ՔՐ.ԳՈՐԾԵՐ` "ԱՐՓԻ ԼԻՃ" ԱԶԳԱՅԻՆ ՊԱՐԿԻ ՏՆՕՐԵՆԻ ՆԿԱՏՄԱՄԲ
Արխիվ 12-16Օրերս համացանցում տեղեկություն կար այն մասին, որ "Արփի լիճ" ՊՈԱԿ պարկի տնօրենի նկատմամբ հարուցվել են մի շարք քրեական գործեր: Սրա հետ կապված զրուցեցինք վերոնշյալ պարկի փոխտնօրեն Մեսրոպ Կյուրեղյանի հետ, ով հաստատեց, որ, այո, կա նման բան.
-Ես կոնկրետ տեղյակ չեմ, թե ում վարույթներում են գտնվում քրեական գործերը, բայց հարուցվել են մի շարք գործեր, որոնք նախկինում վարել է Աշոցքի, Ամասիայի տարածքային ոստիկանությունը, եւ նեկրայումս այդ գործի քննությունը շարունակում է Շիրակի մարզի քննչական վարչությունը: Արդեն 8 ամիս է, ինչ այս պաշտոնին եմ եւ կարող եմ ասել, որ "Արփի լիճ" ազգային պարկի տնօրեն Արա Պետրոսյանի աշխատանքային գործունեությունը պարունակում է 99,9 տոկոս հանցակազմ:
Մեր զրուցակիցը հավաստիացրեց, որ այն գործերը, որոնք արդեն հարուցված են, դեռ մի մասն է.
- Քրեական օրենսգրքում նշված հոդվածների մի մասը դեռ հարուցված չէ, բայց հնարավոր է, նոր հանգամանքների բերումով, այդ հոդվածներին եւս անդրադառնան քննչական մարմինները:
Թե հատկապես ինչի համար են հարուցվել քրեական գործերը, փոխտնօրենի պնդմամբ` դրանք պաշտոնական կեղծիքներ են.
- ՀՀ քր. օրենսգրքի 314 հոդված. պաշտոնական կեղծիք, որի մեջ մտնում են տնօրենի կողմից իրականացվող խախտումներ` փաստաթղթերի կեղծում, ապօրինի ծառահատումներ, աշխատանքային պայմանագրի կոպիտ խախտումներ եւ այլն: Հավանաբար կհիշեք, անցյալ տարի երկու տարեկան երեխան, որը մոտ 4 կգ քաշ ունի, իբր կրակել եւ վիավորել է 1.90 հասակ ունեցող մորեղբոր վրա, իսկ զենքը պատկանել է "Արփի լիճ" պարկի տնօրեն Պետրոսյան Արային: Հարուցված է քրեական գործ` սպանության փորձ կատարելու համար:
Մ. Կյուրեղյանը տեղեկացրեց նաեւ, որ տնօրենն իր աշխատավարձը կրճատել է բացակայությունների համար, որը նա իրավունք չուներ` առանց իրեն տեղյակ պահելու.
- Պետք է գոնե մեկ-երկու անգամ նախազգուշացում տար, հետո իմ աշխատավարձին կպներ:
Թե արդյոք ՀՀ բնապահպանության նախարարությունը տեղյակ է այն ամենից, փոխտնօրեն Կյուրեղյանն ասաց.
- Նախարարությունը տեղյակ է, թե` ոչ, չգիտեմ, բայց իմ 8 ամսվա աշխատանքի ընթացքում ոչ մի ստուգում նախարարությունը չի կատարել, ոչ մի անգամ չի կանչվել, եւ ոչ մի հարցի շուրջ ուղղություններ չի կատարվել:
ԱՐՄԵՆՈՒՀԻ ՀԱԿՈԲՅԱՆ
Հավանեցի՞ր հոդվածը, կիսվիր ընկերներիդ հետ
