Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

ԵՏՄ-Ի ՄԻԱՍՆԱԿԱՆ ԱՐԺՈՒՅԹԸ ՄՈՏ ԱՊԱԳԱՅԻ ՀԱՐՑ Է

Արխիվ 12-16

ԵՏՄ-Ի ՄԻԱՍՆԱԿԱՆ ԱՐԺՈՒՅԹԸ
ՄՈՏ ԱՊԱԳԱՅԻ ՀԱՐՑ Է


Օրերս Չինաստանում տեղի ունեցած Բոաոյի տնտեսական համաժողովում ¥որին, հիշեցնենք, մասնակցեց եւ ելույթ ունեցավ նաեւ ՀՀ նախագահ Սերժ Սարգսյանը¤ ՌԴ առաջին փոխվարչապետ Իգոր Շուվալովը հայտարարեց, որ Ռուսաստանը որոշել է միանալ Չինաստանի նախաձեռնությամբ ստեղծվող Ենթակառուցվածքային ներդրումների ասիական բանկի (AIIB) կապիտալին: Այդ բանկը, որին մասնակցության հայտ են ներկայացրել նաեւ գործնականում բոլոր առաջատար երկրները, եւ որը մասնագետները համարում են չինական Արժույթի միջազգային հիմնադրամ կամ չինական Համաշխարհային բանկ, մեկն է այն առանցքային գործիքներից, որոնց կիրառումը խոստանում է էականորեն սահմանափակել համաշխարհային թիվ 1 արժույթի դերում դոլարի կշիռը:
Այս ֆոնին միանգամայն այլ տեսք է ստանում Եվրասիական միությունում միասնական արժույթի անցնելու մասին վերջերս ՌԴ նախագահ Վլադիմիր Պուտինի ձեռնարկած հայտնի քայլը: Այն, որ ԵՏՄ միասնական արժույթի թեման ակտիվ օրակարգում է, մեզ հետ զրույցում ընդգծեց նաեւ Ռուսաստանի Պետդումայի ԱՊՀ-ի, եվրասիական ինտեգրման հարցերով հանձնաժողովի նախագահ ԼԵՈՆԻԴ ՍԼՈՒՑԿԻՆ.
- ԵՏՄ-ում միասնական արժույթը լինելու է, եւ ներքին հարաբերություններում չի գործի ո՛չ դոլարը, ո՛չ եվրոն, չնայած` ընդունում եւ դրական եմ վերաբերվում այդ արժույթներին: Բայց նաեւ կարծում եմ, որ ԵՏՄ տարածքում միասնական արժույթ ստեղծելու հարցը, թեկուզ մոտ, բայց ապագայի հարց է:
Իսկ "մոտ ապագա" ասելով` ի՞նչ պետք է հասկանալ, այս պահին ի՞նչ աշխատանքներ են տարվում միասնական արժույթ ստեղծելու ուղղությամբ: Եվ, առհասարակ, ի՞նչ կտա դա ԵՏՄ անդամ երկրներին: Պատասխանելով հարցերինª պարոն Սլուցկին նկատեց.
- Այս պահին ակտիվ աշխատանքներ են տարվում ԵՏՄ անդամ երկրների ազգային բանկերի, Ֆինանսների նախարարությունների, ինչպես նաեւ փորձագետների հետ, որպեսզի իրականացվի այդ համակարգը, որի մասին, ի դեպ խոսել է նաեւ Ղազախստանի նախագահ Նորսուլթան Նազարբաեւը` դեռեւս 2011թվականին: Կարծում եմ, որ, եթե գործընթացը շարունակվի այնպես, ինչպես նախատեսվում է, ապա ԵՏՄ-ում մոտակա տարիներին մենք կունենանք մեկ միասնական արժույթ: Բայց այս ճգնաժամային պահին դեռ վաղ է խոսել դրա մասին, պետք է շատ ու շատ աշխատանքներ տարվեն այդ ուղղությամբ, որոնց սկիզբը, ինչպես ասացի` ներկայումս դեռ միայն դրվել է: Այնպես որ, պետք է աշխատենք:

ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ