ԱՊՐԻԼԸ ԵՎՍ ԿԼԻՆԻ ԱՆՁՐԵՎՈՏ
Արխիվ 12-16"Ապրիլի ամսին երկրի ողջ տարածքում տեղումները լինելու են նորմայից ավել, այսինքն ապրիլը եւս կլինի անձրեւառատ, օդի ջերմաստիճանը նորմայի սահմաններում: Իսկ այս երկու օրերին` ապրիլի 1-ին եւ 2-ին, կգրանցվեն առանց տեղումների եղանակ, 3-ին հնարավոր են տեղումներ, իսկ 4-ին` ժամանակ առ ժամանակ սպասվում են տեղումներ",- մեզ հետ զրույցում անդրադառնալով ապրիլ ամսվա եղանակային կանխատեսումներին` ասաց Տեղական կառավարման եւ արտակարգ իրավիճակների նախարարության Հիդրոմետ ծառայության օդերեւութաբանության կենտրոնի պետի տեղակալ ԳԱԳԻԿ ՍՈՒՐԵՆՅԱՆԸ: Ինչ վերաբերում է մարզերին, ապա, ըստ Սուրենյանի.
- Ապրիլ ամսվա ընթացքում լեռնային շրջաններում կտեղա ձյուն, իսկ մնացած մասերում` անձրեւ: Մասնավորպեսª ամսվա առաջին տասնօրյակում Շիրակում, Կոտայքում, Գեղարքունիքում, Արագածոտնի, Վայոց Ձորի լեռնային շրջաններում, պայմանավորված ցուրտ օդային հոսանքների ներթափանցմամբ, գիշերը հնարավոր է ջերմաստիճանի անկումª մինչեւ -7-ից 12 աստիճան: Իսկ ամսվա երկրորդ տասնօրյակում տաք օդային հոսանքների ներթափանցման հետ կապված` կդիտվի ջերմաստիճանի բարձրացում. ցերեկը մինչեւ10-15 աստիճան:
ԻԼՈՆԱ ԱԶԱՐՅԱՆ
Հավանեցի՞ր հոդվածը, կիսվիր ընկերներիդ հետ
