Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

Կ. ՊՈԼՍԻ ՀԱՅՈՑ ՊԱՏՐԻԱՐՔՈՒԹՅՈՒՆԸ ՍՏԻՊՎԱԾ Է ԿԱՏԱՐԵԼ ԹՈՒՐՔԱՄԵՏ ՔԱՅԼԵՐ

Արխիվ 12-16

Կ. ՊՈԼՍԻ ՀԱՅՈՑ ՊԱՏՐԻԱՐՔՈՒԹՅՈՒՆԸ
ՍՏԻՊՎԱԾ Է ԿԱՏԱՐԵԼ ԹՈՒՐՔԱՄԵՏ ՔԱՅԼԵՐ

Այս տարի ապրիլի 23-ին աշխարհի բոլոր հայկական եկեղեցիներում 100 անգամ կղողանջեն զանգերը: Սակայն, ինչպես տեղեկացրել է Կ. Պոլսի տեղի Հայոց պատրիարքի տեղապահ Տ. Արամ արքեպիսկոպոս Աթեշյանը, զանգեր չեն ղողանջի Ստամբուլում: Մինչդեռ Ստամբուլի հայկական ութ եկեղեցիներում մարտի 23-ին Դարդանելի ռազմական գործողությունների ժամանակ զոհված զինվորների համար հոգեհանգստի պատարագ է մատուցվելու: Այս մասին "Իրավունքը" խոսեց ԵՊՀ արեւելագիտության ֆակուլտետի փոխդեկան, թուրքագետ ՌՈՒԲԵՆ ՄԵԼՔՈՆՅԱՆԻ հետ.
-Ցավոք, Կ. Պոլսի Հայոց պատրիարքությունը ստիպված է կատարել թուրքական իշխանությունների համար նպաստավոր եւ հաճելի քայլեր` դրանով եւս մեկ անգամ իրեն դուրս դնելով ընդհանուր հայության, ինչպես նաեւ Հայ առաքելական եկեղեցու ընդհանուր քայլերից: Բայց այստեղ, իհարկե, նաեւ տեսնում եմ անձնական հանգամանք: Կ. Պոլսի պատրիարքության ներկայիս փոխանորդը` Տ. Արամ արքեպիսկոպոս Աթեշյանը, իր անձնական որակներով բավական հարմարվողական է եւ պատրաստ է նույնիսկ Հռոմի պապից ավելի կաթոլիկ երեւացող քայլեր անել: Ինչպես նաեւ այն հանգամանքը կա, որ Կ. Պոլսի Հայոց պատրիարքությունում չեն անցկացվել եւ չեն թույլ տրվել անցկացնել պատրիարքական ընտրություններ: Ըստ էության, համայնքն իր պատրիարքությամբ առանց ղեկավարի է, եւ նմանատիպ զարգացումներ սպասել էին: Ինչ վերաբերում է կոնկրետ քայլերին, ապա մի կողմից հասկանալի է, որ Թուրքիայում հայկական եկեղեցիների զանգերի ղողանջներն առաջացնում են թուրքերի ազգայնամոլական տրամադրություններ: Բայց մյուս կողմից` նման կտրուկ մերժումը եւ հայտարարությունը` չմիանալ Հայ առաքելական եկեղեցու բոլոր եկեղեցիների գործողություններին, իրոք, ցավալի է եւ անընդունելի: Իսկ այն, որ նրանք պատրաստվում են հոգեհանգիստ անել Դարդանելի ռազմական գործողությունների ժամանակ զոհված հայ եւ թուրք զինվորների համար, ապա դրանով եւս մեկ անգամ Թուրքիան շարունակում է իր ուրացման քաղաքականությունը` փորձելով հավասարեցման նշան դնել մի կողմից պատերազմի մասնակցող եւ բնականաբար, զոհեր տվող Օսմանյան բանակի եւ մյուս կողմից անզեն հայ ժողովրդի միջեւ, որը ենթարկվեց ցեղասպանության:

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ