ВИДИТЕ ЛИ. ԲՆԱՊԱՀՊԱՆՈՒԹՅԱՆ ՆԱԽԱՐԱՐԸ 300.000 ՌՈՒԲԼԻ Է ՀԱՅՏԱՐԱՐԱԳՐԵԼ
Արխիվ 12-16ВИДИТЕ ЛИ. ԲՆԱՊԱՀՊԱՆՈՒԹՅԱՆ ՆԱԽԱՐԱՐԸ 300.000
ՌՈՒԲԼԻ Է ՀԱՅՏԱՐԱՐԱԳՐԵԼ
Բնապահպանության նախարար, իր աշխատակիցներին վիրավորող եւ նրանց վրա ձեռք բարձրացնող Արամայիս Գրիգորյանն 2014 թ-ի իր հայտարարագրում 300.000 ռուբլի է հայտարարագրել:
Նախարարն իր դրամական միջոցները պահում է ոչ միայն ռուբլով, այլեւ դոլարով (776,000.00) ու դրամով (960,292.99):
Ուսումնասիրելով Արարատի նախկին մարզպետի հայտարարագրից` պարզ է դառնում, որ ներկայիս նախարարը եկամուտ ստանում է ոչ միայն իր աշխատավարձից, այլեւ աշխատանքի վարձատրությանը հավասարեցված վարձատրությունից ու շահաբաժնից, որոնք միասին կազմում են 85,308,745 դրամ:
Ի դեպ, Արամայիս Գրիգորյանի 2013 թ-ի հայտարարագիրը 2014 թ-ից էականորեն չի տարբերվում: 2013 թ-ին եւս նախարարը իր դրամական միջոցների մի մասը ռուբլով է պահպանել (300.000): Պարզապես 2013 թ-ի համեմատ 2014 թ-ին նախարարի եկամուտները մի փոքր նվազել են` 93,536,816 –ից հասնելով 85,308,745 դրամի:
Դրա փոխարեն Արամայիս Գրիգորյանի կնոջ` Գրիգորյան Ալիսայի եկամուտներն են փոքր ինչ ավելացել: Տիկին Գրիգորյանի դրամական միջոցները կազմել են 300,630,945, տարվա վերջում` 336,939,945 դրամ:
Հետաքրքիր է` այսքան մեծ գումար նախկին մարզպետն ի?նչ ճանապարհով ու ինչպես է վաստակել: Հավանաբար, մարզպետի պաշտոնը բավական եկամտաբեր է, որ Ա. Գրիգորյանը չէր ցանկանում հեռանալ հայրենի մարզից, թողնել մարզպետի` ոսկու պարկ համարվող պաշտոնն ու դառնալ բնապահպանների հետ օր ու գիշեր քյալլա տվող какой нибудь բնապահպանության նախարար:



ՍՈՆԱ ԴԱՎԹՅԱՆ
