունն այն է, որ իրենք երբ գիտակցեն, լինեն ՀՀ քաղաքացիներ, Հայաստանը լինի իրավական  այն պետությունը, որը երիտասարդներին օտարության չտանի, այլ ետ բերի: Իմ ցանկությունն այն է, որ Հայաստանը լինի այն հայրենիքը, որը յուրաքանչյուրին տա այդ հնարավորությունը եւ յուրաքանչյուր հայ մարդ դառնա ՀՀ քաղաքացի: Բայց յուրաքանչյուր  երիտասարդ, այդ թվում` նաեւ իմ երեխաները` խելացի, գիտակից, պատրաստված, իրենք պետք է կայացնեն  այդ որոշումն իրենց կյանքի համար: Անգամ ծնողն իրավունք  չունի դա անելու:

Դե ինչ թողնում ենք, որպեսզի ընթերցողը կարծիք կազմի, թե ինչն է պարոն Հովհաննիսյանի որդիներին խանգարում դառնալ ՀՀ քաղաքացի այն դեպքում, երբ դեռ երկու տարի առաջ նրանց հայրը ցանկանում էր ընտրվեր ՀՀ նախագահ:

ՀԱՐՑԱԶՐՈՒՅՑԻ ՇԱՐՈՒՆԱԿՈՒԹՅՈՒՆԸ`«ԻՐԱՎՈՒՆՔԻ» ՎԱՂՎԱ ՀԱՄԱՐՈՒՄ:


ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ