ՏԱՂԱՎԱՐ ՏՈՆԵՐԻՆ ՀԱՋՈՐԴՈՂ ՀԻՇԱՏԱԿԻ ՕՐԵՐԸ ԴԵՌԵՎՍ ԿՄՆԱՆ ՈՉ ԱՇԽԱՏԱՆՔԱՅԻՆ
Արխիվ 12-16ՏԱՂԱՎԱՐ ՏՈՆԵՐԻՆ ՀԱՋՈՐԴՈՂ ՀԻՇԱՏԱԿԻ ՕՐԵՐԸ ԴԵՌԵՎՍ ԿՄՆԱՆ ՈՉ ԱՇԽԱՏԱՆՔԱՅԻՆ
Թեպետ ապրիլմեկյան ապատեղեկատվությունը երեկ ողջ օրը շրջանառում էր, որ տաղավար տոներին հաջորդող օրերը հետայսու դառնալու են աշխատանքային, բայց այսօր ՀՀ կառավարության աշխատակազմի ղեկավար-նախարար ԴԱՎԻԹ ՀԱՐՈՒԹՅՈՒՆՅԱՆԸ նշեց. «Հիմք ընդունելով «ՀՀ տոների եւ հիշատակի օրերի մասին» ՀՀ օրենքի 19-րդ հոդվածն ու «Խղճի ազատության եւ կրոնական կազմակերպությունների մասին» ՀՀ օրենքի 17-րդ հոդվածը` Հայաստանի Հանրապետության կառավարությունը որոշում է 2015 թվականի ապրիլի 6-ի աշխատանքային օրը տեղափոխել 2015 թվականի ապրիլի 11-ը` շաբաթ օրը»: Սույն որոշման նախագծի հիմնավորման մեջ մասնավորապես ասված է. « «Աշխատանքային օրը տեղափոխելու մասին» ՀՀ կառավարության որոշման նախագիծի ընդունումը նպատակ ունի հնարավորություն ընձեռնել Հայաստանի Հանրապետության քաղաքացիներին` Սբ. Հարության տոնի` ապրիլի 5-ի հաջորդող հիշատակի օրն այցելելու իրենց ննջեցյալների գերեզմանները»
Այնուամենայնիվ, հարցը շարունակում է բուռն քննարկման առարկա մնալ, ինչի մասին պարոն Հարությունյանը նշեց, որ այն հավելյալ կքննարկվի Հայ Առաքելական Սուրբ եկեղեցու հետ, քանի որ կառավարությունը որոշել է վերանայել տաղավար տոներին հաջորդող օրը աշխատանքային դարձնելու հարցը: Մինչդեռ Տ. ԱՐՇԱԿ եպիսկոպոս ԽԱՉԱՏՐՅԱՆԸ հենց կառավարության նիստին ներկա լինելով` հանգամանալից բացատրեց հիշատակի օրերի խորհուրդը` նշելով, որ անգամ Թուրքիայում քրիստոնեա զինվորներին թույլ է տրվում հիշատակի օրերին ազատ լինել` հարգելու իրենց ննջեցյալների հիշատակը:
ՀՐԱՆՏ ՍԱՐԱՖՅԱՆ
