"ԺԻՐՈՅԱԿԱՆՆԵՐԸ" ՇԱՆԹԻՆ "ՖՈՒՖԼՈ" ԵՆ ԱՆՎԱՆԵԼ
Արխիվ 12-16"ԺԻՐՈՅԱԿԱՆՆԵՐԸ" ՇԱՆԹԻՆ "ՖՈՒՖԼՈ" ԵՆ ԱՆՎԱՆԵԼ
Շանթ Հարությունյանի` Ժիրայր Սէֆիլյանին ուղղված բաց նամակը, ուր վերջինիս հորդորում է "ռեժիմը հեռացնելու" գործողությունները սկսել որեւէ այլ օր, բայց ոչ ապրիլի 24-ին, բուռն քննարկումների առիթ դարձավ "Հիմնադիր խորհրդարանի" համակիրների եւ ակտիվիստների շրջանակում: Եթե պաշտոնական մակարդակով "Հիմնադիր խորհրդարանը" հայտարարել է, որ Շանթի նամակը չի քննարկելու, ապա ակտիվիստները բուռն հիասթափություն ապրելով, իրենց քննարկումներում ի ցույց հանեցին երեւակայության բուռն թռիչք:
Սկզբում սկսեցին "դավադրությունների տեսություն" շարադրել` իբր Շանթն իրականում այդպիսի նամակ չի գրել, այլ պարզապես (քանի որ բաց նամակը հրապարակվել էր նրա որդի Շահենի ֆեյսբուքյան էջում) պատանի Շահեն Հարությունյանին ստիպել են հոր անունից այդպիսի նամակ գրել: Որպես լրացուցիչ վարկած` ասում էին, իբր, ԱԱԾ-ն կոտրել է Շահենի էջը եւ այդտեղ դա գրառել, իսկ բազում "ծակ պրոֆեսորներ" պնդում էին, իբր դա Շանթի գրելու ոճը չէ: Ի վերջո, երբ համոզվեցին, որ նամակն իրոք գրել է Շանթ Հարությունյանը, արդեն սկսվեցին վիրավորանքներ նրա հասցեին եւ լեզվակռիվները Շանթի համակիրների հետ: "Ժիրոյականների" առանձնահատուկ սերն է վայելում եւ տիրաժավորվում է "Շանթը "ֆուֆլո" է, ոչ թե հեղափոխական" բանաձեւը:
Բայց հետաքրքիր է, նույն տրամաբանության շրջանակում ինչպե՞ս պետք է բնութագրվեն "Հիմնադիր խորհրդարանի" քաջարի հեղափոխականները, ովքեր ժամանակին մինչեւ վերջ չհասցրին ավտոերթը դեպի Գյումրի, քանի որ վախեցել էին "գողականների" սպառնալիքներից ու զգուշացումներից:
ՍԵՓ. ԼՐԱՏՎՈՒԹՅՈՒՆ
