ՖԻԼՄԸ ՀԱՆԴԻՍԱՏԵՍԻՆ ԿՍՏԻՊԻ ՇՈՒՆՉԸ ՊԱՀԱԾ ՀԵՏԵՎԵԼ ԻՐԱԴԱՐՁՈՒԹՅՈՒՆՆԵՐԻ ԶԱՐԳԱՑՄԱՆԸ
Արխիվ 12-16ՖԻԼՄԸ ՀԱՆԴԻՍԱՏԵՍԻՆ ԿՍՏԻՊԻ ՇՈՒՆՉԸ ՊԱՀԱԾ ՀԵՏԵՎԵԼ ԻՐԱԴԱՐՁՈՒԹՅՈՒՆՆԵՐԻ ԶԱՐԳԱՑՄԱՆԸ
Մայիսի 20-ից «Մոսկվա» կինոթատրոնում տեղի կունենա ռեժիսոր Նաիրի Հակոբյանի «Սպանել 15 րոպեում» ֆիլմի պրեմիերան: Ֆիլմը կյանքի կոչելու միտքը եղել է ֆիլմի պրոդյուսեր եւ գլխավոր հերոսին մարմնավորած դերասան Էդուարդ Փոռեյանը: Ֆիլմի ստեղծագործական խումբը հավաստիացնում է, որ սցենարային բովանդակությունն ունի հետաքրքիր լուծումներ, ինչն էլ հանդիսատեսին կստիպի շունչը պահած հետեւել իրադարձությունների զարգացմանը, հավատալով, որ վերջում հաղթելու է ամենազորեղ սերն ու մարդկային վեհ արժեքները:
«Սպանել 15 րոպեում» գեղարվեստական ֆիլմում կան մարտի տեսարաններ, որոնք իրականացնում է գլխավոր հերոս էդուարդ Փոռեյանը, ով ֆիլմում կերպարը մարմնավորելու համար չի դիմել կասկադյորի օգնությանն ու անիմացիոն հնարքների, քանի որ պրեֆեսիոնալ մարզիկ եւ ունի բազմաթիվ պատվավոր հաղթանակներ:
Ֆիլմի այլ կերպարներում հանդես են եկել Թինա Ավետիսյանը, Նիկոլայ Եղիազարյանը, Շուշան Երիցյանը:
ԼԻԼԻԹ ԵՂԻԱԶԱՐՅԱՆ
